Македонија
(Видео) Триесетина организации предводени од Бачев, почнаа кампања за бојкот на референдумот

Христијанско братство, Македониум, Аманет 1903, Трета партија на Македонците, Тврдокорните, ВМРО-ДПМНЕ-Демократска фракција и други партии и невладини организации, на чело со Јанко Бачев од „Единствена Македонија“, почнаа кампања под слоганот „Македонија бојкотира“.
Вкупно 28 организации потпишаа Меморандум за соработка и формираа т.н Кризен штаб кој ќе ја води кампањата.
„Ние сме собрани да недозволиме да не избришат од светската мапа на нации. Тоа нема да го дозволиме. Оваа битка е поголема од предавничката авантура на власта. Со бојкотот ја спречуваме промената на името. Заев е во очај , посебно се забележа на НАТО журките. На Илинден им сметаше МТВ, и лажат дека бојкотот значело прифаќање на Договорот со Грција. Оваа битка ќе ја добиеме со бојкот. Ќе им остане предавството. Новата власт која доаѓа ќе расчисти со предавниците, рече Бачев.
Претставниците на организациите најавија дека ќе одат од врата на врата да ги убедат луѓето да не излегуваат на референдумот на 30 септември.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Облачно и свежо со повремени врнежи од дожд, повремено пообилни, на повисоките планини слаб снег

Времето денес, облачно и свежо со повремени врнежи од дожд, наместа пообилни (над 30 l/m²). Кон крајот на денот на повисоките планини на северозапад ќе има услови врнежите од дожд да преминат во повремен слаб снег. Попладне и во текот на ноќта ќе дува умерен до засилен северен ветер (над 60 km/h).
Дневната температура ќе биде во интервал од 11 до 15 степени.
Времето и метеоролошките параметри за Скопје: Облачно и свежо со повремени врнежи од дожд, повремено пообилни. Ќе дува слаб до умерен, а попладне во делови од котлината повремено засилен ветер од северен правец.
Во наредните денови следува период на претежно стабилно време, до понеделник со пониски утрински температури, а дневните ќе бидат во постепен пораст. Од средината на следната седмица ќе има локална појава на нестабилност со пороен дожд и грмежи.
Македонија
Меџити: Стратешките инвестиции во зелената инфраструктура го забрзуваат економскиот развој

Првиот заменик-премиер и министер за животна средина и просторно планирање, Изет Меџити, денес учествуваше на конференцијата на тема „Унапредување на зелената инфраструктура во Западен Балкан“, на која ја истакна важноста на изградбата на одржлива инфраструктура, како неопходност а не избор.
Меџити на конфернцијата на која присуствуваше и министерката за енергетика, рударство и минерални суровини, Сања Божиновска, рече дека зелената инфраструктура е глобален предизвик кој бара колективна акција, визија и соработка.
„Начинот на кој ги обликуваме нашите инфраструктурни проекти директно влијае врз квалитетот на животот, економската стабилност, заштитата на животната средина и отпорноста на нашите заедници на климатските промени. Стратешките инвестиции во инфраструктура која ги зема предвид климатските ризици и аспектите на биолошката разновидност претставуваат моќна алатка за забрзување на економскиот развој, создавање нови зелени работни места, поттикнување на иновации и исполнување на cелите за одржлив развој до 2030 година“ изјави Меџити.
Ја истакна важноста на интегрирањето на климатските и еколошките аспекти во процесот на планирање и проценка на влијанието врз животната средина, додавајќи дека овозможува носење информирани и долгорочно одржливи одлуки.
„Инфраструктурата која е отпорна на климатски шокови, не само што го заштитува буџетот и јавните ресурси, туку придонесува за стабилност и сигурност за идните генерации, а чекори кои треба дасе превземаат се градење и адаптација на системи за управување со ризици кои ќе нè подготват за климатските предизвици, трансформација на енергетскиот сектор кон обновливи извори, модернизација на земјоделството преку ефикасни системи за наводнување и климатски паметни практики, и унапредување на енергетската ефикасност и сеизмичката отпорност на објектите“, рече Меџити.
Македонија
Костадиновски-Палминтери: во фокусот предизвиците со кои се соочува Уставниот суд

Претседателот на Уставниот суд, Дарко Костадиновски оствари работна средба со Паоло Палминтери, амбасадор на Италија во Република Северна Македонија.
Костадиновски го информираше Палминтери за предизвиците и актуелностите со кои се соочува Уставниот суд.
На средбата беше изразено заедничко задоволство од нивото на развој на билатералните односи, при што е договорено зајакнување на соработката помеѓу двата суда во наредниот период.