Македонија
Предупредување за возачите, магла и одрони на неколку делници

Поради појава на магла која ја намалува видливоста до 30 метри, на патниот правец од село Гајре до Попова Шапка, вечерва условите за возење се значително отежнати, информираат од Јавното претпријатие „Македонија пат“.
Според официјалното соопштение, маглата значително го намалува опсегот на видливост, што прави возењето да биде опасно, особено на овој дел од патот. Возачите се предупредуваат да бидат внимателни, да ја намалат брзината и да се придржуваат на поставената сообраќајна сигнализација.
Како што се додава во соопштението, останатите патни правци низ земјата се под зимски услови, при што на повисоките предели се забележани влажни коловози, додека на пониските места тие се претежно суви.
„Работните екипи на претпријатието се целосно ангажирани во расчистувањето на патиштата, а на терен се и нивните соработници, кои се ангажирани за справување со снежните наноси“, информираат од „Македонија пат“.
Дополнително на некои од патните правци што минуваат низ клисури и усеци, можни се поситни одрони, што потенцијално ги прави опасни за патување.
„Македонија пат“ апелира до сите возачи да бидат посебно внимателни, да ги прилагодат брзините на условите на патот и да се придржуваат на сообраќајните знаци.
Дежурните екипи на терен се на располагање и постојано го одржуваат патиштата проодни, но возачите треба да бидат свесни за опасностите и да ја адаптираат возната брзина според условите на теренот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Николоски: Македонија со историски раст од над 1 милијарда евра на странските инвестиции

За првпат Македонија надмина над 1 милијарда евра директни странски инвестиции и очекувам овој тренд на зголемување да продолжи и оваа година, истакна вицепремиерот Александар Николоски денеска од Охрид.
“Можам со гордост да кажам од она што ги имаме како бројки од Заводот за статистика, минатата година ќе биде рекордна година по привлекување на странски инветстиции во смисла на вредност на истите. Ќе надминеме за првпат во историјата на Македонија преку 1 милијарда евра, а оваа година очекувам истиот тренд да продолжи. Тоа не значи само нови инвеститори, тоа значи и зголемување на капацитетите на постојните инвеститори како на пример зголемувањето на капацитетот на компанијата Костал и тоа е нешто што ќе продолжиме да го стимулираме како Влада” – истакна вицепремиерот Николоски.
Во рамките на глобалниот настан за добавувачи што се организира во Охрид во рамки на Групацијата Костал, вицепремиерот Николоски истакна дека многу домашни мали и средни компании можат да се вклучат во ланецот на добавување што ќе значи проширување на нивниот капацитет, отворање на нови работни места и раст на севкупната економија.
Македонија
Митева: Добивме донација на уреди за филтрација на воздухот во вредност од 1.000.000 евра, ќе бидат распределени во градинките, училиштата и болниците

Денес и формално, Владата потпиша договор за донација на 255 системи за филтрација на воздух со ЕКОТИП ДООЕЛ Скопје, компанија лидер во областа на филтрација на воздухот во вредност од 1.000.000 евра. Овие уреди, кои ги донира ЕКОТИП ДООЕЛ Скопје, како долгогодишен партнер на реномираниот германски производител MANN & HUMMEL ќе бидат распределени во градинки, училишта, болници и други критични јавни установи, каде што квалитетот на воздухот е од клучно значење, информира Марија Митева, портпаролка во Владата.
„Загадувањето на воздухот останува еден од најсериозните еколошки и здравствени предизвици во Македонија. Во контекст на напорите на Владата во преземањето значајни мерки за намалувањето на загадувањето на воздухот преку капитални проекти, како Влада активно работиме на долгорочни стратегии и решенија за намалување на загадувањето, преку инвестиции во одржливи енергетски решенија, зголемена контрола на емисиите и поддршка на зелени технологии. Сепак, додека спроведувањето на овие мерки бара време, ваквите брзи и ефикасни донации од приватниот сектор се од суштинско значење за заштита пред се на здравјето на граѓаните. Сепак, успехот во оваа област зависи од заедничките напори на сите сектори. Затоа како Влада особено го истакнуваме значајниот придонес на приватниот сектор, како што е оваа донација од 255 системи за филтрација на воздухот во вредност од 1 милион евра“, посочува Митева и додава:
„Дозволете ми дополнително, во име на Владата да истакнам дека безрезервно ја цениме и посетата на претставниците на реномираниот производител MANN & HUMMEL, кои заедно со тимовите од Владата и ЕКОТИП ДООЕЛ Скопје ќе продолжат да ги разгледуваат можностите за понатамошна соработка во рамките на долгорочни и можности за дополнителни одржливи решенија. Се надеваме дека овој пример ќе послужи како инспирација за други компании да се вклучат да придонесат во заедничката борба за почист воздух и се разбира поздраво општество. Ние како Влада остануваме и понатаму посветени при преземање на активности против аерозагадувањето.“
Македонија
САД внимателно ги следат случувањата во правосудниот систем, сакаме почитување на законот, порача Агелер

САД внимателно ги следат случувањата во правосудниот систем, изјави американската амбасадорка Анџела Агелер.
Таа нагласи дека она што сакаат да го видат е дека во сите процеси се почитува законот.
Агелер нема коментар за владиниот предлог за разрешување на Коцевски, кажа дека процесот се следи одблизу.
„Немам коментар, запознаена сум и го следиме процесот, според моите сознанија во тек е процесот согласно законските процедури и одблиску го следиме“, рече Агелер.
Појасни дека одблизу се следат и случувањата во Судскиот совет.
„Одблиску го следиме и тој процес. Очигледно со години посочуваме во однос на Судскиот совет, но и за други аспекти на правосудниот систем, постојат законски процедури и според моите сознанија тој процес е во тек и одблиску ги следиме состојбите и сакаме да видиме дека законот се почитува“, нагласи Агелер.