Македонија
Адвокатот на детето кое го уби Македонецот: Три часа го напивал со алкохол, со три литри пиво – убиството е во самоодбрана
Окружниот суд во Бургас му одреди притвор на 14-годишниот Мишо Асенов, обвинет за убиство на 50-годишниот маж од Македонија.
Обвинителот од Бугарија во случајот посочи дека момчето со умисла го сторило делото. Според неговиот адвокат вели дека се работело за самоодбрана.
На денешното рочиште државното обвинителство изнесе пријава од полицијата, од која јасно се гледа дека против момчето се води истрага и за друго кривично дело.
„Станува збор за лице веќе познато на медиумите, кое на 5 февруари годинава било спречено да изврши кражба на Сончев Брег од украински државјанин и го нападнал со цевка. Се води предистражна постапка и вештачење. Наредени се прегледи, вклучително и судско-медицински, колку што разбрав, на украинскиот државјанин. Ова не му е прв обид да нападне некого на ваков начин“, објасни обвинителот, пренесе БНР.бг.
Постојат докази дека убиството било намерно.
„Во моментот кога ја удрил жртвата и на распитот рекол дека веднаш заминал без да знае дека лицето починало, го покрил со остатоци од душеци и неколку даски“, додаде обвинителот.
На рочиштето тој посочи дека има докази оти исчезнатите пари на Македонецот биле искористени за враќање во трговски центар во Сончев Брег. Тоа го поткрепува и сведочењето на мајката на момчето. На распитот таа објаснила дека во чантата на момчето пронашла 1.400 лева. Нејзиниот син и рекол дека ги добил од пијан турист во некој ресторан.
Неговиот адвокат – Радостин Пенев побара полесна мерка. Тој објаснил дека момчето соработувало со полицијата, а убиството било извршено во самоодбрана.
„Замислете 14-годишно дете кое било цел на 50-годишен маж кој 3 часа го полевал со алкохол и 3 литри пиво. Потоа го однел во шума и му понудил 50 лева да му плати и се обидел да го силува. 50-годишниот маж го удрил мојот клиент во глава кога се свртел и се обидел да побегне“, изјави бранителот.
Адвокатот додаде дека нема докази оти момчето се обидело да го сокрие телото, а тоа можело да го направи и некој друг. Телото е откриено неколку дена подоцна, а во околината има наркозависници, додаде бранителот.
Пред судот Мишо Асенов рече дека му е жал.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Започна вториот круг од претседателските и парламентарните избори
Во Македонија утрово започна вториот круг од претседателските и парламентарните избори.
Избирачките места, од кои вкупно 3.480, беа отворени во седум часот, а ќе бидат затворени во 19 часот.
Во вториот круг од претседателските избори граѓаните ќе одлучуваат меѓу Гордана Силјановска Давкова и актуелниот претседател Стeвo Пандеровски.
На парламентарните избори, граѓаните ќе можат да избираат помеѓу 17-те изборни листи, меѓу кои коалицијата „За европска иднина“ предводена од СДСМ, коалицијата „Твоја Македонија“ предводена од ВМРО-ДПМНЕ, коалицијата „Храбро за Македонија“ предводена од ГРОМ, партијата Левица, коалицијата „Европски Фронт“ предводена од ДУИ, коалицијата „Вреди“, движењето ЗНАМ, партиите Родина, Македонска Ера Трета, Демократи, Единствена Македонија, Нова Алтернатива, Аваја, Твоја, Десна, Работничката партија, како и за групата избирачи Џула Челику.
Македонија
Автобусите по неделен возен ред, жичницата нема да работи
ЈСП Скопје извести дека автобусите ќе сообраќаат по неделен возен ред, а жичницата на Водно нема воопшто да работи.
Со оглед на тоа што денот кога се одржуваат парламентарните и вториот круг од претседателските избори е прогласен за неработен за сите граѓани, и автобусите од градскиот јавез превоз ќе сообраќаат по скратен, односно неделен возен ред.
Воедно, жичницата од Средно Водно во врвот Крстовар нема да работи.
Дежурни билетарници од 7 до 14 часот ќе бидат само две, на Транспортен Центар и Ѓорче Петров.
Македонија
Променливо облачно, попладне пороен дожд, грмежи и засилен ветер
Времето денеска ќе биде променливо облачно, попладне и во вечерните часови на повеќе места ќе биде нестабилно со пороен дожд и грмежи. Локално процесите ќе бидат поинтензивни во форма на невреме со обилен пороен дожд за кратко време, силни електрични празнења, засилен ветер и појава на град. Минималната температура ќе биде во интервал од 6 до 12, а максималната ќе достигне од 20 до 26 степени.
Во Скопје променливо облачно. Попладне и во вечерните часови ќе биде нестабилно со пороен дожд, грмежи и засилен ветер. Во делови од котлината ќе има услови за појава на краткотрајно невреме. Минималната температура ќе се спушти до 11, а максималната ќе достигне до 25 степени.
До петок ќе се задржи променливо облачно време, на повеќе места нестабилно со пороен дожд и грмежи. Локално процесите ќе бидат поинтензивни во форма на невреме со пообилен дожд за кратко време, силни електрични празнења, засилен ветер и појава на град. Дневната температура од четврток ќе биде во опаѓање. Во деновите од викендот условите за нестабилност ќе се намалат.