Македонија
Архитектите и проектантот на Универзалната сала не можат да ја убедат Арсовска дека објектот е безбеден
Пред десетина медиуми, зад разрушената Универзална сала, градоначалничката Данела Арсовска се испокара со претставници на Асоцијацијата на архитекти, но и со проектантот кој го донираше проектот за нејзино реновирање.
Никој не успеа да ја убеди дека објектот е безбеден, иако архитектот кажа дека има одобрување од ИЗИС, кое го имале и во Град Скопје. Првата караница почна со претседателка на собранието на Асоцијација на архитекти, Искра Јанковска Михајловска. Таа реагираше дека Арсовска не ја остава да се искаже и ги омаловажува архитектите.
„Ве молам дозволете ми да се докажам. Реакцијата не беше наменета против вас. Кога некој ќе каже дека нешто е небезбедно треба да дадете аргументи. Како архитекти се соочуваме со измени во градба. Постојат процедури со ревизии, одговорни лица, каде тие процедури се потврдуваат. Вие сте дојдени да се карате со мене. Ве замолуваме кога ќе излезете со информации дека објект е небезбеден, да кажете која институција потпишала и кој го кажал“, рече претседателка на собранието на Асоцијација на архитекти, Искра Јанковска Михајловска.
Навреден од Арсовска која кажа дека Универзална ќе им се урне на скопјани врз глава, Мишко Ралев, претседател на Асоцијација на архитекти, исто така реагираше.
„Градењето е племенита активност која треба да ги спојува луѓето, а спојниот материјал се архитектите. Затоа секоја намера, активност на градење, треба да биде поздравена и да биде со ‘амин’ на сите. Затоа како Асоцијација ние секогаш сме биле критични кон одредени постапки. Бараме струката да не биде омаловажуванa“, рече Мишко Ралев, претседател на Асоцијација на архитекти.
Градоначалничката Арсовска реагираше по двете изјави. Таа обвини за политизација, па остана на истиот став, дека Универзална не е безбеден објект.
„Вие политизирате. Сакам да нагласам сето ова во претходниве пет минути што беше прочитано, можете и самите да го земете со резерва, бидејќи Ралев е член од Извршниот одбор на СДСМ. Иницијалната каписла за се ова беше дека е стопирана изградба на Универзалната сала, а можеа да дојдат на состанок и да се разговара. Не се направиле анализи, не се видело дека треба дополнителни столбови, не се увидело дека е небезбедно. Ова е избрзано решение, без анализи, со цел да се покаже пред избори дека се прави нешто. На лице место нема соодветни анализи“, рече Арсовска.
Архитектот Бујар Муча по чиј проект ќе се реновира Универзалната сала, кажа дека проектот е безбеден. За обвинувањата од градоначалничката дека објектот ќе им падне на скопјани врз глава, тој рече дека тоа апсолутно не е точно. Арсовска со висок тон расговараше и со Муча и му најави дека ќе одговара затоа што излажал дека барал средба со неа. Архитектот возврати дека не барал средба со неа, туку со надлежните во Градот.
„Препроектиравме, имаме и ново мислење од ИЗИС. Така што, сѐ е исправно, Град Скопје има сѐ. Имам две позитивни ревизии, два позитивни извештаја од ИЗИС и позитивен извештај од професор на Градежен факултет. Срам ми е да го правам овој муабет овде. Да ме викневте еднаш, да се распрашавте…“, рече архитектот Муча, а Арсовска врати: „Вие бевте викнати. Нападите што почнаа дека стои изградбата на Универзална сала не се точни. Таа работи, според ревизиите. Ми пречи тоа што немало соодветна анализа дека работи што се планирани не можат да се постават. Ако се направела анализа на терен, ние немаше да имаме проблеми“.
„Вие рековте ќе падне објектот. Не знаете каква штета направивте. Јас ранам деца, други лица ранат деца од оваа фирма, наштетивте“, рече Муча, па прашан дали ќе падне Универзална на глава на скопјани, одговори: „Вие мислите дека ќе падне? Не, се разбира“, а Арсовска го повика тоа да го потпише за да сносни евентуална одговорност.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Хаос на улиците и нарушена безбедност, уште колку луѓе треба да загинат за Тошковски да понесе одговорност“, прашува СДСМ
„Последната криминална престрелка на Бит Пазар со смртни последици е уште еден доказ за сериозното нарушување на јавната безбедност и нефункционирањето на институциите под раководство на министерот за внатрешни работи, Панче Тошковски“, велат од СДСМ.
