Македонија
Апасиев до директорот на ААВМУ: Дали приметувате дека медиумите ја дискриминираат Левица и нема никаков плурализам?
Лидерот на Левица, пратеникот Димитар Апасиев, на денешните пратенички прашања постави прашање и до директорот на ААВМУ, Зоран Трајчевски, во однос на дискриминацијата и дискредитацијата на Левица во медиумскиот простор и не преземањето на никаков чекор за обезбедување на плурализмот:
„ААВМУ е регулаторно тело кое стручно врши надзор над примената на Законот за медиуми и Законот за аудио-визуелни медиумски услуги. Вие, почитуван, се ставате во улога на регулатор на Собранието, а не на медиумите. Давате соопштенија, извештаи дека Димитар Апасиев со неговиот “вулгарен, недоличен” говор, етикетира, дискредитира медиуми итн. Почитуван, ние во Собранието си имаме наш Етички кодекс и Вие не сте надлежни да оценувате како се однесуваат пратениците, туку сте надлежен да оценувате како медиумите се однесуваат“ – посочи Апасиев.
„Согласно Законот, Вие како ААВМУ сте должни да се грижите да се постигнат целите и начелата: да ја поттикнува слободата, грижа за заштита и развој на плурализмот и презема мерки кога е извршена повреда на овој Закон од страна на медиумите, а не од пратениците. Располагате до три вида надзори меѓу кој и посебен за заштита на плурализмот. Има одредби и глоби доколку не се придржува медиумот кон: хумани и морални вредности, заштита на достоинството, еднаквост во слободите и правата, отвореност на програмите за плурализам, непристрасно информирање, гарантирање на право на одговор и исправка…
Оттука, прашањето ми е: Дали Вие не приметувате дека една парламентарна партија со пратеничка група, Левица, од изборите до сега, не е повикана во НИТУ ЕДЕН национален медиум којшто Вие го контролирате, иако по Закон се должни да дадат плурализам на мислења?!“ – објасни и праша лидерот на Левица.
„И имате апсурдни ситуации: Се зборува за Интерпелацијата на Левица, ама таму зборуваат ЗНАМ, ДПМНЕ и СДС, а не Левица. Ме боли уво ако го мразат Апасиев, Вие имате законска обврска да се грижите за тој плурализам во медиумите.” – заклучи тој во прашањето упатено до Директорот Трајчевски.
По одговорот на Директорот на ААВМУ, Димитар Апасиев реплицираше дека медиумите не се придржуваат до Законот и начелата, а ААВМУ не презема никакви мерки за обезбедување на плурализмот и ја одржуваат биполарноста, истакнувајќи:
„Оваа држава не дала пет концесии за да се руга една партија, туку за медиумите да се однесуваат согласно Закон“.
На крај, Апасиев му порача на Директорот да не му држи предавања за однесување, туку да се грижи за почитување на неговите должности и надлежности, односно, спроведување на Законите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Утре сончево време со температура до 21 степен
Времето утре наутро ќе биде постудено со услови за појава на магла по одделни котлини и речни долини. Преку денот времето ќе биде сончево со мала до умерена локална облачност. Ќе дува слаб ветер од јужен правец, информира УХМР.
Минималната температура ќе биде во интервал од -3 до 4, а максималната ќе достигне од 16 до 21 степен.
Во Скопје, утрото постудено, во делови од котлината магливо. Преку денот времето ќе биде сончево со мала до умерена облачност. Ќе дува слаб југоисточен ветер. Минималната температура ќе се спушти до 2, а максималната ќе достигне до 18 степени.
Под влијание на висок воздушен притисок следува период на стабилно и суво време со постудени утра, а дневната температура ќе биде во пораст, особено во деновите од викендот. Претпладне по одделни котлини и речни долини ќе има услови за појава на магла
Македонија
Божиновска и Јоксимовиќ: Забрзана изградба на гасниот интерконектор Македонија–Србија, се редефинира енергетската карта на регионот
Во рамки на 14. Меѓународен форум за енергија и одржлив развој (IFESD-14), што се одржува во Скопје, министерката за енергетика, рударство и минерални суровини, Сања Божиновска, оствари работна средба со Јована Јоксимовиќ, помошничка министерка за рударство и енергетика на Република Србија, задолжена за меѓународна соработка и европска интеграција.
Во фокусот на разговорите беше изградбата на гасниот интерконектор меѓу Македонија и Србија, проект од стратешко значење за енергетската безбедност и диверзификација на снабдувањето со гас во регионот.
Двете соговорнички се согласија дека проектот треба да се реализира во забрзана динамика, со цел да се овозможи поврзување на гасните системи на двете земји и пристап до нови извори на гас.
На маргините на форумот dополнително, во Министерството за енергетика на Македонија се одржа работен состанок на кој се дискутираше координацијата на институциите и операторите во двете земји за реализација на проектот. Ба разгледани процедурите и техничките чекори за понатамошно убрзување на активностите.
„Гасниот интерконектор со Србија е еден од најважните регионални инфраструктурни проекти што ќе овозможи вистинска енергетска стабилност и сигурност. Овој проект не е важен само за Македонија и Србија – тој е значаен и за цела Европа. Со оваа нова енергетска врска, двете земји добиваат пристап до алтернативни извори и рути, а Европа добива посилен и подобро поврзан Балкан. Ова е чекор што ја позиционира нашата земја како активен и одговорен партнер во новата енергетска карта на Европа. Нашата заедничка цел е овој проект да се реализира во најкраток можен рок – затоа што секој ден е важен за нашата енергетска иднина. Со заеднички напори ќе го реализираме овој проект, во тесна координација и постојана комуникација со нашите партнери од Србија “ изјави Божиновска.
„Гасниот интерконектор со Македонија е проект кој има значење подалеку од нашите граници. Тој е дел од визијата за регион кој е енергетски поврзан, сигурен и усогласен со европските цели. Србија и Македонија заедно покажуваат дека со партнерство и заедничка стратегија можеме да обезбедиме стабилна и предвидлива енергетска иднина. Соработката меѓу нашите две земји во областа на енергетиката е пример како регионалното партнерство може да донесе конкретни резултати. Соработката со колешката Божиновска и со македонскиот тим е интензивна и исклучително конструктивна. Уверена сум дека со заедничка координација и поддршка на нашите оператори ‘Србијагас’ и ‘Номагас’, ќе создадеме нова енергетска оска на стабилност меѓу двете земји. Имаме јасна динамика, завршени студии и поддршка од европските институции. Следниот чекор е координирана акција за изградба. Заеднички ќе работиме на тоа интерконекторот да стане реалност во најскоро време,“ истакна Јована Јоксимовиќ, помошничка министерка за меѓународна соработка и европска интеграција во Министерството за рударство и енергетика на Србија.
Македонија
Утре без вода делови од Карпош
Од ЈП Водовод и Канализација известуваат дека утре ( Четврток )поради изведување на водоводен приклучок ф-100мм на ул. Софиска 7, прекинато водоснабдување ќе имаат корисниците од следниве улици: Софиска, Бриселска, Петар Драганов, Његошева, Копенхагенска и Стокхолмска.
Водоснабдувањето ќе биде прекинато од 09:00 часот до завршување со работните активности. (општина Карпош).

