Контакт

Македонија

Арсовска: Не е наша одговорност што ЈСП нема пари за плати

Објавено пред

Градоначалничката Данела Арсовска најави протест на протестот што го најавија возачите во ЈСП кои немаат земено плата. Додека вработените во претпријатието ќе протестираат против градската власт, каде што е Арсовска, затоа што немаат добиено средства за нивната работа, Арсовска најави дека автобусите ќе ги стави пред сите институции во Скопје да стојат и да го блокираат сообраќајот сè додека државата не го плати долгот што го има кон ЈСП. Според Арсовска, државата треба да го исплати долгот, пред сè, од човечки аспект. Пред новинарите изјави дека нема начин како присилно да наплати долг.

dobivaj vesti na viber

„Проблемот е во сите оние во оваа држава што не си ги почитуваат обврските. Да, јавниот автобуски превоз ќе биде бесплатен како што беше најавено во програмата ‘За модерно Скопје’, тоа опфаќа целосно бесплатен јавен превоз во првите две години од почнувањето на мандатот, што значи во втората половина на следната година, бесплатен јавен превоз ќе има. Меѓутоа, со опструирање на сите институции во државата, кои 30 години ја изедоа оваа држава, ние не можеме да градиме поквалитетен град, ниту поквалитетна држава. Секој треба да си ја сноси својата одговорност, но и обврска. Тоа значи дека ако некој должи над 2 милиона евра, не треба да прашува како ќе има бесплатен јавен превоз, туку треба да ги плати своите обврски. Тоа се однесува за централната, но и на единиците на локалната власт, кои не си ги намируваат своите обврски. Наша задача е да им го дадеме за граѓаните на град Скопје сето она што сме го ветиле, меѓутоа има многу фактори и сите ќе ја сносат својата одговорност доколку го саботираат процесот“, рече Арсовска.

Долгот на Министерството за образование кон ЈСП се 120 милиони денари, сума што е мала во однос на долговите што ги има претпријатието. За плати се потребни само 60 милиони денари, што би значело дека и да се плати долгот од МОН, ќе има само за две плати. Градоначалничката Арсовска немаше конкретен одговор.

„Во овој момент раководството на ЈСП го има најдобриот начин на менаџмент што можел некогаш да се добие. Вистинските прашања никогаш не се поставуваат, секогаш се сака да се манипулира со јавноста и да се праша како нешто ќе се направи, а не се прашува како дошло до оваа состојба. Ние сме ги гледале и следеле состојбите, меѓутоа во овој буџет и оваа буџетска година тие средства биле планирани и предвидени да се покријат четири плати колку што има до крајот на годината. Треба тие средства фино и убаво да им се каже на институциите и да отидете од тука да се префрлите пред Владата и сите што ги имаат овие долгувања и да ги прашате зошто во своите ребаланси тоа што им е испорачано како услуга, за да се сервираат обврските на ова претпријатие, ги имаат избришано. Тоа значи дека нема намера да ги плаќаат? Кој сакаат да ги плаќа? Дали има граѓанин во државава што, доколку не ги плати обврските, нема да биде даден на извршител и да ги плати?“, праша Арсовска

Арсовска вели дека не може да биде заложник на должниците на ЈСП. Таа смета дека зависи од тие средства што ѝ се должат. Посочи и дека има криза со енергенти во Град Скопје.

„Платите ќе ги исплатиме кога институциите ќе ги исплатат долговите. Ние ќе останеме пред Владата и ќе ги блокираме институциите додека не го исплатат она што го должат“, додаде Арсовска.

Со паркирање на автобусите пред Владата и институциите, кои смета дека ја саботираат неа и нејзините директори во претпријатијата, смета дека ќе изврши притисок ЈСП да добие пари, со кои подоцна ќе ги исплати платите кон вработените. И градоначалничката признава дека на скопските улици изминатиот период не сообраќаат истите линии во предвидените термини за да превезуваат патници.

„Одговорноста треба да се бара кај тој што целиот процес го саботира. Јавниот интерес треба да биде пред сè. Треба да се обезбеди најдобрата услуга за граѓаните“, рече Арсовска.

Според неа, има превработеност во администрацијата на ЈСП. Таа вели дека обврската што треба да ја сработи еден човек во моментот ја работеле тројца лица.

„Никој не се запрашал која е потребата од тие. Зошто се трошеле по 60 милиони на плати“, рече Арсовска.

Македонија

Утре ќе се одржат внатрепартиските избори за Претседател на СДСМ

Објавено пред

Утре ќе се одржат директните внатрепартиски избори за Претседател на СДСМ кои беа одложени поради трагедијата во Кочани.

dobivaj vesti na viber

„Социјалдемократскиот сојуз на Македонија е единствена партија којашто Претседателот го избира на непосредни, внатрепартиски избори.

