Контакт

Македонија

Сложни попови и во петок мрсат: власта и опозицијата молчешкум се офајдија со подебели плати

Објавено пред

Без врева и во тајност, пратениците си ги зедоа покачените плати овозможени со одлуката на Уставниот суд. Покачувањето за март е за 8 дена или, конкретно, за деновите по одлуката на Уставниот суд. Но, доколку пратениците не донесат измена на Законот за платите и не ги намалат функционерските коефициенти, веќе во април сите избрани и именувани лица ќе добијат плата потешка за 78 проценти. Во овие 17 дена од укинувањето членови од законот, никој, ниту Владата ниту пратениците од власта или од опозицијата, нема поднесено измена на Законот за платите, со што би си намалиле коефициентите, а со тоа и зголемените плати. „Макфакс“ стапи во контакт со седум партии од власта и опозицијата со прашањето дали во овој случај важи народната поговорка сложни попови и во петок мрсат. Од нив, одговорија само две, но не и директно на прашањето.

dobivaj vesti na viber

Најголемата владејачка партија СДСМ и опозициската ВМРО-ДПМНЕ, кои во јавност често се расправаат за трошењето на државните пари – овој пат молчат. „Макфакс“ ги праша зошто нивните пратеници не ги поднесат измените на законот, но не добивме одговор. Со тоа остана неодговорено и прашањето дали е договор меѓу сите партии со молчење да се заборават зголемените плати. ВМРО-ДПМНЕ доби и дополнително прашање – дали адвокатот, кој ја поднел иницијативата за укинување на одредбите од законот што донесе зголемени плати, е близок до нивната партија. Тие не одговорија.

Истите прашања ги доби и политичката партија Левица. Неподнесувањето измени на Законот за платите го правдаат со тоа што досега имале три иницијативи за намалување на привилегиите на функционерите, но не биле усвоени од мнозинството. Нема одговор дали ќе поднесат иницијатива и за намалување на коефициентот.

„Во однос на привилегиите на функционерите, Левицата е единствена парламентарна партија што поднесе три иницијативи за нивно намалување: предлог-закон за намалување на патните трошоци, предлог-закон за укинување на апанажата и предлог-закон за уставните судии (со цел да се анулира додатокот за плати, кој уставните судии го изгласаа со промена на Деловникот во октомври 2020 година, а со кој ќе може да примаат додатоци до 35 % од основната плата). Ниту еден од овие предлог-закони не беше усвоен од парламентарното мнозинство, со што се потврди дека нема реална политичка волја кај Владата за намалување на привилегиите на функционерите.

Молк и од ДУИ. Нивниот лидер Али Ахмети, кој е пратеник, Талат Џафери, кој е собраниски претседател, пратениците од т.н. огнена група, односно 15 народни избраници, веќе добија покачени плати. Ако во просек до сега тие земале 60.000 денари, само со зголемувањето за 8 дена од март, односно од моментот на одлуката на Уставниот суд, тие добија плата од 80.000 денари. Собранискиот претседател, шефот на државата и премиерот досега земаа околу 90.000 денари. Според некои пресметки, поради автоматското зголемување и на износот за минат труд, нивните месечни примања од април ќе бидат поголеми од 200.000 илјади денари.

Конкретни чекори најавува Алтернативата на Африм Гаши. Од таму велат дека ако Владата не интервенира, тие ќе преземат конкретни чекори.

„Алтернативата смета дека во услови на економска криза и растечка сиромаштија платите на функционерите не се и не смее да бидат приоритет. Што се однесува до одговорноста, јавноста треба да знае дека пред да донесе одлука, Уставниот суд побарал и добил мислење од Владата. Затоа, Министерството за финансии сега е обврзано да постапи во една или друга насока. Доколку Владата не интервенира во методологијата за пресметка за висината на функционерските плати да е соодветна на актуелната економска состојба, тогаш ние ќе преземеме соодветни чекори“, велат од Алтернативата.

Од Беса на Билал Касами и Алијансата на Албанците на Арбен Таравари два дена нема одговор на прашањата. Едната е дел од Владата, другата е опозициска партија. Нивните 11 пратеници веќе добија поголеми плати за март.

Цела недела „Макфакс“ не доби одговори ниту од министерот за финансии, Фатмир Бесими, кој заедно со Владата за себе вели дека е најтранспарентен за јавноста. Со оглед дека имаше тврдења дека платите нема да се зголемат 78 %, прашавме, за колку проценти повисоки плати ќе добијат функционерите од државниот буџет. Иако во неколку наврати потсетивме дека не одговориле на новинарските прашања – тие решија и натаму да молчат.

Во јавноста изминатите 17 дена, освен ветувања за донирање на покачувањето што ќе го добијат и ветување за идни решенија – нема конкретни чекори ниту од Владата ниту од пратениците на власта и опозицијата.

