Во последните 24 часа се направени 3.658 тестирања, а регистрирани се 37 нови случаи на Ковид-19: Скопје – 15, Тетово – 8, Куманово – 4, Гостивар – 3, Кичево – 2, Битола, Струмица, Кочани, Радовиш и Дебар – по 1.

Регистрирани сe 23 оздравени пациенти од: Тетово – 10, Скопје – 4, Куманово – 3, Кичево – 2, Гостивар, Штип, Струмица и Кочани – по 1.

Не се пријавени починати лица.

Направени се 3.658 тестови преку: ИЈЗ-40, ЦЈЗ Скопје-0, ЦЈЗ Битола-0, ЦЈЗ Прилеп-39, ЦЈЗ Тетово–0, ЦЈЗ Куманово–15, Клиника за инфективни болести и фебрилни состојби-0, Судска медицина-0, лабораторија болница Козле-0, УК Пулмологија со алергологија 0, ГОБ 8-ми Септември-10, Институт за микробиологија–0, Жан Митрев (Филип Втори)-92, Авицена-258, Биотек-84, Систина-81, лабораторија Лаор-479, Синлаб-0, Ремедика-0, Плодност–80, Генеа–0, Никоб лаб-654, ВФВ Медикал-65, Ели Медика-12, ЈЗУ и ПЗУ (рапид тест) – вкупно 1.749.

Досега во земјата се направени вкупно 989.214 тестирања на Ковид-19.

Вкупната бројка на КОВИД-дијагностицирани лица во нашата земја од почетокот на епидемијата изнесува 156.543 бројката на оздравени пациенти е 150.422, на починати е 5.494, а бројот на активни случаи изнесува 627.

Според епидемиолошки анализи во моментов, дистрибуцијата по градови е следна:
Дистрибуција по градови Заболени (нови) Активни случаи (вкупно)
Скопје 15, активни 195
Куманово 4, активни 68
Прилеп 11
Тетово 8, активни 175
Битола 1, активни 26
Велес 3
Гостивар 3, активни 49
Кавадарци 4
Охрид 9
Штип 2
Струмица 1, активни 16
Струга 5
Кочани 1, активни 5
Кичево 2, активни 15
Гевгелија 2
Неготино 0
Свети Николе 3
Ресен 0
Крива Паланка 0
Радовиш 1, активни 4
Берово 3
Делчево 1
Дебар 1, активни 22
Виница 0
Пробиштип 0
Валандово 7
Богданци 0
Крушево 0
Демир Хисар 0
Демир Капија 0
Кратово 0
Македонски Брод 0
Пехчево 2
Македонска Каменица 0
Дојран 0

Регулаторната комисија за енергетика и водни услуги (РКЕ) соопшти дека во моментот испораката на електрична енергија во регионот на Кочани во најголем дел е стабилна, а во одредени делови од општина Ранковце и општина Кратово напојувањето етапно ќе се нормализира.

Исто така, од РКЕ додаваат дека складот на „Макпетрол“ не е зафатен од огнената стихија и нема нарушување на пазарот со нафтените деривати.

„Од добиените информации во однос на напојувањето со електричната енергија во Кочани, можам да соопштам дека во најголем дел испораката е стабилизирана, а се врши етапно приклучување во делови од општините Ранковце и Кратово, екипите на ‘Електродистрибуцијата’ се на терен. Во однос на складовите со нафтените деривати, каде што е и дел од државните резерви, не се зафатени од пожарот“, изјави Марко Бислимоски, претседател на Регулаторната комисија за енергетика и водни услуги.

Во моментот државата е во пламен и не можам да размислувам за споредни работи, но нека залади, нека се изгаснат сите пожари, па ќе се направи анализа и ако се утврди дека сум потфрлил, сам ќе си поднесам оставка, порача в.д. директорот на Центарот за управување со кризи, Стојанче Ангелов, на денешната прес-конференција.

Но, како што рече, ако се утврди спротивното, очекува извинуање од тие што го обвинуваат дека не сторил ништо за да ги спречи пожарите во државата.

„Ако се утврди дека сум потфрлил за пожарите, ќе си заминам од државава. Ако се утврди спротивното, ќе побарам извинување од сите новинари што ме нападнаа и мојата мајка мораше да ги слуша сите тие работи. Земете истражете, не пишувајте шпекулации“, рече Ангелов.

Тој нагласи дека се гордее со тоа што вчера во пожарите нема ниту загинати ниту повредени, а дека материјалното се надоместува.