Контакт

Македонија

Протест на битолските превозници, општината реагира

Објавено пред

Битола подолго време е препознатлива по проблемот со превозот на учениците во основното и средното образование. Не навлегувајќи во проблемите кои биле во минатите години, Општина Битола последниве месеци бараше и нуди начини за надминување на негативните состојби со превозот на ученици, соопшти општината.

По усвоените измени на Законот за превоз во патниот сообраќај во Собранието, учениците ќе можат да се возат во меѓуопштинскиот и општинскиот линиски превоз. Имајќи ги предвид обврските на Општината кои произлегуваат од споменатиот закон, според кој Советот на општината е надлежен да ги утврди цените и начинот на организирање на превозот на ученици, за денешната седница на Советот предложи измена на тарифата која се применува во општинскиот линиски превоз и одлука за начинот на организирање на превозот на ученици во линискиот превоз.

Точката на дневен ред беше во функција на разјаснување на толкување на постоечкиот тарифник бидејќи од повеќе аспекти постојат нејаснотии во неговата примена.

Во петокот попладне превозниците доставија писмо со кое не’ информираа дека денес ќе имаат протест во периодот од 9 до 11 часот не споменувајќи дека изутрина нема да ги возат учениците и останатите патници. Во текот на вчерашниот ден во функција на отвореност на општината, беа информирани дека точката од дневен ред ќе биде повлечена. Дополнително утрово истотот им беше потврдено на меил адресите на превозниците.
За жал нивниот избор беше сепак да не возат, се додава во соопштението на Општина Битола.

,,Од овие причини сметаме дека денешниот протест на превозниците е непотребен и неоснован и останува нејасно прашањето кој е мотивот за ваквото однесување на превозниците”, велат од Општина Битола.

Општина Битола

Македонија

Гаши: Натпартиски кандидат е поприфатив за нас

Објавено пред

,,Натпартиска личност со интегритет, отколку партиски член е поприфатлив профил на претседателски кандидат за Беса Алтернатива”, изјави Африм Гаши по завршувањето на средбата со премиерот Зоран Заев.

Гаши вели тоа била личност која не давала несреќни изјави во минатото, односно изјави кои биле во навредлив контекст кон Албанците, затоа што тие ќе треба да го убедат гласачкото тело да гласаат за него.

,,За нас ова се критериумите до кои ќе се држиме. Пред се кандидатот треба да биде прифатлив за сите, пред се за Албанците, да има добро CV и да има добар рејтинг на анкетите. Сѐ уште немамe преговарано за конкретни предлози. Ова е прва средба на која се договоривме дека ја прифаќаме идејата за консензуален кандидат”, рече Гаши.

По објавувањето на предлогот од СДСМ, Беса Алтернатива ќе одржи внатрепартиски состанок, на кој ќе донесе одлука дали го поддржува или не.

Претходно Гаши изјави дека доколку пропадне шансата за консензуален кандидат,ќе преговараат со Алијанса за Албанците за заеднички настап, а доколку не се договорат и со нив,самостојно ќе настапат на изборите.

Прикажи повеќе...

Крвав четврток

Ќосето: Бевме принудени да одиме на протести, сè до 27 април мислев дека тоа е во ред

Објавено пред

„На 27 бев на работа во Велес, бев вработен во ЈП ‘Водовод’ како инкасант. Ние вработените од администрацијата две години учествувавме на протести кои беа задолжителни. Ако те нема двапати, те прашуваат зошто не си отишол. Протести, контрапротести, ГДОМ, движења, проектот ‘За заедничка Македонија’, одев во Велес, во Прилеп, па дури и во Долнени. Додека траеше ‘За заедничка Македонија’, одевме и во Скопје. Тоа го правев исклучиво со чиста мисла и намера, од патриотски причини. Тогаш сметав дека така треба. Сè до 27 април“, рече обвинетиот Горанчо Ангеловски-Ќосето на денешните завршни зборови за крвавиот четврток.

Ангеловски е обвинет дека ги мобилизирал членовите на велешкото патриотско здружение „Ќосето“ со цел да направат упад во Собранието. Тој вели дека ваквите обвиненија не се воопшто точни и дека од Велес пристигнал во Скопје со само еден пријател, а тоа е амнестираниот Илија Славевски.

„Дојдов во Скопје со Славевски, никому не сум му се јавувал, не сум се договарал ниту, пак, сум имал намера да организирам нешто лошо. Единствени од здружението бевме јас и Илија. Од 73 луѓе обвинети за 27 април, останав само јас единствен од Велес. Не знам како сум го мобилизирал здружението, Обвинителството не даде ниту еден доказ за тоа“, рече Ќосето.

