Македонија
Арсовска: Немам ниту моќ ниту средства да нарачувам билборди
![](https://makfax.com.mk/wp-content/uploads/2022/09/304948324_5363190943749157_439177051659048595_n.jpg)
Градоначалничката не сакаше да одговори зошто требаше да се скара со ВМРО-ДПМНЕ, па да се види дека директорите што се разрешени не си ја извршувале функцијата.
„Довербата дадена од граѓаните е да се чува буџетот. Таа доверба не смее да се изневери. И овие директори, кои се именувани, нема да бидат запштитени ако прават нешто спротивно на довербата на граѓаните“, додаде Арсовска.
„Немам коментари никакви, не ме интересира политика“. Ова беше одговорот на Данела Арсовска, градоначалничка на Скопје, на новинарско прашање како ѝ се допаѓаат билбордите со ликот на Христијан Мицкоски, лидерот на ВМРО-ДПМНЕ, со кого влезе во војна.
„Немам ниту таква моќ, ниту такви средства, ниту правам такви нарачки ниту имам зошто. Вие самите знаете кои се луѓето што имаат моќ да прават такви работи во градот и државата, а во ниту еден случај тоа не сум јас“, рече Арсовска.
За обвинувањата од ВМРО-ДПМНЕ за тајни средби на Арсовска со луѓе од СДСМ, како и дека е нивни играч, таа вели: „Верувам дека на судот на граѓаните е да процени кој е во право во овој случај. Јас сум сама и немам проблем да застанам против сите кога се работи за јавен интерес и кога се работи за заштита на она што го гледаме изминатиот период“.
Прашана дали таа е играч на Никола Груевски, експремиерот кој е бегалец во Будимпешта, Арсовска одговори: „Немам контакт со никого и ниту еден политички лидер, поранешен, сегашен, надвор од професионалното, она што го извршувам од аспект на градоначалник на град Скопје“.
„Немам мислење“, одговори Арсовска на прашањето кое е нејзиното мислење за Груевски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
СДСМ: ВМРО-ДПМНЕ го враќа градоначалникот Коце Трајановски кој го спроведе најголемиот градежен криминал во историјата на земјата
![](https://makfax.com.mk/wp-content/uploads/2024/03/sdsm4.jpg)
По неколку владини одлуки и шака нови функционери ВМРО-ДПМНЕ го фаќа правецот назад, кон 2016 година, велат од СДСМ.
„Јавното претпријатие за државни патишта со буџет од над 600 милиони евра ВМРО-ДПМНЕ му го довери на Коце Трајановски. ВМРО-ДПМНЕ го враќа градоначалникот кој го спроведе најголемиот градежен криминал во историјата на земјата, проектот Скопје 2014, му се даваат 600 милиони евра во рацете и моќ да раководи со најголемите инфраструктурни и градежни проекти. Во исто време, Коце Трајановски е косопственик и управител на фирмата Косистеми ДОО чија дејност опфаќа и градежништво. Ова е најава за огромна корупција која се подготвува во ова претпријатие“, дополнуваат од СДСМ.
Според партијата, ова не е промена туку правец назад.
„ Граѓаните не гласаа за враќање назад туку за промена која воопшто не се случува и тешко дека ќе се случи“, завршуваат од СДСМ.
Скопје
Без вода дел од Карпош
![](https://makfax.com.mk/wp-content/uploads/2022/10/slavina-cesma-voda-2.jpg)
Од ЈП Водовод и канализација известуваат дека на ул.Ловќенска 33 поради санирање на прикључна цевка од 5/4” водоснабдувањето ке биде прекинато од 08часот се до санирање на истиот , поради што без вода ќе останат корисниците од ул.Ловќенска.(општина Карпош)
Македонија
Променливо облачно време со сончеви периоди, максимална темепратура до 30 степени
![](https://makfax.com.mk/wp-content/uploads/2017/05/oblak-redok.jpg)
Променливо облачно и посвежо во западните и крајните источни делови со локален пороен дожд и ретки грмежи. Ќе дува слаб до умерен, а долж Повардарието повремено засилен ветер од северен правец. Минималната температура ќе биде во интервал од 10 до 17, а максималната ќе достигне од 24 до 31 степен. UV=7
Во Скопје променливо облачно со сончеви периоди. Ќе дува умерен северен ветер. Минималната температура ќе се спушти до 16, а максималната ќе достигне до 30 степени.
Од петок следува период на сончево време со мала до умерена локална облачност. Дневната температура ќе биде во пораст, а особено топло ќе биде во недела и во првите денови од следната седмица.