Македонија
Арсовски: Дали Љупчо Николовски штити од прогон лик од Крива Паланка кој демолирал кафеана и тероризирал граѓани?
Власта на СДСМ штити, а со тоа и дозволува локални насилници да тероризираат граѓани, обвини портпаролот на ВМРО-ДПМНЕ, Димче Арсовски.
„На ден 24 јануари лицето Иван Георгиевски од Крива Паланка, член на СДСМ и никако поинаку, воедно и пајташ на Љупчо Николовски, демолирал кафеана. За тоа постои и полициска белешка во билтенот, но од тогаш навака ниту се постапува по случајот, ниту лицето на било каков начин е санкционирано. Дали и што се постапува по овој случај? Дали Љупчо Николовски го заштитил својот пајташ и насилник? Ова лице има фотографии со Оливер Спасовски и Зоран Заев, што остава сомнеж дека власта го заштитува“, кажа Арсовски.
Според него, СДСМ, заевизмот и Љупчо Николовски очигледно немаат намера да се борат против прекршителите на законот.
„Постои основано сомнение дека тие или штитат криминал или се длабоко навлезени во незаконски дејства. Јас верувам дека и првото и второто се точни“, рече партискиот портпарол.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски – Дрекслер: Заложбите на владата на ВМРО-ДПМНЕ се евроинтеграциите, забрзан економски развој и борбата против криминалот и корупцијата
Претседателот на ВМРО-ДПМНЕ, Христијан Мицкоски, заедно со потпретседателот Тимчо Муцунски оствари средба со амбасадорката на Сојузна Република Германија, Петра Дрекслер.
На средбата претседателот Мицкоски ги презентира заложбите што ВМРО-ДПМНЕ како идна влада ќе ги има, а тоа се евроинтеграциите, забрзан економски развој и борбата против криминалот и корупцијата.
„Потребно е Македонија да се стави на брза лента кон ЕУ, но и засилено да се забрза економскиот развој и да се подобри животниот стандард на граѓаните. Борбата против криминалот и корупцијата се клучни бидејќи Владата на СДС и ДУИ ја деградира државата по сите основи, а најмногу на тоа поле. ВМРО-ДПМНЕ ќе работи за сите граѓани на државата, а не како СДС и ДУИ до сега“, рече Мицкоски.
Македонија
Шверцувале мигранти од Босна и Херцеговина во Хрватска: на цариниците им плаќале по 1.500 евра
По спроведена истрага, УСКОК поднесе обвинение пред судот во Осиек против групата, во која беа вклучени двајца царински службеници, осомничени за шверцување најмалку 47 турски мигранти во најмалку пет наврати и шверцување разновидна комерцијална стока преку граница.
Инспекторите се сомневаат дека првообвинетиот, со засега непознати лица од БиХ, се договорил и за пари организирал континуирано нелегално префрлање поголем број странски државјани од БиХ во Хрватска преку граничните премини во Гуња, Топушка и други места.
За нивниот пикап и превоз преку граница за цена од 1.500 евра од превоз организаторот на групата во договор со еден од осомничените царински службеници го ангажирал четвртопријавениот, кој ги превезувал мигрантите скриени во багажникот на возилото. Потоа ги предал на непознати лица за понатаму да ги вози до договорените дестинации во Хрватска и другите земји од Европската Унија.
Македонија
Маричиќ – Бомгартнер: Поддршката од Франција за евроинтеграцијата на државата е цврста заложба за продолжување на процесот
Првиот заменик-претседател на Владата задолжен за европски прашања, Бојан Маричиќ, се сретна со амбасадорот на Франција, Сирил Бомгартнер, и со новата француска експертка за ЕУ-интеграции, Миа Матковиќ.
„Евроинтеграцијата е основа за стабилен и социоекономски развој на државата. Почнатите процеси во преговорите со ЕУ треба да продолжат да ја исполнуваат стратешката цел за полноправно членство, имплементација на планот за раст на Европската комисија со големи придобивки за сите граѓани на државата, регионот и Европа“.
На средбата присутните се согласија дека продолжува француската поддршка за Северна Македонија на патот кон ЕУ потврдувајќи ја посветеноста на Франција за ЕУ интеграција на земјите од Западен Балкан.
Средбата имаше цел да ја претстави новата француска експертка за ЕУ-интеграции, која се приклучи на Секретаријатот за европски прашања во април.