Ангеловски истакна дека полицијата во Собранието, доколку сакала, можела да ја спречи толпата да продолжи кон прес-центарот, каде што беа пратениците. Тој вели дека не знаел каде се движи бидејќи не го познавал Собранието, се движел по толпата.

„Доколку не те пропушти полицијата, не можеше да се качиш на скалите. Народот многу лесно се качи нагоре. Во тој момент не знаев каде одам, одев по толпата. Имав маска, ја вадев, ја ставав. Тој ходник водел кон прес-салата, не знаев. Стигнав до пред прес-салата, каде што стоев 15 минути. Обвинителството ме товари дека сум влегол во прес-салата и дека сум мавал по пратениците. Тоа е лага, јас воопшто не влегов во прес-салата,тој ден апсолутно не повредив никого. Ако се докаже дека некого сум повредил, барам да бидам најстрого казнет“, рече Ангеловски.

Тој вели дека се кае и искрено жали за она што се случило на 27 април, а последиците од настанот сè уште ги чувствува.

„Многу ми е жал за настаните од 27 април. Не само што настрадаа пратеници туку и ние, кои сме фамилирани луѓе. Последиците од настанот ги чувствуваме сите. Морам да нагласам дека во никој случај не сум терорист. Јас сум обичен човек, татко на три деца. Мене и сопругата нè избркаа од работа. Заглавени сме со кредити и ги трпиме последиците. Со ова не сакам да се правдам, само ја кажувам вистината и последиците од 27 април“, рече Ангеловски.

Прикажи повеќе...

Крвав четврток

Игор Југ: За да си ги спасат своите задници и банкарски сметки, наместија невини луѓе да спијат во затвор

Објавено пред

Политичките елити што беа директни и индиректни творци на 27 април се осмелија да одредуваат за вината на обвинетите во случајот. Во протестите ме нервираше една работа, а тоа е – оние што најмногу повикуваа на протести, ниту еднаш не излегоа. Ние ги избиравме за да нè водат, а не да се кријат зад нас. Но, по сè изгледа, не беше така, рече обвинетиот Игор Југ во своите завршни зборови на денешното рочиште за крвавиот четврток.

„За да си ги спасат своите задници и банкарски сметки, наместија невини луѓе да спијат во затвор, а оние што ги отворија вратите добија амнестија за да не кажат кој им рече да го сторат тоа. Покрај отворачите на портите, во амнестијата се протнаа и ликовите од Готам сити, предводниците на револуцијата, која дебело ја наплатија“, рече Југ.

Според Југ, неговиот физички изглед бил пресуден да се најде помеѓу обвинетите, ќелав, тетовиран, висок и со над 100 килограми, а дополнителен фактор била маицата ХОС, која ја носел.

Тој рече дека во Собранието не сторил никакво кривично дело, но со изгледот и гардеробата направил бум.

Југ потенцира дека немал задача да го убие премиерот Зоран Заев, а доколку сакал да го стори тоа, можел да го направи без проблем.

„Ако сум имал задача да го убијам Заев, зошто не сум го сторил тоа. Да сакав, таму можев кого било да задавам со рацете, не ми требаше оружје. Јас не се ни обидов да му пријдам на Заев. Ако бев атентатор, ќе носев маска и долги ракави за да си ги прикријам тетоважите. Кој би најмил ветеринар да го убие премиерот. Тоа го прават професионалци. Кој калибар сум јас за да ми дадат задача да го убијам премиерот. Имам шеќер од кој ми е расипан видот. За ладнокрвно убиство треба способен човек и професионалец“, рече Југ.

Судењето за 27 април продолжува со завршните зборови на обвинетите. На денешното рочиште завршен збор дадоа разузнавачот Мунир Пепиќ, Јане Ченто, Игор Дурловски, Горанчо Анѓеловски-Ќосето и Игор Југ.

Останува свој завршен збор да дадат обвинетите Влатко Трајковски, Вилијам Михајловски, Никола Митровски-Кољо и Александар Василевски. По завршување на завршните зборови, следува пресуда за крвавиот четврток.

Прикажи повеќе...

Најново

Крвав четврток60 минути

Игор Југ: За да си ги спасат своите задници и банкарски сметки, наместија невини луѓе да спијат во затвор

Политичките елити што беа директни и индиректни творци на 27 април се осмелија да одредуваат за вината на обвинетите во...

Македонија1 час

Ставот на Адеми појак од оној на Заев: Ќе се преиспитуваат само одбиените проекти од скандалозниот конкурс за култура

По обелоденувањето на скандалозниот конкурс на Министерството за култура, каде што бројни проекти кои со години наназад ја обележувале македонската...

