Македонија
Состојбата на Кико е влошена, ни со медицински авион не може во Турција – итно е потребно да се соберат парите преку донации

Здравствената состојба на Кристијан Коцев-Кико од карбинското село Долни Балван е влошена, додека се уште трае собирањето на донации за да биде испратен на лекување во Турција. Хуманитарната акција ја започна јутуберот Стефан Лазаров, кој денеска објави дека се појавил и нов проблем – докторите одбиваат да потпишат трансфер за момчето со медицински авион, бидејќи, сметаат дека нема да го издржи патот.
„Ниту еден доктор не се нафаќа да потпише да потпише документ за Кико да може да оди дури и со медицински авион за Турција, бидејќи нема да го издржи патот. За Кико да може да го издржи патот мора да биде подобар колку-толку до понеделник, за во вторник да патува. Во болницата во Штип тоа нема да се случи никогаш затоа што нема ниту лекови, ниту услови за него во овој момент“, напиша Лазаров.
Тој додава дека е побарано момчето да се лекува во приватна клиника за да му се подобри состојбата. Оттаму, според неговото кажување, чекаат одговор.
За негово лекување во Истанбул во Турција потребни се 50.000 евра. Трошоците се зголемуваат поради влошувањето на состојбата односно специфичниот трансфер.
Броеви за донации:
A1 – 143 471
Телеком – 143 130
Трансакциска сметка: 200004087594930 – СТОПАНСКА БАНКА АД Скопје, на име Катерина Коцева.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Нема подолги задржувања за влез и излез од државата

Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е зголемен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Делови од Центар, Аеродром и Ѓорче Петров денеска без струја

Од ЕВН Македонија АД известуваат дека поради технички зафати во електродистрибутивната мрежа денеска, без електрична енергија ќе останат:
· од 08:00 до 14:00 часот, корисниците од улицата Јосиф Јосифовски Свештарот, општина Центар;
· од 08:00 до 15:00 часот, корисниците од улиците: 1 , 2, и 3 во село Долно Лисиче, општина Аеродром;
· од 08:00 до 15:00 часот, корисниците од дел од ул. 3-та Македонска Бригада, поточно објектите во околината на СУГС Владо Тасевски, oпштина Аеродром;
· од 09:00 до 13:00 часот, корисниците од дел од ул. Црногорска, општина Ѓорче Петров.
Македонија
Претежно сончево и топло, максималната температура до 37 степени

Времето денеска ќе биде претежно сончево и топло. Ќе дува слаб до умерен ветер од јужен правец.
Минималната температура ќе биде во интервал од 7 до 17, а максималната ќе достигне од 30 до 37 степени.
Во Скопје, сончево и топло со слаб до умерен ветер од јужен правец. Минималната температура ќе се спушти до 13, а максималната ќе достигне до 37 степени.
Времето во наредните денови
Во сабота попладне, во текот на ноќта и во недела претпладне ќе биде нестабилно со локален пороен дожд и грмежи. Ќе дува умерен, наместа засилен јужен, а во недела северозападен ветер, кој ќе услови опаѓање на дневната температура. Потоа следува период на стабилно и потопло време.