Контакт

Македонија

СЈО: Јанакиески и Божиновски се во притвор поради сознанијата дека планираат бегство

Објавено пред

На поранешниот министер за транспорт и врски, Миле Јанакиески, и поранешниот генерален секретар на Владата, Кирил Божиновски, им е определен 30-дневен притвор поради сознанијата дека двајцата обвинети во „Титаник“ планирале бегство, појаснува специјалното јавно обвинителство.

„Во врска со решенијата на Кривичниот совет на Основниот суд Скопје 1 Скопје со кои им се определени мерки притвор на обвинетите Кирил Божиновски и Миле Јанакиески, во рамки на предметот познат во јавноста како ‘Титаник’, ѝ појаснуваме на јавноста дека опасноста од бегство кај двајцата обвинети е констатирана од страна на Кривичниот совет на Основниот суд Скопје 1 Скопје со решенијата донесени уште на 2 јули 2017 година кога на обвинетите им се определени мерки на претпазливост – одземање на патните исправи за преминување на државната граница и дипломатските патни исправи, како и обврска истите да се јавуваат секој работен петок во судот“, велат од СЈО.

Од таму додаваа дека на нивен предлог, Кривичниот совет на Основниот суд Скопје 1 Скопје, имајќи ги предвид сознанијата дека обвинетите планираат бегство како околности кои укажуваат на основана опасност за нивно бегство, констатира дека целите на мерките за обезбедување на присуство на двајцата обвинети во текот на оваа постапка не можат да се постигнат со дотогашните определени мерки на претпазливост.

„Од тие причини донесе одлуки за изрекување на мерка притвор за двете лица, како неопходна мерка за непречено водење на кривичната постапка и обезбедување нивно присуство“, појаснуваат од СЈО.

Адвокатката на Јанакиески и Божиновски, Сања Алексиќ, вчера изјави дека одбраната смета дека притворот за двајцата обвинети е повеќе поради неприсутноста на Никола Груевски, кој избега во Унгарија, а е осуден на двегодишна затворска казна во случајот „Тенк“ на СЈО за набавката на „мерцедесот“ од 600 000 евра.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Почина уште еден пациент од коронавирус, бројот на новозаразени е 46, а на излекувани три

Објавено пред

Министерството за здравство информира дека на Клиниката за инфективни болести и фебрилни состојби починаа двајца пациенти. Едниот пациент на возраст од 70 години од Куманово кој од коморбидитети имал хипертензија и срцева слабост, неговиот резултат на Ковид-19 сè уште не е готов. Другиот е пациент на возраст од 68 години, од село во околината на Тетово, кој имал артериска хипертензија.

Денеска од Клиниката за инфективни болести и фебрилни состојби, со два контролни негативни теста на Ковид-19 се испишани тројца пациенти кои се во добра здравствена состојба и тие заминуваат дома.

Со ова бројот на излекувани е 20, а бројот на смртни случаи 12.

Во изминатите 24 часа регистрирани се 46 нови случаи на коронавирус во земјата. По градови: Скопје-13, Куманово-23, Дебар-2, Прилеп-1, Тетово-2, Велес-2, Гостивар -1, Гевгелија -2.

Министерството за здравство информира дека меѓу потврдените случаи од Куманово, има нови потврдени здравствени работници позитивни на Ковид-19 од болницата во Куманово, за кои Министерот за здравство Венко Филипче дополнително ќе информира на редовната прес конференција.

Со ова вкупната бројка на дијагностицирани пациенти со КОВИД-19 денеска изнесува 430 лица. Според местото на живеење, досега случаи на КОВИД-19 се регистрирани во:
Скопје – 208
Куманово -85
Дебар – 49
Штип-15
Прилеп – 22
Тетово – 15
Струга – 9
Велес – 8
Битола – 4
Охрид – 3
Кавадарци – 2
Гостивар – 2
Гевглелија – 4
Струмица – 1
Крива Паланка- 2
Кочани – 1

Во изминатото деноноќие направени се 389 теста од кои преку ИЈЗ- 222. Преку Ветеринарен факултет – 13, лабораторија Авицена- 22, Биотек – 20 и Филип Втори (Жан Митрев) – 112.

