Контакт

Македонија

Тренчевска: Соработката со општините е клучна, инвестираме во проекти од кои директна придобивка имаат нашите граѓани

Објавено пред

Во Министерството за труд и социјална политика, денес се потпишаа договори за соработка и договори за групна набавка со општините Карбинци, Дебар и Македонски Брод од страна на министерката за труд и социјална политика, Јованка Тренчевска и градоначалниците на општините.

dobivaj vesti na viber

Договорите за соработка и за групна набавка помеѓу Министерството за труд и социјална политика и Општина Македонски Брод се однесуваат за изведување на градежни работи за реконструкција со пренамена на детска градинка во Центар за дневен престој за деца со пречки во развој за 24 корисници поделени во две групи по 12 корисници.

Предвидените активности се согласно Програмата на Владата на Република Северна Македонија за изградба, опремување и одржување на објекти за социјална заштита и домови за стари лица за 2023 година. Министерството се обврзува од својот буџет за 2023 година да обезбеди средства за изведување на градежните работи, кои се предмет на договорот. Договорите се потпишаа од страна на министерката Јованка Тренчевска и градоначалникот на Општина Македонски Брод, Жарко Ристески.

Договорите за соработка и за групна набавка помеѓу Министерството за труд и социјална политика и Општина Карбинци се однесува за реализација и финансирање на активности за изведување на градежни работи за Доградба на постоечка детска градинка во Oпштина Карбинци село Таринци, со капацитет од 48 деца.

Предвидените активности се согласно Програмата на Владата на Република Северна Македонија за изградба, опремување и одржување на објекти за детска заштита за 2022 година, како и согласно Програма за изградба, опремување и одржување на објекти за детска заштита за 2023 година. Министерството за труд и социјална политика се обврзува од својот буџетот за 2023 година да обезбеди средства за изведување на градежно занатски работи за доградба на детска градинка, а Општина Карбинци да учествува во адаптација и пренамена на стариот дел на објектот и во набавка на опремата. Договорите се потпишаа од страна на министерката Јованка Тренчевска и градоначалникот на Општина Карбинци, Виктор Паунов.

Договорите за соработка и за групна набавка помеѓу Министерството за труд и социјална политика и Општина Дебар се однесуваат за изведување на градежни работи за измени во тек на градба за доградба на детска градинка Брешиа во Дебар, кој ќе биде во состав на ЈОУДГ ,,Брешиа“ – Дебар, со капацитет од 62 деца.

Предвидените активности се согласно Програмата на Владата на Република Северна Македонија за изградба, опремување и одржување на објекти за детска заштита за 2021 година. Министерството за труд и социјална политика се обврзува од својот буџет за 2023 година да обезбеди средства за изведување на градежни работи за измени во тек на градба за доградба на детска градинка Брешиа во Дебар и опремување на истата. Договорите се потпишаа од страна на министерката Јованка Тренчевска и градоначалникот на Општина Дебар, Хекуран Дука.

Македонија

ЦУК со детали за активните пожари

Објавено пред

Регионалниот ЦУК Битола информира дека пожарникарите од ТППЕ Прилеп известиле дека пожарот во атарот на с.Небрегово (општина Долнени) што започна на ден 18.07.2024 година во 18.59 часот се движи во правец на с.Небрегово и с.Присад, каде што е зафатена ниска вегетација и ниска деградирана мешана шума. Ангажирани се 17 пожарникари со 3 теренски и 2 ПП возила – цистерни. Испратена е и екипа од 3 вработени во Национални Шуми – Прилеп. Ангажирана е и градежна машина од рудникот „Фимар Балкан“ за создавање на заштитен појас во с.Небрегово. Од ЕЛС Долнени побарана е воздухопловна поддршка.

dobivaj vesti na viber

Регионалниот ЦУК Струмица, известува дека пожарот над с.Баделен на планината Огражден се активирал на едно жариште кон с.Стиник на коешто дејствувал романски авион со еден налет. Но, тоа не било доволно, па се очекува повторно дејство од воздух како не би се проширил кон с.Стиник. На терен е тим од 3 пожарникари со 1 теренско возило, 2 вработени од ЈП „национални шуми“ со 1 теренско возило и од МВР има тим од 3 полицајци со 1 возило (Општина Ново Село).

Регионалниот ЦУК Штип информира дека ЈКП „Брегалница“ од Делчево известило дека пожарот на градската депонија што започна на ден 14.07. 2024 година е се уште активен, односно дека тлее – гори во внатрешноста на депонијата. Во текот на вчерашниот ден 5 вработени од ЈКП, со 2 машини и 1 камион вршеа затрупување на истата. На теренот има стражарска служба на ЈКП (Општина .Делчево).