Изборите ќе се спроведат во општинските организации на СДСМ ширум републиката, на 78 избирачки места, кои на денот на гласањето ќе бидат отворени од 08 до 20 часот.

Централната изборна комисија го потврди и го затвори Избирачкиот список, на кој активно регистрирани се 23.712 членови, обезбеден е избирачки материјал, паравани за тајност на гласањето, избирачки кутии, ознаки и се што е потребно за изборниот ден.

Сите активно регистрирани членови на СДСМ ќе можат да го остварат своето право на непосредно и тајно гласање за избор на Претседател во својата општина на соодветно гласачко место.

Членовите што гласаат, со себе задолжително треба да ја има електронската членска картичка на СДСМ и важечки личен документ за идентификација (лична карта или пасош).

Гласањето на болни и немоќни е овозможено, еден ден порано, односно во сабота на 05.04.2025 година.

Сите детални информации, одлуки, правилници, роковници и останати документи поврзани со внатрепартиските избори за претседател на СДСМ се достапни на веб страната на СДСМ или директно на следниот линк:

Директни внатрепартиски избори за Претседател на СДСМ​

Надлежна за спроведување на гласањето е Централна изборна комисија.

Информација за резултатот ќе го соопштиме во недела по завршување на процесот на гласањето“, стои во соопштението на СДСМ.

Прикажи повеќе...

Македонија

Министерство за здравство: 69 пациенти се на лекување во странство и нема промена во нивната состојба

Објавено пред

Министерството за здравство информира дека во моментов 69 пациенти се на лекување во странство и нема промена во нивната состојба, во споредба со претходните денови.

dobivaj vesti na viber

Непроменета е и состојбата на пациентите во критична состојба.

Во установите во Скопје се лекуваат 15 пациенти и тоа:
– Во Хируршка клиника „Св Наум Охридски“ – 6,
– На Клиника за пластична хирургија – 4 пациенти пристигнати синоќа од странство,
– На Клиника за токсикологија има двајца пациенти (еден од претходно кој е префрлен од Хируршка клиника ,,Св. Наум Охридски” и еден кој ноќеска е дојден од Шпанија) и еден пациент е хоспитализиран на Клиника за пулмологија.
– Во Систина се лекуваат двајца пациенти.

Сите пациенти кои се третираат во нашите установи се во стабилна состојба, известија од Министерството за здравство.

Прикажи повеќе...

Македонија

(Видео) Спасовски: Градоначалникот на Крива Паланка лажеше дека има цијанид 100-тици пати над дозволеното

Објавено пред

Градоначалникот на Крива Паланка лажеше дека во водата во Крива Паланка има цијанид 100-тици пати над дозволеното, за да шири паника и манипулира пред избори, кажа денеска на прес-конференција Емил Спасовски, пратеник на ВМРО-ДПМНЕ.

dobivaj vesti na viber

„Сашко Митовски свесно ги лажеше граѓаните и на Крива Паланка и на целата држава дека загадувањето на водата во Крива Паланка со цијанид е 100-тици пати над дозволеното. Анализите кои ги објави Државниот инспекторат за животна средина го покажуваат спротивното и го демаскираат трулиот обид на Митовски да манипулира. Мизерно е како Митовски не се колебаше да манипулира со најчувстителната тема за граѓаните – безбедноста на водите и почвата, само за да шири паника и ќари некој ситен политички поен пред избори“, рече Спасовски.

Пратеникот го повика Јавното обвинителство да поднесе кривична пријава против Митовски, за ширење паника.

„Дејствијата на Митовски се дотолку поголеми што тој е носител на јавна функција, која во дел од јавноста може да создаде краткотраен привид дека тој ја говори вистината, и со тоа да предизвика огромен страв. ЈО треба да ги земе во предвид овие околности, но и стварниот ефект предизвикан од паниката која ја рашири Сашко Митовски и да поднесе кривична пријава против него“, истакна Спасовски.

Прикажи повеќе...

Најново

Македонија2 часа

Министерство за здравство: 69 пациенти се на лекување во странство и нема промена во нивната состојба

Министерството за здравство информира дека во моментов 69 пациенти се на лекување во странство и нема промена во нивната состојба,...

Македонија3 часа

(Видео) Спасовски: Градоначалникот на Крива Паланка лажеше дека има цијанид 100-тици пати над дозволеното

Градоначалникот на Крива Паланка лажеше дека во водата во Крива Паланка има цијанид 100-тици пати над дозволеното, за да шири...

Македонија3 часа

(Видео) Кузеска: Со Тошковски на чело, МВР е во хаос – бодигарди аздисуваат на улиците како на див запад

Со Панче Тошковски на чело на МВР хаос се случува по македонските улици, безбедноста е загрозена, нема никаков ред и...

