Контакт

Македонија

(Видео) Судот го ослободи Латас

Објавено пред

Кривичниот суд донесе ослободителна пресуда за Драган Павловиќ Латас и неговите браќа Срѓан и Звездан Павловиќ кои беа обвинети за бесправно градење викендички во Зелениково во предметот „Тревник“ на СЈО.

Судијката Марија Клетничка Марковска рече дека делото за кое тројцата се обвинети не е кривично дело според законот. Градежните инспектори по службена должност можеле да ја спречат изградбата, а ако проценат дека не е испочитуван Законот за градење можеле да изречат прекршочни глоби или да поднесат кривична пријава за бесправно градење.

Кај Латас таква процедура немало, а обвинетите ја легализирале дивоградбата, ги добиле потребните документи, како и одобрението за градење кое не било оспорено.

Судот, исто така, им ги врати пасошите на Латас и на неговите браќа и ги укина мерките да се пријавуваат еднаш неделно во судот.

Трошоците за судската постапка ќе ги плати државата.

Првото рочиште за „Тревник“,  се одржа на 14 март 2018 година. Специјалното јавно обвинителство ги обвини браќата Павловиќ за бесправна градба на три викендички во Зелениково.

Според обвинението, во временскиот период од јули 2011 година до јануари 2013 година во општина Зелениково, спротивно на Законот за градење, обвинетите граделе без одобрение од надлежен орган, на земјиште кое е во нивна сопственост.

Македонија

Милошоски: Владата се плаши да им дозволи на пратениците да направат увид во СЈО

Објавено пред

Пратеникот од ВМРО-ДПМНЕ, Антонијо Милошоски, изјави дека е очигледно оти владејачката коалиција СДСМ и ДУИ сè повеќе се плашат од тоа да им дозволат на пратениците да направат увид во СЈО. Тој рече дека вчера добиле допис со неосновани технички образложенија од страна на спикерот Талат Џафери дека предлог-одлуката за анкетната комисија ја враќа на подносителите.

„Наводно, поради одредени недостатоци, ги видовме сите оние нешта што тој ги споменал како недостатоци и нема ниту еден деловнички, пропуштен, суштински дел од предлог-одлуката, што може да се смета за сериозен недостаток. Напротив, предлог-одлуката за формирање анкетна комисија по содржина и структура е иста со предлог-одлуката за анкетна комисија што господинот Талат Џафери во претходниот состав ја поднесе за формирање анкетна комисија за прислушувањето. Нема никаква разлика.

Она што нам ни е информација од собраниските служби и од самиот ракопис на овој предлог за враќање на одлуката за формирање анкетна комисија е дека ова не е ракописот на Талат Џафери. Ова е ракописот на Цветанка Иванова, генерален секретар на Собранието, или на некој близок советник на СДСМ, што Талат Џафери морал да го послуша и да го потпише и да го врати предлогот за формирање анкетна комисија затоа што очигледно и Талат Џафери е седнат во скутот на владејачката партија. Од кои интереси, дали се тоа лични, фамилијарни, политички, партиски, сигурни сме дека во следниот период тоа бргу ќе го докажат“ истакна Милошоски.

Тој рече дека ВМРО-ДПМНЕ нема да се откаже од оваа намера и дека ќе ги искористат сите можни деловнички процедури, а дека темата анкетна комисија за СЈО и увидот и дискусијата за работата на незаконско, нестручно и несовесно работење и постапување на СЈО, ќе дојде на дневен ред на собраниската седница, порано или подоцна.

„Сметаме дека власта доколку држи до својот глас за разрешување на Катица Јанева за незаконско, несовесно и нестручно работење, треба да дозволи формирање анкетна комисија и треба да дозволи расправа за оваа точка, па ако сакаат, СДСМ и ДУИ нека гласаат против. Ако имаат доволно аргументи дека СЈО работело законито, дека Катица Јанева работела совесно, стручно и законски, ќе имаме расправа на дневен ред и на пленарната седница нека се изјаснат, нека гласаат воздржано или против, но нека не го скратуваат правото да се расправа за ова и да ги понудиме аргументите во таа насока.

Дополнително тоа што во меѓувреме го имаме како сознанија е следното. Не било случајно тоа што во изминативе неколку години сите финансиски извештаи што СЈО ги доставувало со Собранието на Република Македонија во ниту еден извештај не се наведени прецизни ставки во трошењето на средствата. Разгледани се сите извештаи и во сите пишува, повеќето од средствата се потрошени за наемнини, хонорари, набавки и слично, помал дел не е потрошен. Не се кажува колку се потрошени на вештаци, колку се потрошени на плати, колку се потрошени на хонорари, колку се потрошени на јавни набавки. Она што го имаме како сознание дека имало злоупотреба и прекршување на постојните законски прописи од страна на СЈО при вршењето јавни набавки внатре во СЈО, односно индиции дека се злоупотребени пари на граѓаните, несовесно, незаконски и нестручно за нечија сметка, односно за нечие материјално богатење.