„Граѓаните на Скопје и цела Македонија се чувствуваат небезбедно на улиците, додека криминалот и насилството се шират на секој чекор.
Наместо ефикасна превенција и реакција, сведоци сме на институционален хаос и нефункционалност на Министерството за внатрешни работи.
Оваа неспособност загрозува човечки животи.
Уште колку луѓе треба да загинат по улиците за Тошковски да понесе одговорност?
Министерот Тошковски мора веднаш да преземе одговорност за загрозената безбедност.
СДСМ бара итна и транспарентна истрага за престрелката, целосно расветлување на настанот и изведување на виновниците пред лицето на правдата.
Дополнително, потребна е промена на безбедносниот систем и засилени мерки за зајакнување на јавната безбедност, особено во чувствителни области.
Граѓаните не заслужуваат да живеат во страв, граѓаните заслужуваат мирен и безбеден живот, а институциите мора да обезбедат сигурност“, соопшти СДСМ.
Македонија
Единствената работа што беше организирана во владеењето на СДС и ДУИ беше криминалот, реагира ВМРО-ДПМНЕ
„А ако станува збор за организираност и наведувањата дека оваа Влада е неорганизирана, би констатирале само дека единствената работа во која што владата на СДС и ДУИ беше организирана беше криминалот, организираниот криминал, затоа и впрочем нема да се чепне или да се направи ревизија на работењето, а да не излезе од тоа некаква форма на организиран криминал правен од претходната влада во таа институција“, реагира ВМРО-ДПМНЕ на изјавата на Венко Филипче.
„Оттука, и логично е што на СДС ние им делуваме неорганизирано затоа што нивниот впечаток и критериум за организираност е исклучиво за организираност во некој криминал, тие не се навикнати на организирана работа на проекти, затворање дупки и реформи, затоа и ваква забуна се создава кај нив.
За нив најорганизиран и за пример е веројатно нивниот партнер ДУИ со кои градат специфичен однос на ниво на политички и коруптивен садомазохизам, што може да е нов правец во политичката култура во државата“, се додава во реакцијата на ВМРО-ДПМНЕ.
Македонија
Градоначалникот Ѓорѓиевски со жителите на Црниче го одбележа празникот Балаклија
Градоначалникот Орце Ѓорѓиевски денес беше присутен на местото Балаклија во Црниче, каде заедно со жителите го прослави Источен Петок, значаен православен празник кој секоја година се одбележува на првата недела по Велигден. Тој истакна дека посебно му е драго што ова свето место, на кое се наоѓа изворот, беше ослободено од узурпација, вратено на жителите оплеменето со нови содржини кои овозможуваат вистинско уживање на сите кои го посетуваат, информира општина Кисела Вода.
Го истакна своето задоволство што следната година ќе ја има честа токму тој да биде кум на овој значаен настан.
– Нека е за многу години Источен Петок – Балаклија! Другата година кумството е мое, дар од Бога за што ми е огромна чест! Денес, заедно со мојот народ од Црниче го славиме овој голем празник кој спаѓа во Светлата Недела. Празник посветен на Пресвета Богородица на кој ѝ се оддава признание и се верува дека на овој ден му ги миела раните на Исус Христос, па затоа водите од изворите денеска се лековити и верниците масовно ги посетуваат за да ги измијат очите и лицето. Ова култно место во Црниче на кое има извор и кое до лани беше узурпирано, го ослободивме и го вративме на жителите, оплеменето со содржини за вистинско уживање и рекреација на сите кои го посетуваат. Горд сум на сплотеноста на мојот народ на ваквите денови, затоа Македонија е богата земја која меѓусебната љубов и почит ја одржувала низ вековите.
За многу години да ни е, здравје и бериќет кај сите-изјави градоначалникот на Кисела Вода, Орце Ѓорѓиевски.
31-годишен скопјанец почина по пукање на Бит Пазар
31-годишен маж од Скопје почина од повредите здобиени при пукање попладнево на Бит Пазар. „Во врска со пукањето на Бит...
Испитувањето на оштетените од пожарот во „Пулс“ треба да почне на почетокот на мај
Испитувањето на оштетените од пожарот во „Пулс“ во Кочани се предвидува да почне од почетокот на мај. Од Обвинителството појаснија...