Пожарот кој избувна над село Селце и Драгоево е активен на два крака. На потегот помегу село Селце и село Пухче и на граница со приватното ловиште пожарот е активен. На Во гаснење на пожарот денес интервеираа ТППЕ Штип со 22 пожарникари со 3 ПП возила, екипа од ТППЕ Кочани со 2 пожарникара и 1 ПП возило, 24 припадници на Армијата, 10 членови на ловно друштво „Лисец“ Штип со 2 возила, 6 градежни машини, „Оф роад“ друштво „Астибо Штип“ со 3 возила и 9 членови, 6 од месното население, 2 вработени во ЈПНШ ШС Серта Штип, 1 претставни код ЦУК со 1 теренско возило, екипа од ИМП Штип и екипа од ЦКРСМ Штип. Правени се пресеци со градежните машини, сечени се дрвја што се надвиснуваат и можат да го пренесат пожарот понатаму и е вршено активно гасење на пожарот на пристапен терен. Вчера од утрово на пожарот е интервенирано од воздух со 3 хеликоптери во времетраење од 6 часа поради непристапноста на теренот за да влезат пожарникари. На потегот над село Драгоево исто така забележано е големо димење и е пратена екипа на ТППЕ Штип од 3 пожарникари и 10 војници на АРСМ за да провери и доколку треба да интервенира. На терен преку ноќта останаа жители од селата Селце и Пухче и екипа од ловно друштво со 1 теренско возило. Пожарот е се уште активен.

Регионалниот ЦУК Велес, информира дека пожарот во с.Габровник во Општина Чашка на планината Бабуна е се уште активен. ЦУК беше известен од ЈП „Национални шуми“ подружница „Бабуна“ од Велес пожарот од страната на с.Габровник е ставен под контрола, додека од страна на с.Мокрени, место викано Мокренски јазик, пожарот е активен. На истиот на терен беа: 16 лица од подружницата „Бабуна“, 30 припадници на Армијата, екипа од неколку луѓе од ЕЛС Чашка и 4 пожарникари со 1 ПП возило од ТППЕ Велес. Од страна на градоначалникот на Општина Чашка било поднесено барање за повторно активирање на воздухоплови за двата активни пожари. На истиот пожар беа активирани два хилихоптера од кои едниот е словенечки, а другиот е полициски – на МВР. Пожарот не предизвикува опасност, гори покрај сртот. Екипите полека се повлекува сношти од терен (Општина Чашка).
Пожарот на планината Голешница на Врвот Лисец – помеѓу с. Г. Јаболчиште и Дреново во Општина Чашка е повторно активен. Се наоѓа на многу висок и непристапен терен – каде што не може да се дејствува од земја ,поради густата и висока вегетација (Општина Чашка).
На пријавениот пожар кај Пашин мост во 14.55часот интервенирале екипи од ЈП „Национални шуми“-„Бабуна“ од Велес, екипа од ТППЕ Велес од 12 пожарникари и 6 возила,екипа од ЕЛС Чашка со околу 30 луѓе, трактори за одорување,неколку припадници на полицијата од СВР Велес и неколку луѓе од мештаните од селото. Пожарот продолжи да се шири и кон Општина Чашка и затоа е пуштен еден авион „канадер“ кој помага во гаснењето од воздух (Општина Велес).
ТППЕ Кавадрци извести дека е повторно разгорен пожарот во долот помеѓу селата Подлес и Чичево. Интервенираат ТППЕ Кавадарци со 3 пожарникари и 1ПП возило (Општина Градско).
ТППЕ Кавадрци извести дека има пожар на отворен простор кој се појави на 17.07.2024 година во 10.20 часот во атарот на с.Сирково во Општина Росоман. Пожарот е 90% изгаснат. Гори уште на две места од коишто едно е над с.Сирково , а другото е во правец на с.Мрзен Ораовец. Во гаснењето на пожарот на терен биле присутни: ТППЕ Кавадарци со 20 пожарникари и 2 возила, 13 припадници на ЕБР, 15 лица месно население, 2 булдожера, 2 цистерни и 1 „теге“ од ЈП „Комуналец“ Кавадарци, еден булдозер на „ЈАМИ“ ДООЕЛ Кавадарци, и еден скип од ЈПКД „Росоман“. Во текот на денот дејствуваат од воздух 1 хрватски „канадер“ и 1 хеликоптер. Екипите сноѓти се повлечени од терен, а од утрово продолжија со гасење (Општина Росоман).
Пожар на отворен простор има после с.Фариш (Општина Кавадарци) на границата со Општина Прилеп. Пожарот е на многу непристапен терен. Гори ниска вегетација, драч, жбун и сува трава. На пожарот интервенирале, ЈП НШ подружница „БОР“ Кавадарци со 1 ПП цистерна и 3 вработени и 12 припадници на ЕБР. Вчера на терен интервенираше и екипа од 1 камион со 3 пожарникари од ТППЕ Кавадарци (Општина Кавадарци).