Само претседателот Стево Пендаровски, коментирајќи ја одлуката на Уставниот суд, со која се овозможува зголемување на платите на функционерите, истакна дека Владата мора да направи сè што е во нејзина моќ и надлежност платите на функционерите од него, па сè до локалната самоуправа.

Поголемите плати ги донесе укинувањето на фиксната основица според која се пресметуваат платите на избраните и именуваните лица. Од пратеници преку градоначалници и владини функционери, именувани лица во претпријатија и државни фирми, па до судии – сите ќе добијат поголеми плати во согласност со одлуката на Уставниот суд. Сите се правдаат дека одлуките на Уставниот суд мора да се почитуваат, но тоа не значи дека не може да ги сменат законите. Но, очигледно, сите се надеваат дека народот и на власта и на опозицијата ќе им заборават дека, прво и единствено, си го гледаат сопствениот џеб.

Македонија

Почина поранешниот пратеник на СДСМ, Миле Андонов

Објавено пред

На 62-годишна возраст, денес во Кочани, почина поранешниот пратеник од редовите на СДСМ, Миле Андонов.

dobivaj vesti na viber

Неговите сопартијци се збогуваа со него на социјалните мрежи.

„Сочувство до семејството, роднините и пријателите на трагично починатиот Миле Андонов, наш почитуван другар и сопартиец. Андонов даде значен придонес во развојот на Кочани, но и во политичко-економскиот живот во земјата, како пратеник во Собранието од редовите на СДСМ, но и како силен поддржувач на реформските процеси, на прогресивните, социјалдемократски политики. Нека почива во мир“, се наведува на страницата на СДСМ на „Фејсбук“.

Тој беше дипломиран економист, а во три мандати, во периодот од 2008 до 2016 година беше дел од пратеничката група на СДСМ.

 

Прикажи повеќе...

Македонија

Парада на гордоста во Скопје под мотото „спектакуларно непослушни“

Објавено пред

Под мотото „Спектакуларно непослушни!“ вечерва во Скопје се одржува петтата Парада на гордоста.

dobivaj vesti na viber

Учесниците се собраа во паркот „Жена-борец“, по што го почнаа протестниот марш низ градските улици кој завршувa на стадионот на АРМ во Градскиот парк со богата музичка програма.

Организаторите велат ова е еден ден кога ЛГБТИ луѓето можат да бидат видливи, свои и автентични.

Прикажи повеќе...

Македонија

(Видео) Ковачевски: Владината Програма во делот на економијата е општа, без бројки за просечната и минималната плата

Објавено пред

Во владината програма има неконзистентни делови и ставови. Што се однесува до економијата која е најзначајна за едно општество, најавите се општи, без конкретни бројки за зголемување на просечната и минималната плата, рече претседателот на СДСМ и пратеник во македонското Собрание, Димитар Ковачевски во денешното обраќање.

dobivaj vesti na viber

-Добро е што има продолжување на досегашните владини политики за поддршка на инвестициите и за македонските компании. За разлика од периодот до 2016 година кога од страна на ВМОР-ДПМНЕ беа поддржувани само странски компании. Но има неконзистентност во ставовите на ВМРО-ДПМНЕ да не се зголемува задолжувањето на државата. Сега кога заврши кризата несоодветно и неконзистентно е да се најавува зголемување за 8% на националниот долг на Македонија. Со каматите некаде на крајот на тој период ќе дојде до 10% зголемување на јавниот долг. Неконзистентност од јавно декларирање за не зголемување на долгот кон зголемување на долгот од 10% веднаш при доаѓањето на новата Влада, рече Ковачевски.

Во делот на инфраструктурата сите предложени елементи во делот на програмата се продолжување на сите стратешки проекти на досегашната Влада предводена од СДСМ, додаде Ковачевски.

-Тука пред се мислам на Коридорот 8 и Коридорот 10Д коишто исто така од ВМРО-ДПМНЕ беа квалификувани како криминални проекти, изведувачите беа квалификувани како криминални организации. Дури како што ја читам програмата провејува дека ќе им бидат доверени и други проекти, додаде Ковачевски.

Во однос на персоналниот состав на Владата, Ковачевски посочи дека од сегашното владино мнозинство беа искажувани негативни лични квалификации за луѓе кои сега се предложени за министри, како што е примерот со Таравари.

-Укажав на тројца пратеници дека давање лични квалификации не е добро. Со оглед на тоа дека господинот Таравари беше најнапаѓан за политичка корупција. Им укажав дека неговата политичка траекторија имплицира дека еден ден ќе треба да гласаат за него. Сега доаѓа тој ден кога ВМРО-ДПМНЕ ќе треба да гласа за Таравари за министер за здравство, рече Ковачевски.

Прикажи повеќе...

Најново

Македонија7 часа

Почина поранешниот пратеник на СДСМ, Миле Андонов

На 62-годишна возраст, денес во Кочани, почина поранешниот пратеник од редовите на СДСМ, Миле Андонов. Неговите сопартијци се збогуваа со...