Крајно време е да престанеме да преговараме за идентитетските прашања со кого било, рече Муцунски
Министерот за надворешни работи Тимчо Муцунски рече дека Владата се стреми кон компромис, кој ќе биде рационален за да се...
Итно зголемување на платите, во спротивно ќе останеме без кадар, порача Пешевски
Според потпретседателот на Сојузот на синдикатите на Македонија за приватниот сектор, Иван Пешевски, приватниот сектор во Македонија е главен двигател...
Судот ѝ го одзеде пасошот на претседателката на антикорупциската комисија, која споделувала службени тајни на „Вибер“
На претседателката на антикорупциската комисија, Татјана Димитровска, одземен ѝ e пасошот откога Кривичниот суд го прифати предлогот за определување мерки за...
Девет лица завршија во притвор поради злоупотреби со инвалидските пензии и за туѓа нега
На деветмина осомничени од уапсените 23 во акцијата за туѓата нега судот им одреди мерка притвор од 30 дена. Едно...
Судот го одобри обвинението за возачот што ја прегази Фросина
Судот го одобри обвинението за возачот Васил Јованов, која ја прегази Фросина Кулакова на пешачки премин на булеварот Партизански одреди....
ВМРО-ДПМНЕ: Тошковски не скри нешто, не рече дека законот не важи за татко му
Апасиев е фрустриран од работата на Тошковски бидејќи законот важи за сите. Левицата да одговори како, освен сутерен во строгиот...
ДУИ до Мицкоски: Ако целта е уривање на Охридскиот договор, која е алтернативата
Премиерот Мицкоски, со своето однесување, изјави и постапки, постапува на начин кој ги поткопува стандардите и одговорноста што се очекуваат...
Рубио: Ова не е наша војна, ние не ја почнавме
Американскиот државен секретар Марко Рубио изјави дека „сите треба да му се заблагодарат“ на американскиот претседател Доналд Трамп за мировните...
Левицата: И таткото на Тошковски бил дел од бизнисот со мито за инвалидски пензии
Додека се обидува да изгради слика дека го руши корумпираниот систем, фактите кои се обзнануваат во јавност укажуваат како и...
Лавров: Спремни сме да се договориме со САД за Украина
Рускиот министер за надворешни работи Сергеј Лавров изјави дека Кремљ е подготвен да постигне договор со САД за Украина, но...
Руте: Русија е долгорочна закана за алијансата
Генералниот секретар на НАТО, Марк Руте, вчера, по разговорите со американскиот претседател Доналд Трамп, изјави дека членовите се согласуваат дека...
(Видео) Ѓоковиќ ги загуби нервите: Да ти е..м тенисот
Новак Ѓоковиќ целосно ги загуби нервите на официјалниот тренинг во Мадрид. Додека во главниот град на Шпанија се одржуваа натпреварите...
Осомничени уште три лица во предметот „Адитив“: меѓу нив и претседателката на Антикорупциска
Во рамките на постапката што се води за предметот Адитив, како резултат на екстрахираните електронски докази обезбедени во досегашната постапка,...
Образ ѓон, се уште седат и земаат илјадници евра плата: Мицкоски за членовите на Судскиот совет
„Вие пратениците изгласавте недоверба на членовите на Судскиот совет. Но, и покрај тоа што тие ја добија недовербата од страна...
Измами во давањето туѓа нега и инвалидски пензии, под истрага 49 лица, вмешани и лекари
Сузбиени две криминални групи, кои вршеле злоупотреби на постапката за стекнување право за туѓа нега и право на инвалидски пензии,...
Битола, Струга, Чаир се меѓу општините кои не аплицирале за проекти, рокот истекува за помалку од една недела
Седумнаесет општини воопшто не аплицирале за инфраструктурни општински проекти, за што Владата доделува средства од унгарскиот кредит. Во оваа група...
(Видео) Трајчулески до Мицкоски: Дали се разводнува истрагата за Кочани за да се заштитат актуелни функционери?
Пратеникот на СДСМ, Митко Трајчулески, на денешната собраниска седница посветена на пратенички прашања, упати прашање до премиерот Христијан Мицкоски, кое...
Таравари го поддржа апсењето лекари: Директорот на Геријатрија првин го разрешив, а потоа го исклучив од партијата, сите што грешат нека одговараат
Сите што грешеле, вклучително и лекарите, треба да одговараат, смета министерот за здравство Арбен Таравари по вчерашната полициска акција, која...
