Македонија
ФАО: Нема докази дека добитокот и домашните миленици може да го пренесат коронавирусот на луѓето
Нема докази за вмешаност на животните (добиток и домашни миленици) во ширењето на коронавирусот и нема потреба за преземање мерки што може да ја загрозат благосостојбата на животните, соопшти Организацијата за храна и земјоделство при Обединетите нации (ФАО).
Наместо тоа, ФАО ги промовира вообичаените хигиенски практики на миење раце пред и по контакт со или хранење добиток и домашни миленици, вклучително и внимателно ракување со месо од диви животни, во согласност со нормалната добра практика.
Истрагите да се разбере епидемиологијата на Ковид-19 и вклученоста на животните како резервоар на вирусот или привремени домаќини се во тек. Во овој момент, сепак, најголем ризик од ширење на Ковид-19 е пренесувањето од човек на човек. Оттука, СЗО е надлежен и примарен извор на информации во врска со човековите здравствени аспекти на ширење на вирусот.
Од почетокот на глобалнaта појавa на коронавирусот, Организацијата за храна и земјоделство при Обединетите нации (ФАО) соработува со Светската здравствена организација (СЗО) и Светската организација за здравје на животните (ОИЕ) за поддршка на земјите членки во идентификување потенцијални домаќини на овој вирус кај животните и спречување негово пренесување на луѓето.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Голема материјална штета направи пожарот во хотелскиот комплекс „Манастир“ во Берово, нема повредени (ВИДЕО)
Македонија
Пожар во дел од туристичкиот комплекс „Манастир“ во Берово
Вечерва избувна пожар во дел од туристичкиот комплекс „Манастир“ во Берово, информираат тамошните општински власти.
На терен се екипи на ТППЕ Берово кои веднаш по дојавата се упатиле во кругот на објектот каде е забележан густ чад.
Повеќе информации за пожарот и евентуалната причинета штета, се најавени за подоцна.
Македонија
Мустафаоглу: ДКСК остануваат неми додека беснее непотизмот во Владата
„,Владата на ДПМНЕ, ВРЕДИ и ЗНАМ, на брза лента, катадневно и во секоја пора на јавниот сектор, вработува и унапредува лица по принцип па партиска припадност и фамилијарни врски“, реагира на прес – конференција советничката од Левица, Дарја Мустафаоглу.
„Најнов пример за ваквото расипничко владеење е вработувањето на сестрата на министерот за култура, Зоран Љутков, во Велешкиот музеј, директно од негова страна и без распишен јавен оглас.
Покрај бројните скандали за непотизам во само 100 дена владеење, ја потсетуваме јавноста дека во Собранието, власта се обидува во новоформираната второстепена државна комисија да именува свои партиски војници. Ова е вистинското лице на власта – власт што го поткопува општеството и ја краде иднината на новите генерации.
Оттука бараме ДКСК да не биде слепа при очевидните скандали и итно да постапи во врска со систематскиот непотизам што го нагризува нашиот јавен сектор. Комисијата не смее да го игнорира овој сериозен проблем и да дозволи поединци или групи да ги злоупотребуваат државните ресурси за лични интереси. Државните институции мора да бидат места за професионалци, а не за приватни мрежи на интереси!”, се вели во реакцијата на партијата.