Од друга страна, имаме исто така податоци дека на блиските роднини на помошник-обвинители внатре во СЈО или на самата специјална обвинителка или на блиските лица на судии, обвинители, пратеници, функционери и министри надвор од СЈО, кои биле вработени во СЈО, им се исплаќани несразмерно високи хонорари по потпишани договори за чување деловна тајна, а самиот опис на работа на човек што влегува да работи во обвинителска функција, основната плата му е во описот на тоа да биде претпазлив и да чува деловна тајна, односно за тоа нема потреба за посебен договор.

Затоа цениме дека господинот Талат Џафери, Цветанка Иванова и СДСМ во Собранието треба да размислат да не го штитат веќе механизмот кој може на сите нам да ни помогне, темата незаконско работење на СЈО да ја истражиме и да им ја дадеме на увид на сите граѓани затоа што 15 милиони евра од граѓаните на Република Македонија плус донации од Шведска, Холандија и Америка се потрошени за работата на СЈО, а голем дел од нив сметаме дека е потрошен незаконски“, изјави Милошоски.

Прикажи повеќе...

Македонија

Почна уривањето на дивоградбите во Охрид

Објавено пред

Општина Охрид ја почна најавената акција за уривање дивоизградени објекти на подрачјето на општината во согласност со законските процедури и акцискиот план за постапување по препораките од последниот состанок на Комитетот за заштита на светското културно и природно наследство на УНЕСКО.

Според предвиденото, во акцијата за уривање паралелно ќе бидат отстранувани дивоизградени објекти што се во тек на израдба и оние дивоградби опфатени со регистарот на дивоизгредени објекти, кои се изградени во периодот од 2006 до 2019 година.

На почетокот ќе се отстрануваат објекти кај кои не постојат правни пречки и акцијата за уривање ќе ги опфати сите физички или правни лица што имаат добиено решение за отстранување бесправно изграден објект/градба и тие не постапиле во согласност со издадените решенија од страна на градежните инспектори при Инспекторатот на Општина Охрид.

Во рамките на акцијата, денес се спроведува отстранување дивоизграден објект на улицата Марко Нестороски број 144, во согласност со решението за отстранување ИП-1 бр. 36-843 од 13.9.2019 година и заклучокот за дозвола за извршување ИП-1 бр. 36-843 од 19.9.2019 година. Се работи за дивоизграден објект во сопственост на физичко лице, кој е во фаза на карабина. Димензиите на објектот, врз основа на направениот записник се 10,45 метри на 12,50 метри во вкупна бруто-површина од 130,6 м2. Предметниот објект е лоциран на КП 10426/1 КО Охрид 2 и се градеше без одобрение за градење.

Општина Охрид е сериозно посветена на успешноста на целокупната акција за отстранување на дивоградбите и уште еднаш ги повикува сопствениците на дивоизградени објекти да постапат во согласност со добиените решенија за отстранување на градбите. Во спротивно отстранувањето ќе го изврши Општината, а трошоците за отстранување ќе ги сносат лицата задолжени во решенијата.

Прикажи повеќе...

Македонија

(Видео) Одложено судењето на Латас, предметот „Тотал“ сѐ уште во доказна постапка

Објавено пред

Денешното рочиште за случајот „Тотал“, каде што обвинет е новинарот и поранешен уредник, Драган Павловиќ-Латас, е одложено за 17 октомври поради отсуство на член на судечкиот совет.

Предметот сѐ уште се наоѓа во доказна постапка.

Латас во случајот „Тотал“ е обвинет за даночно затајување како сопственик и управител на фирмите за маркетинт и консалтинг-услуги „Тотал“ ДООЕЛ Скопје, „Медијамакс“ и „Тотал медија центар“ ДООЕЛ Скопје.

Според обвинението, во периодот од 2008 до 2015 година заедно со правни лица, со намера да одбегнат плаќање даноци во завршните сметки и даночните пријави, давале лажни податоци.

Како што велат од Обвинителството, правните лица го оштетиле буџетот со 121 илјада евра, а осомничениот со 63 илјади евра.

Прикажи повеќе...

Најново

Топ1 час

Воз на релација Гевгелија – Скопје прегази 23-годишен мигрант

Пакистанец на возраст од 23 години загина на пругата во близина на селото Ногаевци кога во него удрил воз што...

