Македонија
Штипскиот градоначалник е против карантин, смета дека затворањето на текстилните фабрики ќе даде резултати
![](https://makfax.com.mk/wp-content/uploads/2020/06/bocvarski.jpg)
Како прв човек на градот и претседател на општинскиoт кризен штаб, јас сум против во Штип да се воведе карантин, вели градоначалникот Благој Бочварски.
Тој соопшти дека на денешниот состанок на кризниот штаб препорачал Градот да остане на мерката за затворање на петте текстилни фабрики и речиси 500 работници да бидат во домашна изолација, па тогаш да се носат нови одлуки.
Градоначалникот појасни дека од утре почнува пошироко тестирање на Ковид-19 на вработените од овие пет конфекции, кои задолжително ќе останат во самоизолација.
Бочварски повика на одговорност и дисциплина од граѓаните за, како што рече, да не се доведе градот во состојба што ќе води кон затворање и враќање на полицискиот час.
„Новозаразените се резултат на контактите што ги оствариле со заболените, но и при транспортот со автобускиот превоз што го користеле да стигнат на работа. Затоа, ја поддржувам одлуката за затворање на текстилните фабрики, која важи до 7 јуни, и да почекаме да видиме дали мерката ќе даде резултати. На денешниот состанок на општинскиот кризен штаб стана збор и за евентуално воведување карантин во градот, но јас реков дека сум против рестриктивни мерки и враќање на полицискиот час затоа што така ќе застане работата на транспортните и на другите компании воопшто. Сакам да додадам дека се врши секојдневна дезинфекција на градот, а сите општински институции во Штип се на располагање во борбата против коронавирусот. Ги повикувам граѓаните да бидат дисциплинирани за да се избориме со овој нов бран“, изјави Бочварски.
Според информациите од Центарот за јавно здравје Штип, од 27 нови случаи, 25 се текстилни работници, од кои 23 се од една фабрика, а другите двајца се од две други фабрики. Од вкупно 89 регистрирани новозаразени во земјата во последните 24 часа, најголем број од нив се од Скопје (35) и Штип (27).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
(Видео) Полициските хеликоптери исфрлија над 120 тони вода врз пожарите кај селото Тажево и „Јасен“
![](https://makfax.com.mk/wp-content/uploads/2024/07/Screenshot-2024-07-26-203439.jpg)
Денеска Одделот за воздухопловни единици при МВР учествуваше со два хеликоптери во гасење на пожарот во реонот на Јасен.
Во 62 налети исфрлени се преку 120 тони вода со што успеа да се локализираат новите реактивирани краци на пожарот и да се спречи прошорување на пожарот кон селото Брезница , селото Тажево и националниот парк Јасен.
Македонија
Пронајдено детето од Скопје кое беше пријавено дека се оддалечило од домот
![](https://makfax.com.mk/wp-content/uploads/2023/02/policija-5.jpg)
Вечерва околу 19.20 часот полициски службеници од СВР Скопје го пронајдоа осумгодишното дете за кое денеска околу 18.40 часот неговата мајка С.Н. во ПС Карпош пријави дека околу 17 часот се оддалечило од домот.
Веднаш по добиената пријава, полициски службеници од СВР Скопје ги презеле сите неопходни мерки и активности и детето било пронајдено во добра здравствена состојба и ќе биде предадено на родителот, соопшти МВР.
Македонија
На Табановце за влез во државата се чека околу еден час
![](https://makfax.com.mk/wp-content/uploads/2022/07/tabanovce.jpg)
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен. На ГП Табановце за влез во државата се чека е околу 1 час. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани –Делчево.
Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури.
Термините се следни:
– петок од 17:00 – 22:00 часот,
– сабота од 09:00 до 18:00 часот и
– недела од 09:00 до 22:00 часот.
На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали:
– петок од 15:00 – 22:00 часот,
– сабота од 07:00 до 12:00 и од 18:00 до 24:00 часот и
– недела од 07:00 до 22:00 часот.