Досега во земјата се направени 4.506 тестирања на Ковид-19.

 

Прикажи повеќе...

Македонија

Запечатени неколку кафемати каде се собирале многу луѓе

Објавено пред

Директорот на Државниот пазарен инспекторат, Стојко Пауновски, вели дека инспекторите запечатиле неколку кафемати во трговски објекти, како и на бензиски пумпи, со цел да се спречи собирање на групи, согласно одлуката на Владата.

„Имаше злоупотреба онаму каде се издаваше кафе од кафемати, како на бензиски и во трговски објекти. Таа постапка е при крај. Имаме 42-43 кафемати со налепница од Државниот пазарен инспекторат. Тоа го правиме со цел, не да забраниме луѓето да пијат кафе, туку да забраниме собирање на луѓе, односно да се почитува одлуката на Владата. Се она што нема да биде почитувано, ќе биде санкционирано“, рече Пауновски.

Тој кажа дека во Битола се затворени 15 објекти поради непочитување на мерките на Владата.
„16 обкејти се затворени во Битола, во овој период. Не ги почитувале одлуките на Владата. Најголемиот дел од граѓаните и правните субјекти во Битола ги почитуваат одлуките на Владата, но имаме и непочитување на одлуките“, кажа тој.

Претходно, најголем дел од контролите во овие пет дена, вкупно 4261, ги направи Државниот пазарен инспекторат. Од нив, 823 се однесуваат на замрзнатите цени на одредени производи, а останатите се однесуваат на контрола на работата на трговските, услужни и објекти.

Прикажи повеќе...

Македонија

Државниот инспекторат за труд апелира работниците да пријават присилно отпуштање

Објавено пред

Откако дел од работодавачите на вработените им поделија спогодби за напуштање на работните места за време на корона кризата, Државниот инспекторат за труд апелира работниците да пријават кај нив секое присилно отпуштање. Директорот на Инспекторатот Аљадин Хавзиу вели дека постапуваат секаде каде што ќе утврдат дека отпуштањата не се во согласност со Законот за работни односи, но онаму каде што отпуштањата се согласно законите не можат да преземаат мерки.

„Сакам да напомнам дека Државниот инспекторат за труд нема магично стапче да ги врати луѓето назад на работа. Државниот инспекторат за труд ја проверува постапката за отказното решение. Ако е согласно законот, ништо не можеме, но ако има повреди на Законот за работни односи тогаш ќе постапуваме. За да постапуваме ние пак ги замолувам вработените да пријавуваат кај нас“, рече директорот Хавзиу.

За неосновано отказно решение во периодот од 11 март до 31 март Државниот инспекторат за труд, според податоците објавени на веб – страницата, имал вкупно 75 пријави. Од нив, 50 пријави се од Скопје, 6 од Битола, 5 од Гостивар, 4 од Тетово, по 3 од Куманово и од Велес и по една пријава за незаконско отпуштање Инспекторатот добил од Прилеп, Штип, Крива Паланка и Гевгелија.

Точната бројка на работници кои останале без работа поради кризата предизвикана од коронавирус се уште не е утврдена.

Премиерот Оливер Спасовски вчера извести дека нема драстичен скок на бројката отпуштени работници овој период и најави дека доплнително ќе се утврдува колку работници останале без работа.

Прикажи повеќе...

Најново

Топ9 минути

Притвор за двајцата насилници кои тепаа девојче во Штип

Судот определи притвор за тепачите кои малтретираа девојче во Штип. Тие ќе останат во притвор осум дена, додека Овинителството да...

Македонија12 минути

Почина уште еден пациент од коронавирус, бројот на новозаразени е 46, а на излекувани три

Министерството за здравство информира дека на Клиниката за инфективни болести и фебрилни состојби починаа двајца пациенти. Едниот пациент на возраст...

Македонија22 минути

Државниот инспекторат за труд апелира работниците да пријават присилно отпуштање

Откако дел од работодавачите на вработените им поделија спогодби за напуштање на работните места за време на корона кризата, Државниот...