Регионалниот ЦУК Охрид, информира дека од ТППЕ М.Брод известиле за пожарот во атарот на с.Тaжево кон Борова Брезница каде што гори борова шума. Пожарот се движи кон Тажево и ако ја помине линијата, сртот меѓу Борова Брезница и реката понорница Оча, ќе преставува опасен пожар што тешко се гасне заради присуството на густа шумска вегетација, а теренот е под агол од околу 50/60 степени со голема длабочина, што освен што е непристапен за ПП сили по земја, тешко пристапен е и за ПП воздухоплови. На терен имало во прво излегување тим од 4 вработени од Јавно претпријатие за управување и заштита на повеќенаменското подрачје „Јасен“, а од утрово тој број е зголемен, на терен со уште 10 вработени и други лица (најмалку 15 луѓе) задно со директорот, а имало и едно теренско возило што било специјализирано за гаснење шумски пожари. Планирано е да интервенираат од ТППЕ Македонски Брод од ЈП „Национални шуми“ подружница Македонски Брод и се планирало да се побара да се активираат летала за гасење од воздух (Општина Македонски Брод).

Прикажи повеќе...

Македонија

Анѓушев: Имаме решение за вишокот електрична енергија – смарт батериски систем за складирање и управување на струјата

Објавено пред

Групацијата Феро Инвест извади на пазарот интегрирано решение за проблемот со вишокот електрична енергија од обновливи извори, а тоа се ,,батериски системи со интерактивен софтвер за паметно складирање и управување со енергијата”.

dobivaj vesti na viber

Софтверското решението на Феро Инвест, кое е сопствено дело на инженерите на компанијата и е развивано по последните две години, во моментот претставува единствен модел за справување со вишокот енергија од обновливи извори, и може да се примени на домаќинства, објекти од индустријата и електрани од обновливи извори.

Фотонапонските панели поставени на објектот се поврзува со батерии и заедно се врзани за ПЛЦ управување, а по барање на клиентот може да бидат поврзани и за центарот за мониторинг на Феро Инвест.

Решението обезбедува енергетски независност на објектот, односно во услови на поволно сончево зрачење, произведената електрична енергија веднаш се користи за неопходните потреби, а вишокот оди во батериите. Попладне и ноќе, кога нема сонце, а кога цените на струјата се далеку повисоки, се користи складираната енергија од батериите, со што се прават огромни заштеди. Пресметките покажуваат дека со инсталација на еден батериски систем, домаќинствата и малите бизниси може да ги намалат своите сметки за електрична енергија и до 98%. Корисникот има панел на кој постојано ја следи потрошувачката на енергија, залихата во батеријата, влечењето енергија од мрежа и неговата сопствената заштеда. Феро Инвест обезбедува и мониторирање и одржување на системот, за безгрижна енергетска независност на клиентот, по принципот ,,имајте струја и кога никој друг нема”.

Освен батериски системи за домаќинства и мали бизниси, Феро Инвест започнува и со инсталација на батериски системи за големи производни капацитети, кои веќе имаат инсталирано фотоволтаични електрани на нивните кровови, а и таму позитивниот ефект е фасцинантен.

„Фабриките кои веќе имаат инсталирано фотоволтаични електрани, особено во летниот период, ќе имаат огромен бенефит од батериски системи. Имено, во дневниот период кога има вишоци на електрична енергија поради големиот број на фотоволтаици и кога цените се ниски, фабриките може да ја набавуваат струјата по берзански цени, а во попладневните часови, кога цените се и до 20 пати повисоки, може да ја користат енергијата од своите батериит и на тој начин да направат одлични заштеди. Ги охрабрувам сите фабрики кои имаат инсталирано фотоволтаици на нивните кровови да инвестираат во батерискисте системи, а инвестициите ќе им се вратат во период од 6-8 години, потоа практично ќе имаат бесплатна струја над 10 години“, објави сопственикот и извршен директор на групацијата Феро Инвест, проф. д-р Кочо Анѓушев, пред бисмисмените во Стопанската комора на настанот „Соларна енергија за бизнисите“, во организација на Европската инвестициска банка.

