Македонија
Четворица пациенти во Италија се веќе на нозе, Таравари вели може да се вратат дома следната недела, критичен е пациент во Турција
Денес, од болница излегуваат десетмина пациенти што се лекуваат кај нас, соопшти утрово министерот за здравство, Арбен Таравари. Си заминува дома еден повреден, кој беше сместен во болницата во Штип, еден од детска хирургија, тројца од торакална хирургија и уште петмина сместени во болниците „Аџибадем систина“ и „Жан Митрев“.
„Ме радува тоа што десетмина ќе продолжат дома по направените токсиколошки анализи. Ќе се вратат дома да продолжат со мирување еден период и да продолжат со својот живот“, рече министерот Таравари.
Тој и денес рече дека повеќе нема да се праќаат пациенти на лекување во странство оти состојбата на сместените кај нас, а генерално и на оние во странство, е стабилна. Веќе размислуваат за протоколи што ќе го пропишат начинот на кој треба повредените, кои се закрепнати, да се вратат од земјите во кои се испратени на лекување. Меѓу нив, министерот вели дека има пациенти што се во многу подобра состојба.
„Во Италија има четворица пациенти што се веќе на нога, значи можеби идната недела ќе зборуваме и за нивно враќање“, рече министерот Таравари.
Во странство во овој момент се лекуваат 115 пациенти. Таравари денес детаљно објаснуваше за нивната состојба, која, генерално, ја оцени како стабилна, со исклучок на еден пациент сместен во Турција.
„Од сите пациенти, освен еден во Турција, кој е во многу сериозна состојба, другите се во сериозна, но стабилна состојба“, рече министерот Таравари.
30 пациенти се во Србија, од нив двајца веќе се екстубирани. 15 пациенти се во Бугарија, од кои тројца се екстубирани и нивнтата сотојба е стабилна. Во Грција има 12 пациенти и за нив министерот рече дека двајца се критични, но стабилни.
Во Истанбул, Турција, шесттемина пациенти што се лекуваат се екстубирани, а симнати од машини за дишење беа и петмина повредени, кои се на лекување во Анкара.
Во Шпанија се седум пациенти, во Австрија пет, од кои двајца се префрлени на обичен оддел.
Во Унгарија се шестмина пациенти, од кои еден е фебрилен, еден со кашлица, а другите се во стабилна состојба.
Во Хрватска се петмина пациенти, еден е интубиран, стабилен, другите четворица се во сосема стабилна состојба.
Во Словенија се четворица пациенти, од кои тројца се во посериозна состојба.
Во Литванија има четворица пациенти, а едниот е екстубиран и веќе е во подобра состојба.
Во Белгија има четворица пациенти и сите се во стабилна состојба. И во Италија има четворица, кои се добра состојба, а четворица се и во Шведска, од кои двајца се во сосема стабилна состојба, и во Полска се двајца повредени, од кои само едниот е интубиран.
Пациентите што ќе се враќаат од странство ќе бидат прегледувани од домашни лекари, а потоа во зависност од состојбата, ќе бидат пуштани дома или, пак, ќе го продолжат лекувањето во домашните болници. Таравари вели дека следен предизвик со кој ќе се соочуваат во лекувањето на повредените во пожарот и кај нас и во странство се инфекциите поради што рече дека треба голема внимателност за да се спречат компликаци.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Кузеска: Инфлацијата ги јаде платите, Мицкоски и ВМРО-ДПМНЕ се без план
Портпаролката на СДСМ, Богданка Кузеска, на денешната прес-конференција ја критикуваше Владата предводена од ВМРО-ДПМНЕ, истакнувајќи дека реалните економски податоци ги побиваат нивните тврдења за економски бум во земјата.
„Секојдневно, реалните економски податоци и индикатори ги побиваат лагите на Мицкоски и ВМРО-ДПМНЕ за наводен економски бум во државата. Последните податоци за инфлацијата потврдуваат дека, спротивно на уверувањата на власта дека инфлацијата паѓа, таа останува висока и ја јаде куповната моќ на граѓаните. Годишната инфлација во октомври достигна 4,5 проценти, а најголемо зголемување од 7 проценти е регистрирано кај трошоците за храна и безалкохолни пијалаци – основните производи без кои не може да живее ниту едно семејство“, рече Кузеска.
Таа додаде дека цените продолжуваат неконтролирано да растат.
„За 2,8 проценти се зголемени цените на мало во октомври годинава, споредено со истиот месец лани. Најголем раст има кај прехранбените производи – храната поскапе за 6,7 проценти, овошјето и зеленчукот за 4,3 проценти. Растот на инфлацијата и цените е јасен показател дека економските политики на власта се промашени и без никаков резултат. Сметката ја плаќаат граѓаните“, истакна таа.
