Македонија
Работните групи на Владите на Северна Македонија и Бугарија ги поставија основите за работа

Во насока на продлабочување на билатералната соработка меѓу Република Северна Македонија и Република Бугарија, денеска, во рамките на заедничката седница на двете влади во Софија, се одржаа и одделни состаноци на работните групи утврдени за време на официјалната посета на премиерот Петков на Скопје.
Работната група која ја опфаќа соработката во економијата, енергетиката, финансиите, иновациите и развојот, инвестициите и земјоделството ја договори идната динамика на работата, како и заедничката основа за размена на добри практики и искуства за интензивирање на директна соработка во овие области.
Втората работна група којашто ги вклучува областите транспорт и врски, инфраструктурата, локалната самоуправа и меѓуграничната соработка, како и соработката во областа на информатиката и комуникациите, се поставени определбите за работите на Коридорот 8, како и поврзувањето со другите патни правци по должина на границата на двете земји.
Оваа работна група за свој приоритет го постави воспоставувањето авионска линија Софија-Скопје, како и заложбата колку што може побргу значително да се намали цената на роамингот меѓу двете земји.
За европските интеграции, зелените политики и доброто владеење во третата работна група се поставени основите за поддршка и соработка на европските интеграции на Република Северна Македонија, како и за заеднички иницијативи во проектите опфатени со стратегијата „Зелен договор“ на ЕУ.
Четвртата работна група која во фокусот ги има културата, образованието и науката, туризмот и младите и спортот си постави за задача да бидат преземени чекори од двете страни за изготвување на сеопфатна програма за соработка во овие области.
Денеска состанок одржаа и копретседавачите на Заедничката мултидисциплинарна експертска комисија за историски и образовни прашања и го утврдија календарот и динамиката на средбите во 2022 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Сервисни информации
Без вода дел од скопски Карпош

ЈП „Водовод и канализација“, информира дека поради технички зафати жителите во дел од скопската општина Карпош во одреден временски период ќе останат без вода за пиење .
„Поради технички зафати во водоводната мрежа, (изведување на приклучок), на ул. Козле бр.3/33, од 09:00 часот до завршување на интервенцијата, прекинато водоснабдување ќе имаат корисниците од ул. Козле – крак бр. 3. (Општина Карпош)“, информираат од оваа институција.
Сервисни информации
Без струја делови од неколку скопски општини

Регионалниот центар за управување со кризи на Скопје информира дека заради технички зафати во дистрибутивната електро мрежа, денеска без електрична енергија ќе останат следните корисници:
· од 08:00 до 15:00 часот, корисниците од ул. 1515 во нас. Пинтија. (Oпштина Кисела Вода),
· од 09:00 до 13:00 часот, корисниците од дел од улиците: Ефтим Спространов и Димитар Мирачиев. (Oпштина Кисела Вода),
· од 09:00 до 14:00 часот, корисниците од ул. Бриселска. (Oпштина Карпош).
Македонија
Сончево и многу топло со температури до 38 степени

Утре претпладне ќе биде сончево и многу топло со мала до умерена облачност. Во попладневните и вечерните часови наместа ќе има развој на нестабилна облачност со пороен дожд, грмежи и засилен ветер, а локално ќе има услови за појава на краткотрајно невреме со појава на град и силен ветер. Минималната температура ќе биде во интервал од 12 до 21, а максималната ќе достигне од 30 до 38 степени. УВ=8
Во Скопје, времето ќе биде сончево со мала до умерена облачност. Ќе дува слаб до умерен северозападен ветер. Минималната температура ќе се спушти до 18, а максималната ќе достигне до 35 степени.
Во наредните денови ќе следува период на многу топло време со дневни температури кои насекаде ќе бидат над 30 степени.
Поради зголемената влага во атмосферата ќе се има чувство дека температурата на воздухот е повисока за 1 до 2 степена. И покрај топлото време поради влијание на циклонска активност од исток, претежно во попладневните и вечерните часови наместа ќе има развој на нестабилна облачност со пороен дожд, грмежи и засилен ветер, а локално ќе има услови за појава на краткотрајно невреме со појава на град и силен ветер, најави УХМР.