Економија1 час

(Видео) Лицата што останале без работа добиваат брз влез во системот на социјална заштита

Лицата што останале без работа или биле дел од неформалната економија добиваат брз влез во системот на социјална заштита, најавија...

Економија2 часа

Бектеши: Ќе се укине забраната за извоз на брашно, резерви храна има доволно

Министерот за економија, Крешник Бектеши, најави дека ќе се укине забраната за извоз на брашно. Тој рече дека од почетокот...

Македонија2 часа

Град Скопје се откажа од кредитот за луна-паркот, ја намали и таксата за закуп на јавен простор

Град Скопје ја намали комуналната такса за закуп на јавен простор од 15 на 5 денари за квадрат, колку што...

Економија3 часа

ЕУ понуди пакет од 100 милијарди евра за спречување на отпуштањето работници

Европската комисија предложи нов финансиски пакет за да се обезбеди целосна исплата на работниците во компаниите погодени од пандемијата на...

Македонија5 часа

Телефонска психолошка поддршка и за трудниците и за родилките, како и за лицата со нарушен слух, говор и глас

Министерството за здравство информира дека во соработка со Клиниката за психијатрија отворени се уште три нови телефонски броеви за психолошка...

Регион5 часа

„Твитер“ избриша повеќе од 8.500 налози поврзани со Вучиќ

Компанијата „Твитер“ соопшти денеска дека избришала над 8.500 налози за промоција на српскиот претседател Александар Вучиќ и Српската напредна партија....

Регион5 часа

Расте бројот на бугарски пратеници заразени со вирусот

Уште двајца бугарски парламентарци се позитивни на тестот на коронавирусот. Станува збор за претседателката на парламентарната група на владејачката централнодесничарска...

Свет6 часа

Трамп незадоволен кога затвореници во САД завршија на слобода поради коронавирусот

Американскиот претседател, Доналд Трамп, изјави дека не му се допаѓа одлуката на затворските власти во Калифорнија, Мичиген и во Пенсилванија...

Свет6 часа

Кинеските власти објавија 31 нов случај на коронавирус

Кинеските власти соопштија дека има пријавено 31 нов случај на коронавирус, при што 29 се поврзани со лица од странство,...

Регион6 часа

Сасоли: ЕУ бара начин како да му помогне на Западен Балкан да се справи со пандемијата

„Живееме во време на предизвик без преседан, предизвикан од пандемијата со Ковид-19. Глобалните проблеми не може да имаат национални решенија...

Свет17 часа

Британија го зголемува бројот на дневни тестирања на 100.000

Британскиот министер за здравство вети за десетпати дека ќе го зголеми бројот на дневните тестирања на коронавирус, со што до...

Свет18 часа

Над еден милион луѓе се заразени со коронавирус во светот

Бројот на заразени со коронавирус во светот достигна еден милион и сега изнесува 1.000.168, покажуваат податоците на страницата „Ворлдометерс“. Од...

Македонија21 час

На коронавирус позитивен психијатар од Демир Хисар, колегите од болницата испратени во изолација

Во Психијатриската болница во Демир Хисар доктор психијатар кој работел во болницата е позитивен на коронавирусот, информираше министерот за здравство,...

Свет23 часа

СЗО: Над 95 отсто од починатите од коронавирус во Европа се лица над 60 години

Шефот на канцеларијата на Светската здравствена организација (СЗО) за Европа, Ханс Клуге, рече дека официјалните податоци покажуваат дека повеќе од...

Економија24 часа

Финансиска помош и за занаетчиите и вршителите на самостојни дејности

Владата денеска ја донесе уредбата со законска сила за финансиска поддршка на физички лица што вршат самостојна дејност, а кои...

Економија24 часа

(Видео) По 14.500 денари месечно за вработен за април и мај или 50 отсто од трошоците за придонеси

Државата спасува работни места, 14.500 денари месечно за вработен за април и мај за сите фирми погодени од кризата или...

Економија24 часа

Спасовски: Со уредба ќе ги замрзнеме кредитите ако банките го гледаат само својот интерес

По понудените решенија за одложување на кредитите, техничкиот премиер, Оливер Спасовски, вели дека чекаат да видат какви ќе бидат ефектите....

Досие