При дискусијата беше потенцирана потребата државата што побрзо законски да го уреди прашањето за поставување батериски системи за електрани.

На настанот во Стопанската комора беше презентирана и кредитната линија на Европската инвестициска банка ЕИБ7 со која се стимулираат инвестиции во обновливи извори на енергија и намалување на јаглеродниот отпечаток, а настанот пробуди огромен интерес на присутните над 70 претставници на мали и средни претријатија, членки на Стопанската комора. Кредитната линија на ЕИБ предвидува кредити со поволни каматни стапки, а ќе се имплементира преку Развојната банка на Северна Македонија и комерцијалните банки во земјата.

(ПР објава)

Прикажи повеќе...

Македонија

Вендинг машини за селектирање отпад за првпат во Охрид и Струга

Објавено пред

Нова инвестиција на СКОПСКО, како дел од платформата „Наша Гордост. Наша одговорност“

dobivaj vesti na viber

Во рамки на платформата “Наша Гордост. Наша одговорност.”, култниот македонски бренд на Пивара Скопје – СКОПСКО, ја најави најновата инвестиција во повратни вендинг машини за селектирање отпад. Оваа иницијатива ги обединува напорите за општествено одговорно делување и заштита на животната средина и во целост ги поддржува заложбите на Пивара Скопје за одржлив развој во рамки на платформата „Свет без отпад до 2030 година“, како и намалување на нето јаглеродните емисии на компанијата до 2040 година.

Како компанија која постојано го следи фидбекот на своите потрошувачи, оваа инвестиција е директно инспирирана од барањата на жителите на Охрид и Струга. За првпат, овие два града ќе добијат вендинг машини од ваков тип, кои ќе придонесат за зголемување на еколошката свест и одговорност меѓу граѓаните.

„Оваа иницијатива е огледало на нашата одлучност да придонесеме кон одржлив развој и да ги поддржиме локалните заедници. Платформата „Наша Гордост. Наша одговорност.“ е основа на нашите напори да ги интегрираме принципите на одржливост во секојдневието, и сме уверени дека оваа, како и сите претходни иницијативи, ќе донесат позитивни промени во општеството,“ вели Марта Завкова, сениор бренд менаџер за СКОПСКО во Пивара Скопје.

„Како компанија која работеше на развивање и обезбедување на овие повратни вендинг машини, горди сме што придонесуваме кон значајното проширување на инфраструктура за селектирање отпад во Македонија. Нашата мисија е да создадеме услови за поефикасно и одржливо управување со отпадот, и овие вендинг машини за селектирање отпад се чекор напред кон тоа,” вели Ико Брдароски, кој што е дел од менаџментот на компанијата Пакомак.

Оваа инвестиција е дел од кампањата за продажба на специјално обележаните шишиња СКОПСКО и СКОПСКО Smooth, преку која за секое продадено шише, 1 денар беше наменет за организирање на неколку акции и инвестиции во опрема за чистење, собирање и селектирање отпад и зачувување на животната средина и македонските знаменитости.

Кон инвестицијата се приклучи и КАМ маркет кој обезбеди простор во своите маркети за поставување на вендинг машините за селектирање отпад.
Како компанија ориентирана кон иднината, Пивара Скопје преку СКОПСКО платформата „Наша гордост. Наша одговорност.“ ќе опфати и други национални обележја во земјата и ќе ги обедини граѓаните, организациите и институциите кои ги делат истите вредности и заложби за одржлив развој, со крајна цел подигнување на колективната свест и движење напред кон одржливо општество.

Вендинг машините за селектирање отпад може да ги најдете на следните локации:
Охрид
Маркет ТАМАРО на ул. АСНОМ бр. 21
Т.Ц.Кам Вилиџ -Кам Маркет 7 Ноември бр 179 Охрид
Струга
Генц Дуа мол – Кам маркет Р1201 Струга
Миса Маркет Елпида Караманди-Цветан Димов(поранешен Тинекс) Струга

ПР

Прикажи повеќе...

Најново

Топ27 минути

Приведен разбојник во Скопје, со употреба на сила од вработена во продажен објект одзел производи

Полицијата приведе 31-годишен скопјанец кој со употреба на сила одзел производи од продажен објект во Драчево, информира МВР. „На 19.07.2024...

Свет1 час

Светот полека се враќа во нормала по големиот технолошки проблем

Бизнисите и услугите ширум светот полека закрепнуваат по огромниот прекин на технологијата што со часови ги погоди компјутерските системи. Бизнисите,...