Македонија1 час

Почна уривањето на дивоградбите во Охрид

Општина Охрид ја почна најавената акција за уривање дивоизградени објекти на подрачјето на општината во согласност со законските процедури и...

Македонија2 часа

(Видео) Одложено судењето на Латас, предметот „Тотал“ сѐ уште во доказна постапка

Денешното рочиште за случајот „Тотал“, каде што обвинет е новинарот и поранешен уредник, Драган Павловиќ-Латас, е одложено за 17 октомври...

Свет2 часа

Во светот се одржуваат големи климатски протести, ќе се протестира и кај нас

Глобален протест против климатските промени за денеска е најавен во 139 земји и се очекува ова да биде најмасовниот во...

Свет3 часа

(Видео) Пукање во близина на Белата куќа, еден загинат и петмина повредени

Еден човек загина, а петмина се повредени при пукање во Вашингтон, во близина на Белата куќа, пренесуваат американските медиуми. Не...

Свет4 часа

Пентагон на Трамп ќе му претстави воени опции за Иран

Воени опции како одговор на иранскиот напад врз саудиската рафинерија, денеска, ќе му бидат претставени на американскиот претседател Доналд Трамп....

Свет4 часа

Саудиска Арабија почна воена операција во Јемен

Коалицијата што ја предводи Саудиска Арабија почна воена операција северно од јеменскиот пристаништен град Ходеида. Целта на операцијата, како што...

Европа16 часа

Макрон: „Жолтите елеци“ ме наведоа подобро да ги слушам луѓето

Францускиот претседател Емануел Макрон откри дека кризата со граѓанското движење „Жолти елеци“ на некој начин била добра за него, бидејќи...

Свет18 часа

Трудо среде скандал, најмалку трипати се маскирал како црнец

Канадскиот премиер Џастин Трудо денеска западна во голем скандал. Утрово беше објавена негова стара фотографија на која тој е облечен...

Македонија23 часа

Обвинение против ексградоначалник на Демир Хисар, незаконски вработувал луѓе

Битолското Обвинителство поднесе обвинение против три лица за незаконски вработувања. Обвинети се поранешен градоначалник на Демир Хисар, раководител на Центарот...

Македонија23 часа

(Видео) Трајанов: Со една изборна единица ќе се стави крај на прелевањето на гласовите на малите партии

Претседателот на Демократскиот сојуз, Павле Трајанов, рече дека очекува поддршка со консензус на иницијативата за промена на Изборниот законик да...

Македонија1 ден

Судењето за „Талир 2“ повторно одложено

Судењето за предметот „Талир 2“ на СЈО, судијката Даниела Алексова-Стојановска го одложи за 15 октомври. Причина за одлагањето е доуредување...

Регион1 ден

Mакедонски државјанин фатен при шверц на антички предмети на граничниот премин Прешево

Српските цариници во соработка со полицијата, во вторникот, 17 септември, на граничниот премин Прешево спречија обид за шверц на антички...

Топ1 ден

Обвинение и за девојката што учествувала во убиството на Пино Секондо

Обвинителството поведе обвинение и против девојка од Скопје за која се смета дека е соизвршител во убиството на Пино Секондо,...

Македонија1 ден

Палмер: САД се надеваат дека Северна Македонија ќе ги почне преговорите во октомври

Специјалниот претставник на државниот секретар на САД за Западен Балкан, Метју Палмер, вели дека очекува Северна Македонија да ги почне...

Топ1 ден

Тракторист загина во сообраќајна несреќа на патот Струга – Дебар

Четириесет и осумгодишен тракторист од струшкото село Велешта загина во сообраќајна несреќа што се случи синоќа на регионалниот пат Струга...

Свет1 ден

Обелоденети 76 милиони податоци од Mинистерството за внатрешни работи на Австрија

Во Министерството за внатрешни работи на Австрија, според информациите од интернет-страницата „Буре без дно“, дошло до масивно обелоденување полициски податоци....

Свет1 ден

(Видео) Уапсен маж кој пукаше и го блокира стратешкиот мост во Киев

Украинските специјални сили уапсија вооружен маж кој го блокира стратешкиот мост во Киев и се закани дека ќе предизвика експлозија...

Свет1 ден

Њујорк и Мичиген ги забранија ароматизираните електронски цигари

Њујорк е првата сојузна американска држава која забрани продажба на ароматизирани електронски цигари по речиси 400 случаи на сериозни болести...

Македонија1 ден

Собранието ја почнува расправата за ребалансот на буџетот

Во Собранието од денеска почнува расправата по ребалансот на буџетот за 2019 година. Предлогот за изменување и дополнување на Буџетот...

Досие