Македонија
Тони Михајловски в понеделник седнува на обвинителна клупа

В понеделник, 28 јануари, во 11 часот во кривичниот суд во Скопје на обвинителна клупа треба да седне актерот и член на Извршниот комитет на ВМРО-ДПМНЕ, Тони Михајловски. Рочиштето за Михајловски ќе го суди судијката Александра Ристеска, која го суди и предметот „Тортура“ во кој е обвинет ексдиректорот на УБК, Сашо Мијалков, и петте „алфи“ за апсењето на тогашниот лидер на „Обединети за Македонија“, Љубе Бошкоски.
Основното јавно обвинителство Скопје поднесе обвинителен предлог против Тони Михајловски за сторено кривично дело загрозување на сигурноста (член 144 став 4 од Кривичниот законик), поради закана за убиство на новинарот Бранко Тричковски објавена на социјалната мрежа „Фејсбук“. За ова дело е пропишана казна затвор од 5 години или потешка казна.
Михајловски на својот фејсбук-профил на 16 јуни 2017 напиша: „Јас Бранко Тричковски можам да го убијам и да не ми трепне око. Прости ми Боже“.
Oд обвинителството соопштија дека заканите биле објавени во форма на коментар на профилот на „Фејсбук“ на Михајловски и биле насочени кон оштетено лице – новинар, при што обвинетиот повикал на физичка ликвидација и му ја загрозил сигурноста на новинарот.
Во истрагата, надлежниот јавен обвинител презел повеќе истражни дејствија, а преку меѓународна правна помош од социјалната мрежа ги обезбедил и податоците за корисничкиот профил од кој биле упатени заканите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Отворена изложбата „Лица на револуцијата“ на необјавени портрети од македонски револуционери

Патувачка изложба на необјавени фотографии од македонски револуционери на Диме Ратајкоски и Душко Апостолоски беше отворена вчера во МАНУ. Изложбата се организира во година кога македонската држава и народ одбележуваат 120 години од смртта на Гоце Делчев, 120 години од Илинденското востание и 130 години од основањето на Внатрешната македонска револуционерна организација.
Насловена „Лица на револуцијата“, изложбата содржи досега необјавени портрети од македонски револуционери и предвидено е истата да патува низ 5 македонски градови и официјално да биде затворена на 23 октомври во Битола на Денот на македонската револуционерна борба.
Изложени се фотографии од приватни колекции на Диме Ратајкоски и Душко Апостолоски на македонските револуционерни икони Јане Сандански, Ѓорче Петров, Христо Батанџиев, Димо Хаџи Димов, Христо Чернопеев и други значајни ликови, изложбата содржи и фотографии кои го документираат учеството на македонските револуционери во Балканските војни, Првата светска војна, како и меѓувоениот период.
Жалосно е што македонските институции не се грижат за македонското наследство и ваквите работи се сведуваат на ентузијазмот на малкумина граѓани.
Изложбата беше поддржана од Комисијата за култура на ВМРО-ДПМНЕ.
Македонија
Над 11 илјади натпреварувачи од 53 држави денеска го трчаат скопскиот маратон

Со повеќе од 11.000 натпреварувачи од 53 држави, денеска се одржува 9. издание на Виз Ер Скопски маратон.
Покрај маратонската трка (42,195 км), ќе се одржат и полумаратон (21,097 км), штафетен маратон (двајца по 10, двајца по 11 км) и трка на 5 км.
Поради маратонот, до 15 часот низ скопските улици ќе има посебен режим на сообраќај. Организаторите на Виз Ер Скопски маратон упатуваат апел до сите граѓани да ги почитуваат поставените сообраќајни знаци и да ги користат алтернативните решенија за сообраќај.
Затворени за сообраќај ќе бидат следните улици: ул. Димитрие Чуповски, дел од булеварот Климент Охридски, улицата Свети Кирил и Методиј, улицата Митрополит Теодосиј Гологанов, улицата Васил Чакаларов, улицата 11ти Октомври, дел од булеварот Крушевска Република, улицата Есенинова, Трета Македонска Бригада, булевар Србија (десната коловозна лента од семафорите со раскрсницата булевар Јане Сандански до семафорите кај Крстот), дел од булеварот Јане Сандански (едната коловозна лента од семафорите кај Мајчин Дом до семафорите со булевар Србија).
Одржувањето на Виз Ер Скопски маратон 2023, покрај генералниот спонзор Виз Ер, го помогнаа покровителите Град Скопје, Агенцијата за млади и спорт, Канцеларијата на Европската Унија, Македонски олимписки комитет и други спонзори.
Македонија
Токсично млеко и јогурт завршиле во маркетите, а АХВ спие, вели опозицијата

Опозицијата обвинува дека млеко и протеински јогурт со амфлатоксин завршило во маркетите, АХВ спие, се буди само кога ВМРО-ДПМНЕ ќе ги фати на дело.
„Здравјето на граѓаните е константно загрозено поради кеиминогеноста и неспособнста на власта. Млеко и протеински јогурт со амфлатоксин од Србија влегле во Македонија, и завршиле по трпезите на граѓаните. АХВ како да не функционира. Агенцијата чека ВМРО-ДПМНЕ да ги фати на дело незаконитостите, па потоа како аналитичари да констатираат дека да тоа се случило, но еве сега постапуваат. Фактичката состојба е дека не знаеме дали постапуваат, зошто ниту е објавено дека млекото е вратено, ниту дека е уништено. Дали тоа значи дека веќе е исконзумирано?“, пишува ВМРО-ДПМНЕ.
Партијата бара директорот на АХВ ведаш да си поднесе оставка, а ЈО да отвори случај.