Македонија4 часа

(Видео) Манасиевски: Левица и Апасиев во директен договор со Извршител и банка купиле конфискуван имот за 3 пати пониска цена

Левица и Апасиев во директен договор со Извршител и банка купиле конфискуван имот за 3 пати пониска цена, кажа денеска...

Македонија5 часа

Словенија ја поддржува реформата на јавната администрација во Македонија

Министерот за јавна администрација на Република Словенија, Франк Пропс, во рамки на својата официјална посета на Скопје, одржа интензивни работни...

Македонија8 часа

Семејствата на починатите во кочанската дискотека денеска излегуваат на протест

Семејствата на починатите во кочанската дискотека организираат „Марш за ангелите“. Протестот ќе се одржи денеска во 12:05 часот. Маршот ќе...

Свет8 часа

САД почнаа да ги наплаќаат новите царини на Трамп од 10%

Американските царински службеници почнаа да ја наплаќаат едностраната царина од 10 отсто на претседателот Доналд Трамп за сите увозни производи...

Македонија9 часа

Денеска облаци и сонце, утре дожд и снег

Утре голема промена на времето. Времето денеска ќе биде променливо облачно со сончеви периоди. Локално ќе има услови за развој...

Македонија23 часа

(Видео) „Поршето“ во Дебар маало не било на полицаец туку на ексамбасадорот Срѓан Керим

Паркираното „порше“ во Дебар маало не било на полицаец, туку било во сопственост на Срѓан Керим, ексминистер за надворешни работи,...

Македонија1 ден

Се организира транспортот на телото на Александар Карадакоски – управителот на „Пулс“ кој почина во Литванија

Институциите го организираат транспортот од Литванија на телото на 29-годишниот Александар Карадакоски, кој е 60 жртва од пожарот во дискотеката „Пулс“...

Македонија1 ден

90 отсто од дишните органи на 29-годишниот Карадакоски биле изгорени од пламенот што го вдишал, утврдиле лекарите во Литванија

Директна причина за смртта на 29-годишниот Александар Карадакоски, кој утрово почина во Литванија, се изгореници на дишното стебло, извести попладнево...

Македонија1 ден

Палевски свртен со грб му постави 97 прашања на Кешишев: „Ништо од штабот не беше изнесено без знаење на Палчо“

Обвинетиот Влатко Кешишев за грабнувањата и убиствата на Вања и Панче денес одговараше и на прашањата на првообвинетот Љупчо Палевски,...

Македонија1 ден

Обвинителството ја запре постапката против починатиот управител на „Пулс“

Основното јавно обвинителство Кочани ја запира постапката против Александар Карадакоски, кој денеска почина по повредите добиени во пожарот во дискотеката...

Топ1 ден

Повредени две лица меѓу кои и дете, биле во возилото што излета во Вардар

Две лица, меѓу кои и малолетничка се повредени во несреќата со автомобилот што синоќа излета во Вардар кај тетовско. Случајот...

Македонија1 ден

Од 1 април му откажаа бубрезите, 40 отсто од телото му беше со изгореници, Таравари потврди дека во Литванија почина управителот на дискотеката „Пулс“

Министерот за здравство Арбен Таравари утрово потврди дека на повредите од пожарот во Кочани во Литванија, каде што беше на...

Македонија1 ден

Уште една жртва од пожарот во Кочани, почина управителот на дискотеката „Пулс“

По неколкунеделно лекување, почина Александар Карадакоски, управител на „ММММ кафе“ ДООЕЛ, која управувала и со дискотеката „Пулс“, во која животот...

Македонија1 ден

ДУИ: Дали новиот општествен договор е антипод на Охридскиот договор и почеток на реформатирање на уставниот модел на државата?

„Како е можно лидерска средба за таканаречен „нов општествен договор“ да се одржи меѓу првопласираната и третопласираната партија на изборите?...

Македонија1 ден

„Во буџетот обезбедивме 17 милијарди денари за зголемување на пензиите и за здравствено осигурување на пензионерите“, велат од Владата

„Грижата за пензионерите е приоритет на Владата. Пензионерите, конечно, го добија заслуженото. Линеарното зголемување на пензиите за 5.000 денари на...

Македонија1 ден

(Фото) Голем одрон на регионалниот пат Струмица – Костурино – Валандово

„Голем одрон на регионалниот пат Струмица-Костурино-Валандово“, извести градоначалникот на Струмица, Костадин Костадинов преку социјалните мрежи. Тој ги повика граѓаните да...

Свет1 ден

Венс за падот на берзата: Беше тоа само еден лош ден, ќе имаме бум

Американскиот потпретседател Џеј Ди Венс изјави за Newsmax дека вчерашниот пад на берзата, најголем од 2020 година, е само еден...