Македонија1 час

Мијалков: Секој ден сме на судење

Несогласување и високи тонови помеѓу обвинетите и обвинителите на СЈО за тоа дали денеска да продолжи судењето на случајот „Титаник...

Македонија3 часа

Првиот братучед на градоначалникот Наумоски вработен во Централен регистар

Мирослав Наумоски, прв братучед на градоначалникот на Ѓорче Петров, Александар Наумоски, пред 2 месеца бил вработен во Централен регистар на...

Македонија4 часа

(Видео) Мајката на Костадинов ќе се повлече од работното место

Портпаролот на СДСМ и пратеник, Костадин Костадинов, изјави дека неговата мајка се повлекува од работното место. Тој вели дека нејзиното...

Македонија4 часа

Заев на средби со Гаши и Тачи, ќе бараат заеднички кандидат за претседател

Претседателот на СДСМ, Зоран Заев, во име на коалицијата, ги продолжува разговорите и консултациите со партиите околу можностите да се...

Македонија5 часа

Самка Ибраимовски: На претседателските избори одиме сами

Самка Ибраимовски од Партијата за целосна еманципација на Ромите изјави дека на претстојните претседателски избори ќе настапат сами. Ибраимовски на...

Македонија5 часа

Адвокатот на Тачи и Ибраими се повика на аболицијата на Иванов и мислењето на Врховниот суд

Адвокатот на обвинетите Мендух Тачи и Бедредин Ибраими, Елвер Исени, во завршниот збор за предметот „Титаник 2“ на СЈО побара...

Крвав четврток6 часа

Ченто: Ми понудија да бидам заштитен сведок за 27 април и лажно да сведочам

Јане Ченто, обвинет за случувањата во Собранието на Република Македонија од 27 април, во своите завршни зборови рече дека од...

Крвав четврток6 часа

Пепиќ: Во Собранието бев како разузнавач, а не да напаѓам пратеници

Разузнавачот Мунир Пепиќ обвинет за насилниот упад во Собранието, односно вршење насилство врз пратеникот Зијадин Села, во завршните зборови истакна...

Топ6 часа

Почина градежен работник, врз него паднала железна арматура

На објект во изградба на улицата Лондонска во Скопје, кој го гради тетовска фирма сопственост на Г.Х.(54) од село Мала...

Свет7 часа

„Ќе изгубите сѐ“ – Трамп со ултиматум до венецуелската војска

Претседателот на САД, Доналд Трамп, предложи венецуелската војска да ја поддржи опозицијата во земјата, да го пропушти хуманитарниот конвој или...

Македонија7 часа

АВМУ: Сопствениците на медиуми и нивните блиски не смеат да им се закануваат на новинари

Агенцијата за аудио и аудиовизуелни медиумски услуги го осуди однесувањето на синот на сопственикот на „1ТВ“, Бојан Јовановски, кој вербално ѝ...

Свет8 часа

Четири лица убиени во пукање во американската држава Мичиген

Четири лица беа убиени како резултат на пукањето во округот Кент во северната американска држава Мичиген, објави локалната полиција, пренесува „Спутник“....

Свет8 часа

Мадуро: Русија ќе испорача 300 тони хуманитарна помош за Венецуела

Русија ќе достави 300 тони хуманитарна помош за главниот град на Венецуела, Каракас, в среда, рече претседателот на Венецуела, Николас...

Свет9 часа

Бомбаш-самоубиец уби двајца полицајци близу познатиот туристички пазар во Каиро

Бомбаш-самоубиец уби двајца полицајци, а тројца други беа повредени додека го следеле во близина на туристичкиот пазар Кан ел-Калили во...

Свет10 часа

Пожарникарите се борат со стотици подметнати пожари во Северна Шпанија

Регионалните власти во Северна Шпанија во моментов се борат со околу 50 пожари, од кои дел се намерно подметнати, пренесува „Локал“....

Топ20 часа

Се судрија автомобил и трактор, едно лице загина кај Доброште

Eдно лице загина, а едно добило сериозни повреди во сообраќајната несреќа што се случи на патот Тетово-Јажинце, кај селото Доброште. Како...

Македонија21 час

Силјановска до Заев: Надвор сум од концептот во кој работа има само за децата на вашите функционери

Кандидатката за претседател на ВМРО-ДПМНЕ, Гордана Силјановска, се огласи на својот профил на „Фејсбук“ кога премиерот Зоран Заев изјави дека...

Македонија22 часа

Се бара притвор за девет лица што изработувале и продавале огнено оружје

Надлежниот јавен обвинител до судот ќе достави предлог за определување мерка притвор за учесниците во криминалната група која изразботувала и...

Досие