Генералниот секретар на СДСМ Александар Кирацовски, периодов остварува интензивни посети на општинските организации на партијата, учествува на отворени средби со граѓаните како и на средби со членовите и симпатизерите на СДСМ. Посетите започнаа во скопските општини Ѓорче Петров, Чаир, Бутел, Центар, Шуто Оризари, Гази Баба, и општините и населените места во околината на главниот град, како Чучер Сандево, Зелениково, Сопиште, Петровец, Шишево.

На средбите се разговара за досегашното спроведување на мерките од Планот за живот, за политиките кои обезбедуваат раст на економијата и повисоки плати, за потребите и очекувањата на граѓаните, актуелните политички состојби, но и за предизвиците пред коишто е соочена Македонија во овој период.

„Овде сме помеѓу вас да разговараме отворено за политиките и вредностите коишто ги спроведуваме и да да го слушнеме вашиот глас. Затоа што за нас, секој е важен. Македонија тргна напред и враќање назад нема. Ова е патот и благодарни сме за вашата поддршка. Свесни сме дека се уште постојат нерешени проблеми и предизвици, но посветени сме, заедно со вас, да ги надминеме“, рече Кирацовски за време на денeшната средба со граѓаните на Шишево.

Граѓаните даваат поддршка на политиките на СДСМ што обезбедуваат повисоки плати, нови работни места, интеграција, повисок животен стандард и градење на едно општество за сите. Но, изнесуваат и конкрентни забелешки, идеи и предлози за решавање на одредени прашања коишто се во интерес на граѓаните и државата.

„СДСМ како одговорна партија продолжува да биде помеѓу граѓаните, да го слуша нивниот глас и да ги следи нивните потреби. Во периодот што следува, највисокото раководство на партијата, претседателот Зоран Заев, заменик претседателката Шекеринска, потпретседателите, генералниот и организациониот секретар ќе ги посетат општините и граѓаните ширум државата. На средбите со граѓаните, раководството на партијата ќе разговара спроведувањето на политиките за подобрување на животот на граѓаните, особено во делот на економијата и животниот стандард, како и за процесот на интеграција на Република Македонија во ЕУ и НАТО и обезбедување сигурна и стабилна иднина за сите“, се вели во соопштението на партијата.

Владина делегација предводена од заменичката на претседателот на Владата и министерка за одбрана Радмила Шекеринска, денес присуствуваше на свеченоста по повод прославата на 23 Мај – Националниот ден на Власите. Во делегацијата учествуваа и заменик претседателот на Владата и министер за внатрешни работи Оливер Спасовски, министерот за култура Роберт Алаѓозовски, како и заменик-министерот за економија, Кире Наумов.

Обраќајќи се на присутните гости на свеченоста, Шекеринска на влашки јазик им го честиташе празникот за кој рече дека е симбол на соживотот во Република Македонија.

„Празнувајќи го овој ден се потсетуваме на важноста на секој народ кој е дел на Република Македонија како заедничка држава на сите нас и како наша заедничка татковина“, рече министерката. Тоа е и пригода, додаде таа, да се потсетиме дека Македонија е пример не само на Балканот, туку и пошироко за тоа како можат да се негуваат и да се унапредуваат различностите и тоа е можеби најголемиот аргумент зошто Македонија треба да биде дел од европското ѕвездено небо. Шекеринска рече дека влашката заедница има посебно место во земјава, бидејќи даде значаен историски, културен и општествен придонес во изградбата на нашата заедничка држава.

Организаторите на свеченоста и се заблагодарија на владината делегација на присуството, потенцирајќи дека граѓаните на Македонија се едно без оглед на нивната етничка припадност и дека сите заедно сакаат да бидат и дел од ѕвезденото небо кое го симболизира заедништвото во Европската Унија.

На 27 мај на 1000 годишнината од Охридската Архиепископија ќе се одржи студентски собир во Охрид во  19.30 часот поради најавите за промена на уставното име. „Ние имаме човеково право на име и идентитет и никој нема право насилно да не присили и принуди да го сменат нашето име и идентитет. Поради најавите за промена на нашето уставно име најавуваме и огромен сенароден и непартиски протест кој ќе се оддржи на 23 јуни во 19 часот во Скопје пред Собранието“, најавуваат организаторите на собирите на социјалната мрежа „Фејсбук“.

Големиот сенароден протест на 23 јуни е поддржан од 47 здруженија, кои помагаат финансиски или на други начини. Од страна на Македонските здруженија во Австралија за протестот ќе бидат обезбедени и 200 автобуси за бесплатен транспорт од внатрешноста.

„Протестот е организиран од студентите и младите и нема да дозволиме некој насилно да го промени нашето име и да ја уништи нашата иднина. Никој нема право да не понижива и насилно да ја продава нашето достоинство и нашата душа. Ние сакаме да живееме во држава Македонија, а не во држава со сменето име. Ние сакаме подобра иднина во оваа држава, а не да не се иселиме и Македонија да стане држава со иселена младина од типот на Романија и Бугарија. Ние сакаме да останеме да живееме во оваа држава, а не насилна промена на нашето име и идентитет. Државата останува на младите и токму затоа младите се тие кои треба да одлучат за иднината на Македонија“, се вели во повикот на протест.

Големиот сенароден протест е поддржан од следниве здруженија: Австралиско Македонскиот Комитет за Човекови Права (АМКЧП), Македонската кординативна мрежа СУМ (Став, Нашите, Христијанско Братство, Тврдокорни, Македонски Манифест, Преродба, Код, “Ние“, МПО-“Васил Чакаларов“, Бригада, МОС-Македонски Обединети Сили, МПЗ- “Пере Тошев“, Граганска Иницијатива “Вевчани“, Граѓански иницијативи за одбрана на името и идентитетот : Охрид, Битола, Велес, Кочани, Штип, Кавадарци, Мислешево), Граѓанската иницијатива “Македонија пред се”, Македонското Меѓународно Движење за Човекови Права (од Канада), Macedonian Community of Adelaide & South Australia MCASA, Macedonian Community of Western Australia MCWA; Macedonian Orthodox Church Sveta Petka Rockdale; Macedonian Orthodox Community of Australia MOCA; Macedonian Orthodox Community of Melbourne & Victoria MOCVM; Macedonian Orthodox Church Sveta Nedela Gold Coast; Macedonian Orthodox Church Uspenie Na Preseveta Bogorodica Sydenham; Macedonian Orthodox Community of Wollonong; Macedonian Orthodox Community of Newcastle; World Macedonian Congress Australia WMC; World Macedonian Congress Canada; MPZ Andon Lazov Janev – Kjoseto Canada; United Macedonians – Canada; Macedonian Orthodox Church Sveta Bogorodica Brisbane.; United Macedonian Organisations of Western Australia и Граѓанската иницијатива “Македонија пред се” од Охрид.

Студентите нагласуваат дека протестот е исклучиво непартиски и дека зад него не стои ниту една политичка партија.