Кузеска нагласи дека платите и пензиите не го следат растот на трошоците за живот.
„Ова е клучен показател дека секој ден животот станува сè поскап за македонските граѓани. Тие се принудени постојано да кратат, да пресметуваат, да избираат што нема да купат – затоа што приходите не им стигаат. Ова е реалноста. Ова се вистинските проблеми на граѓаните“, подвлече таа.
Според портпаролката на СДСМ, ВМРО-ДПМНЕ нема планови за покачување на платите и отфрла конкретни предлози на СДСМ, како минимална плата од 500 евра или укинување на ДДВ за прехранбени производи. „Сега е јасно: на ВМРО-ДПМНЕ ѝ одговара граѓаните да живеат сè полошо. Целта е да ги обесхрабрат граѓаните и работниците да бараат подобри плати и приходи“, рече Кузеска.
Таа заклучи дека СДСМ ќе продолжи да предлага конкретни политики кои обезбедуваат подобар живот за сите.
„Со ВМРО-ДПМНЕ на власт расте само стандардот на профитерите. Расте експлоатацијата на работниците и сиромаштијата на граѓаните. Ништо друго добро не се случува во државата. СДСМ нема да молчи – и нема да молчат ниту граѓаните“, рече Кузеска.
Македонија
ВМРО-ДПМНЕ: СДС е на стаклени нозе и продолжува да тоне
ВМРО-ДПМНЕ остро реагира на состојбата во СДСМ, нагласувајќи дека партијата е на „стаклени нозе“ и дека нема знаци на вистинска реформа.
„Јавноста беше сведок на историскиот дебакл на СДС на локалните избори годинава, каде партијата освои само шест општини, 126.000 гласови и околу 230 советници, а покрај ова ги изгуби и своите некогашни бастиони“, наведува ВМРО-ДПМНЕ во соопштението.
Од партијата додаваат дека претседателот на СДС, Венко Филипче, постојано најавувал реформи, но тие најави, бидејќи долго време не се реализираат, „со тек на време станаа само празни зборови“.
„Наместо вистинска реформа, гледаме континуитет на истите штетни пракси што ја доведоа партијата до состојбата во која се наоѓа денес“, посочуваат од ВМРО-ДПМНЕ.
Тие предупредуваат дека заевизмот и понатаму доминира во СДС и дека „се додека Филипче и неговиот ментор управуваат со СДС, партијата ќе продолжи да биде партија во слободен пад“.
„Доколку СДС не се консолидира, не се реформира и целосно не го искорени заевизмот од своите редови, партијата ризикува целосно да престане да постои како дел од македонската политика“, додаваат од ВМРО-ДПМНЕ.
Според партијата, потребна е конструктивна опозиција која ќе нуди решенија, а не „пolemичарење во празно“. „Венко Филипче како претседател на СДС не покажа ниту капацитет ниту пак некаква волја да ја извлече партијата од кризата“, стои во соопштението.
„Најавите за реформи на Филипче не се доволни сами по себе. Потребни се конкретни чекори, затоа неговата оставка е единствен логичен чекор и прв услов за СДС да има било каква иднина и можност за реформи“, заклучува ВМРО-ДПМНЕ.
Македонија
Освен улиците и спомениците низ Скопје видоа вода
Градоначалникот на Скопје Орце Ѓорѓиевски синоќа на неговиот официјален фејсбук-профил објави нови фотографии од акцијата за чистење на централното подрачје на главниот град, плоштадот „Македонија“ и кејот на реката Вардар, што ја започна веднаш по преземањето на функцијата.
-Нашето убаво Скопје! Чисто и достоинствено!, напиша Ѓорѓиевски на фејсбук.
Акцијата за чистење Ѓорѓиевски ја почна вечерта по примопредавањето на функцијата од досегашната градоначалничка, и како што самиот изјави, акцијата би требало да заврши вечерва.
Согласно неговото ветување за темелно чистење на Скопје во првите 72 часа од преземањето на мандатот, деновиве со механизација и рачно се чистат коритото и косините на Вардар, се отстранува кабаст отпад и пластични шишиња и се расчистува земјен материјал насобран во централниот дел на кејот, а се празнат и контејнерите од ѓубре.
„Супорт Кочани“ собра 11 милиони денари од донации за настраданите од „Пулс“, државата им наплати 1 милион денари данок
Околу 11 милиони денари се распоредени од заедничката сметка за донации од граѓанската иницијатива „Супорт Кочани“. Од граѓанската иницијатива велат...