Македонија3 часа

Расте бројот на пожари низ Македонија: во моментов активно беснеат 12, познато е каде гори

Центарот за управување со кризи во последното деноноќие регистрира вкупно 35 пожари. Од нив 12 се се’ уште активни, а...

Македонија3 часа

Доаѓа невреме: пороен дожд и грмежи, силен ветер и град попладнево ќе ја зафатат Македонија

Времето во Македонија денеска претпладне ќе биде сончево и многу топло со мала до умерена облачност. Во попладневните и вечерните...

Македонија17 часа

(Видео) Пороен дожд, грмотевици и град попладнево во Охрид, Свети Николе и Струмица

Во централниот дел од Пелагонија има појава на невреме со интензивен пороен дожд, грмежи, силен ветер и град, извести Центарот...

Топ18 часа

Почина осуденик во Идризово, телото е дадено на обдукција

Денеска во 02.08 часот во СВР Скопје, од Казнено – поправната установа Затвор Идризово било пријавено дека во амбулантата во...

Топ18 часа

Уапсен 53-годишник, извршил обљуба врз малолетник од Струмица со пречки во развојот

Вчера во 18.25 часот, полициски службеници од СВР Струмица лишиле од слобода 53-годишно лице од струмичко, кој се сомничи дека...

Македонија18 часа

(Видео) Полицискиот хеликоптер фрли над 39 тони вода врз пожарот меѓу селата Драгоево и Селце

Денеска полициски воздухоплов од типот Бел-412 од Одделот за воздухопловни единици продолжи да дејствува на пожар што избувна на планината...

Македонија22 часа

Министерот Таравари именува нови директори на неколку здравствени установи

Министерството за здравство информира дека министерот д-р Арбен Таравари изминатите неколку дена именува нови в.д. директори во повеќе здравствени установи....

Македонија22 часа

„Визер“ предупредува: Патниците да пристигнуваат на аеродромот најмалку 3 часа пред нивниот лет денес

Пристигнете на аеродромот најмалку три часа пред летот, апелираат од „Визер“ по денешниот ИТ-колапс. Се очекуваат потенцијални прекини поради тековниот...

Топ23 часа

Пронајдено телото на скопјанецот што се удави во Дојранското Езеро

По преземените мерки и активности, тим пожарникари од Територијалната противпожарна единица Струмица, денеска, околу 7 часот, во Дојранското Езеро го...

Македонија23 часа

(Видео) Спречена експлозија на над 80 тони гас кај поранешна „Порцеланка“ во Велес

Благодарение на брзата и пожртвувана реакција на храбрите велешки пожарникари избегната е голема трагедија во кругот на поранешна велешка „Порцеланка“...

Македонија1 ден

(Видео) Македонка загина во сообраќајна несреќа кај Лесковац: со фамилијата се враќале од одмор во Словенија

Во сообраќајна несреќа кај Лесковац едно лице загина, а тројца се повредени. Несреќата се случила кога возачот изгубил контрола над...

Македонија1 ден

Рекорден број повици од постоењето на бројот за итни случаи 112

Единствениот повикувачки број за итни случаи 112 во Центарот за управување со кризи (ЦУК), изминатото деноноќие бележи рекорден број повици...

Македонија1 ден

Пожарот кај Битола локализиран, но сѐ уште постои опасност, од Пелистер е оддалечен 10 километри

Регионалниот ЦУК Битола известува дека Екипите од ТППЕ Битола, НП ,,Пелистер”, ДПД,,Арханѓел” и доброволци се повлечени од терен од пожарот...

Свет1 ден

Полицаец повреден со нож во центарот на Париз, насилникот неутрализиран

Еден полицаец е повреден во напад со нож во центарот на Париз, изјави францускиот министер за внатрешни работи Жералд Дарманен....

Македонија1 ден

Повеќе од 10 часа делови од Скопје без струја

Повеќе од 10 часа делови од Скопје се без струја по вчерашното невреме проследено со дожд, силен ветер и град....

Македонија1 ден

Костадинов заврши на инфузија, вдишал чад од пожарите

Градоначалникот на Струмица, Костадин Костадинов вчера завршил на инфузија откако вдишал чад при гаснењето на пожарите. -Пожарникарите-спасители изразуваат голема благодарност...

Македонија1 ден

ЦУК: Има активни 13 пожари

Центарот за управување со кризи информира дека има активни 13 пожари, од вкупно 28-те пожари на отворено во последното деноноќие,...

Свет1 ден

Земјотрес со јачина од 7,4 степени го погоди северниот дел на Чиле во близина на границата со Аргентина

Земјотрес со јачина од 7,4 степени според Рихтеровата скала вчера го погоди северниот дел на Чиле, во близина на границата...