Топ11 часа

Свршеникот на Мартина која загина во несреќата во Грција: „Ти си ангел кој ќе сјае во рајот, почивај во мир душо моја најсакана“

Свршеникот на 29-годишната Мартина од Битола која загина во сообраќајната несреќа во Грција, со емотивна порака на социјалните мрежи се...

Македонија13 часа

(Видео) Ставен под контрола пожарот во Кичево

Хеликоптер Бел-412 од Одделот за воздухопловни единици на МВР дејствуваше на пожарот во атар на село Цер, општина Кичево. Хеликоптерот...

Топ13 часа

Почина 35-годишно момче во Скопје – му се слошило дома па лекар во Градската болница констатирал смрт

Триесет и петгодишно момче (Е.Д.) почина во Скопје. Тој бил донесен во Градската болница во текот на вчерашниот ден, без...

Македонија16 часа

Спасовски: Мицкоски го смени ставот за Преспанскиот договор, а програмата на Владата е далеку од ветувањата

Програмата на Владата и концептите на партиите кои се дел од мнозинството се различни од ветувањата коишто беа дадени пред...

Македонија16 часа

Мицкоски од Собранието: Државата е во клиничка смрт, не барам сто дена меден месец туку најавувам инвестиции и реформи

Од она што го дознаваме за состојбите во државата, ситуацијата е рамна на клиничка смрт во повеќе клучни области, девастирана...

Топ17 часа

Во несреќа кај Глумово повредени четири лица меѓу кои и деца, едниот од возачите побегнал

Четири лица се повредени во сообраќајна несреќа што се случила вчера на локалниот пат кон селото Глумово, скопско. Во несреќата...

Регион20 часа

Како снема струја на Балканот

Невиден колапс на електроенергетскиот систем ги погоди Црна Гора, Босна и Херцеговина, Хрватска и Албанија. Се сомнева дека – во...

Македонија20 часа

Големи гужви за влез во Грција, се чека и до еден час

Големи гужви се забележани утрово на граничниот премин Богородица за влез во Грција. Граѓани за „Макфакс“ велат дека чекаат и...

Македонија21 час

Денес почнува собраниската седница за избор на нова Влада

Собраниската седница за избор на новата Влада почнува денес во 11 часот, а треба да заврши најдоцна до недела на...

Македонија1 ден

Познат идентитетот на Македонката која загина во тешка сообраќајна незгода во Грција, тешко повредени уште две девојки

Министерството за надворешни работи соопшти дека денеска во 12 часот по локално време, на автопатот Егнатиа, во Република Грција, се...

Регион1 ден

(Видео) 11 загинати во пожари во Турција, и Грција се бори со огнот

Најмалку единаесет лица загинаа, а десетици се повредени во пожар со ниска вегетација што ветрот го прошири во неколку села...

Регион1 ден

Црногорците и Албанците ја објавија причината за историскиот прекин на струја

Историски прекин на струја ги погоди денеска Црна Гора, Босна и Херцеговина, Албанија и поголемиот дел од хрватското крајбрежје. Бизнисите...

Македонија1 ден

(Видео) 30-годишна Македонка загина во сообраќајна несреќа кај Солун, објавија грчките медиуми

Тешка сообраќајна несреќа со смртни последици се случила на патот Игнација Верија – Солун, денеска напладне. Беше околу 12 часот,...

Регион2 дена

Почна да се враќа струјата во Хрватска и БиХ, „падна далноводот меѓу Грција и Албанија“

По хаосот и прекините во електроенергетскиот систем, електричната енергија е вратена во многу градови низ Босна и Херцеговина. Се врати...

Македонија2 дена

Меџити: Нема да играм фудбал со министрите во кабинетот и нема да се занимавам со бизнисите на Лотарија и Соравиа

Денеска, од оваа промотивна конференција на програмските столбови и новиот владин тим, накратко ќе ги претставам нашите предизвици во наредните...

Македонија2 дена

Деспотовски: Изборите на 30 јуни се референдум за СДСМ – продолжуваме по старо или одиме по ново

Кандидатот за претседател на Социјалемократскиот сојуз на Македонија, Јован Деспотовски порача дека престојните претседателски избори во партијата се референдум на...

Македонија2 дена

Сообраќајка на патот Прждево кон Демр Капија, сообраќајот во целосен прекин

Oд 12:10 часот на регионален пат 1102 – село Прждево кон Демр Капија, поради сообраќајна незгода, сообраќајот е во целосен...

Европа2 дена

(Видео) Дрон удри во рафинерија за нафта во Русија

Беспилотно летало ја погоди рафинеријата за нафта Илски во руската област Краснодар, при што беа повредени две лица и предизвикан...

Македонија2 дена

Филипче: Ќе ја отвориме работата на комисиите – политиките ќе се градат врз основа на широка стручна дебата

Венко Филипче, кандидат за претседател на СДСМ, вчера во Куманово пред партиското членство ги образложи главните постулати на неговата програма....