Македонија
(Видео)Пратениците не отстапуваат од измените на членот 353, ама сега ќе ја вклучеле и јавноста
Пратениците се согласни дека треба да се менува членот 353 од Кривичниот законик бидејќи се користел за политички пресметки, а бил воведен од претходната власт. На Комисијата за политички систем мнозинство пратеници зборуваа за членот 353, кој не е дел од сега предложените измени и тие бараат да се донесе транспарентно, а не зад затворени врати.
Пратеникот Панчо Минов вели дека не треба да се бега од членот 353. „Ние не треба да бегаме од ова одредба. Повеќе од јасно е дека е направена од претходната влада во чиј контекст може да бидат сместени јавни овластувања како предмет на политички пресметки. Недефинирано е што е противправна корист и штета и има драконски казни. Оваа проблематика треба да се анализира од правосудната фела, од членките на Европската Унија. Компарации покажуваат дека вака е уредено во други држави, прашањето е недефинирано. Не сум да не се санкционира, но да се дефинира каква штета има и противправна корист“, рече Минов.
Тој порача новинарите да не го користат членот како спектакл и како да се однесува конкретно за некој функционер.
„Да не премолчуваме да се подготвува позади завеса туку транспарентно што поскоро. Новинарите да не го користат како спектакл и дека се однесува поименично за некој функционер. Да не биде простор за политички пресметки. Нека биде во прилог на помирувањето“, додаде Минов.
Пратеничката Нола Исмајлоска-Старова, која беше исклучена од ВМРО-ДПМНЕ, рече дека е грешно да се создава впечаток во јавноста дека се менуваат одредби заради индивидуалци.
„Треба потранспарентно низ дебата да ги подобриме сите членови, на тој начин сите ќе знаат дека нешто менуваме, а не општеството да се вознемирува дали ќе има или нема правда. Нема зошто да не се отворат јавно овие прашања како што беше вчера. Треба да се соочиме со јавноста“, рече таа.
Според пратеничката Снежана Калеска од СДСМ, пак, членот 353 не е табу-тема.
„Знаеме како беше вметнат, јасно е дека таа одредба мора да биде предмет на ревизија. Но тоа бара издржана и сеопфатна анализа, пренесена во јавноста како што треба. Потребата произлегува од тоа што Кривичниот закон не може да има одредби кои се предмет на слободно толкување. Среќна сум што сите како пратеници сфативме дека не може во ваква постапка да се донесе туку отворено како што доликува“, рече Калеска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Посебен сообраќаен режим утре и задутре во Тетово поради предизборни митинзи
СВР Тетово информира дека поради одржување на митинзи на политичките партии во рамки на предизборната кампања во следните два дена (недела и понеделник) ќе има посебен сообраќаен режим во центарот на градот.
– Ќе се воведе посебен режим на сообраќајот и тоа по булевар „Илирија“од влезот на Тетово сè до плоштадот, односно кружниот тек со булевар „Илинденска”, при што нема да се дозволува паркирање на возилата низ булеварот. Исто така, за време на митинзите сообраќајот ќе биде пренасочен по другите улици, и тоа по улиците „ЈНА“, „Тодор Ципоски-Мерџан”, „Јане Сандански“ и улица „Никола Тесла“, се вели во соопштението на СВР Тетово.
Отттаму со апел возачите да бидат трпеливи и да ги почитуваат наредбите што ќе ги издаваат полициските службеници.
Македонија
Ковачевски: Имаме задача да не се откажеме од европскиот сон за подобра и просперитетна држава за идните генерации
„Нашата генерација има задача да не се откаже од европскиот сон на земјата и да направи сè за Македонија да стане рамноправна членка на Европската Унија“, порача претседателот на СДСМ, Димитар Ковачевски, на митингот на Коалицијата за европска иднина во Кичево.
Ковачевски истакна дека денеска кога чествуваме 121 година од смртта на македонскиот револуционер, идеолог и учител, Гоце Делчев, важно е да се потсетиме дека низ историјата нашиот народ не се откажувал дури ни пред најтешките предизвици. Порача дека 8 мај е нов историски крстопат, денот кога сите прогресивни и демократски сили во државата треба да одлучат државата одлучно да продолжи на патот кон Европската Унија.
„Само така ќе изградиме подобра и просперитетна држава за идните генерации. Држава со европски животен стандард, европски вредности, европски правила на игра“, рече Ковачевски.
Ако ВМРО ДПМНЕ и Силјановска се дограбат до власта, ќе стават рампа на патот на Македонија кон Брисел и ќе можеме да се збогуваме од ЕУ, истакна Ковачевски.
„Не смееме да ја повториме грешката од минатото и да дадеме преголема моќ во рацете на десничарска партија како ВМРО ДПМНЕ. Уште се свежи раните што ѝ ги нанесоа на државата за време на нивното 11-годишно владеење на Македонија. Сетете се на заробените медиуми, замолчените вработени во јавниот сектор, натепаните студенти во библиотеките и плоштадите. Сетете се на милионите потрошени за жални врби, лажен барок, евтин стиропор само за да се богатат поединци од ВМРО – ДПМНЕ“, истакна Ковачевски.
Лидерот на СДСМ пред граѓаните на Кичево најави повисоки плати и пензии, пакети за поддршка на учениците и студентите, одговорна социјална политика и одлучна борба против криминалот и корупцијата.
Македонија
Проданоски: Експресниот пат Градско-Прилеп ни од далеку не е готов, да ставиме крај на лагите на СДСМ на 8 мај
Тука сме на лице место за да ги разобличиме лагите кои што СДСМ се обидуваат да ги пласираат до јавноста, рече Дејан Проданоски, претседател на ОК на ВМРО-ДПМНЕ Прилеп.
– Овде во Дреновската клисура каде што сме на самиот старт на почетни градежни активности, а за кои што слушнавме дека во 90 % експресниот пат е завршен. Овие се истите лаги исто како оние на почетокот на нивниот мандат кога Фејсбук и Гугл чекаа на граница, истите лаги како фабриката за автомобили во Тетово. Но, македонските граѓани треба да видат и да знаат дека овде на ова место е сам старт на почеток на градежни активности, а не е видлив ниту крајот на она како што тие сакаат да го пласираат. Да не зборувам тука и за третата фаза од експресниот пат за која што има обезбедено средства и за која што можеше исто да биде завршена ако не беа платени пеналите кон компанијата на која што и се бараше рекет за да остане да го гради автопатот и се изгуби значително голем период од изградба на патот и барање на друга компанија, рече тој.
На лагите од СДСМ им нема крај, овие лаги мора да завршат, затоа на 8-ми мај ве повикувам сите да заокружите број 2 за да и ова автопатско решение биде завршено и биде ставено во функција на секој граѓанин на Република Македонија, додаде Проданоски.