Родителите на починатите во „Пулс“ со порака до судиите: Не дозволувајте болката и гневот да станат уште поголеми
Во Кочани денеска родителите на жртвите од пожарот во дискотоеката „Пулс“ одржаа нов „Марш за ангелите“, упатувајќи порака до правосудните...
Грабнале жена, ја тепале, па откако се онесвестила, ја силувале во напуштен објект во Струга
Две лица од дебарско се осомничени дека на 6 ноември околу 19 часот грабнале 30-годишна жена која потоа едниот од...
Остатоци од човечко тело најдени во кавадаречко Сопот
Во ОВР – Кавадарци било пријавено дека во атар на кавадаречкото село Сопот биле пронајдени остатоци од човечко тело, информираа...
Полицијата ги најде децата кои тепаа малолетник во Струмица и го снимаа за на Тик Ток
Случајот во кој четворица малолетници насилно се однесувале кон малолетник во Струмица, а потоа настанот го објавиле на социјалната мрежа...
Таен ринг за борби со кучиња разоткриен во битолско, заработувале од мачење животни
Грчки државјанин сопственик на куче, пит бул, косовски државјанин сопственик на куче од расата американски стафорд, како и двајца македонски...
(Фото) Русите пак ја нападнаа Украина, има загинати
Украина пријави нов руски напад врз нејзината енергетска инфраструктура во текот на ноќта, во кој едно лице загина, а неколку...
Руската воздушна одбрана соборила 79 украински дронови
Руската воздушна одбрана соборила 79 украински дронови во текот на ноќта, соопшти руското Министерство за одбрана. – Во текот на...
САД ги укинаа санкциите против сирискиот претседател
САД денес ги укинаа санкциите врз сирискиот претседател Ахмед ал-Шариа, само неколку дена пред неговата средба со американскиот претседател Доналд...
(Видео) Околу 50 маскирани лица дојдоа пред Српскиот културен центар во Загреб
Педесетина маскирани мажи, претежно млади луѓе, пристигнаа пред Српскиот културен центар во Загреб, каде што се одржува изложба. Таму беа...
Министрите на Трамп: Обновливите извори на енергија се бескорисни, ЕУ треба да купува наша нафта
Глобалните инвестиции во обновлива енергија се покажаа како залудни и светот треба да се фокусира на сигурно снабдување со фосилни...
Германски министер: Дроновите во Белгија се порака да не се допираат замрзнатите руски средства
Германскиот министер за одбрана Борис Писториус денес посочи врска помеѓу неодамнешните инциденти со беспилотни летала во Белгија и дебатата за...
Кривична против полициски службеник од СВР Тетово: Ја заменил урината за да спаси син на колега кој бил уапсен за дрога
Одделот за внатрешна контрола, криминалистички истраги и професионални стандарди при Министерството за внатрешни работи до Основното јавно обвинителство за гонење...
За подарок од 50.000 евра, директорот на Платежната агенција му доделил на апликант финансиска помош од ИПАРД-програмата
Полицијата уапси пет лица, меѓу кои и директорот на Агенцијата за финансиска поддршка во земјоделството и рурален развој во најновиот коруптивен...
Скопјанец репетирал пиштол во угостителски објект во Центар, кај него била пронајдена дрога
Скопјанец извадил пиштол и го репетирал во угостителски објект во Центар, а полицијата кај него пронајде и дрога. Според информациите...
За најмногу шест месеци, од Зелениково до Центар за 25 минути ќе се патува со градскиот воз, сосе застанувања
Од Зелениково до централната железничка станица во Скопје со градскиот воз ќе се патува за 25 минути. Возот, кој ќе...
Ѓорѓиевски за акцијата за чистење: Ова што вчера го почнавме не е маркетинг
Ова што вчера го почнавме не е маркетинг, туку да покажеме дека кога се сака – сè се може, вели...
Турчин фатен со злато вредно половина милион денари на аеродром, Македонец од Лондон шверцувал уреди „епл“
Царински службеници и мобилни царински тимови запленија 92 грама златни плочки и монети, „Епл“ уреди, 37.500 евра, цигари, парфеми и...
Откриен еден од убијците во Чашка, по вториот се трага – жртвата намамена, застрелана во главата и оставена покрај патот
Велешкото Обвинителство донесе Наредба за истражна постапка против едно лице за кое постои основано сомнение дека бил соизвршител за убиство....
(Видео) Заплови „Фуџијан“, најновиот и најмоќен кинески носач на авиони
Најновиот кинески носач на авиони „Фуџијан“ официјално е пуштен во служба, што претставува значаен чекор во напорите на Пекинг да...
