Македонија
Ахмети од Струга: На противниците им се тресат нозете од идејата за првиот премиер Албанец

Централниот изборен штаб на Демократската унија за интеграција престојуваше во општина Струга, каде што со свои говори се престави претседателот на партијата, Али Ахмети. Како што соопшти ДУИ, Ахмети добил голема поддршка од граѓаните на Струга, кои го преполниле местото на собирот, со што, како што се наведува во партиското соопштение, ѝ рекле ДА на идејата за првиот премиер Албанец во Република Северна Македонија.
Претседателот на интегративците, Ахмети, рече дека секое ново поглавје сака нова енергија и дека веќе успешно е затворено едно поглавје за Албанците, но и за државата.
„Не сакајќи да елаборирам за остварувањата, бидејќи сите ги допираат и ги гледат, но и понатаму имаме уште многу работи за остварување, нашата енергија треба да ја потрошиме за подобри денови од овие што ги оставаме зад нас. Народот вели дека лошото нема крај, но и добрите работи немаат крај. Се потрудивме да направиме добри работи неразочарувајќи ги нашите гласачи и воопшто Албанците претставувајќи ги достоинствено како националната така и во меѓународната сфера и за ова Ви се заблагодарувам за поддршката што ни ја дадовте 2 децении по ред. Денес сме членка на НАТО, ги отворивме преговорите за членство во Европската Унија и ова е ново поглавје што се отвара и бара енергија за спроведување и оживување на стандардите, кои го забрзуваат патот кон полноправнотот членство во ЕУ“, рече Ахмети.
Претседателот на ДУИ, Ахмети, беше оптимист дека со кадарот што го поседуме во следните 5 години ќе се оствари целта за членството во ЕУ и дека нема враќање назад.
„Ќе има црвени линии за секој што сака да го загрозува или негира Охридскиот, преспанскиот и договорот за добрососедство со Бугарија, затоа враќање нема, со што партнерство во ова земја нема. Демократската унија за интеграција ги почитува челичните темели кои се воспоставени за да ги движат прашањата напред. Бескомпромисни ќе бидеме за стандардите што треба да се воспостават, како за ветингот, зголемување на квалитетот во образованието, здраството, локалната самоуправа, инфраструктура, бидејќи, ако не работиме во ова насока, нема да можеме да бидеме достоинствена членка на ЕУ“, истакна Ахмети.
Има луѓе што се скептични за нашите идеи, има луѓе што не веруваат дека може да постигнеме успех, рече Ахмети, но не можеме да ги убедиме сите бидејќи има факти што постојат.
„Сите вие знаете дека Албанците сонуваа Скендербег да биде во мал дел од ова земја и ако прашавме некого пред 30 години дека националниот херој ќе се постави среде Скопје, ќе ни одговараше дека немаме памет. Денес имаме споменик на Иса Болетини и Хасан Приштина и ако некој пред некое време речеше дека Талат Џафери, претседател на Собранието, ќе го крева знамето на НАТО, кој ќе веруваше, еден командант на Ослободителната национална армија? Нема да биде премиерот Албанец? Зошто да не може? Никој не ми дава одговор, а од друга страна, им се тресат нозете од ова идеја“, заврши на крај претседателот на Демократската унија за интеграција, Али Ахмети.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Манасиевски: Дали Филипче е воодушевен од Заев и дали и тој мисли како него дека македонскиот јазик е ист со бугарскиот

Заев тврдеше дека Македонците и Бугарите се ист народ и дека Македонскиот и Бугарскиот јазик се исти. Дали и Венко Филипче го мисли истото, со оглед на тоа дека кажа дека народот треба да учи од Зоран Заев и дека нема друг како него, праша Валентин Манасиевски од ВМРО-ДПМНЕ.
„Заев ги опустоши Македонските национални интереси, и како кловн кој ги засмејуваше регионалните политичари. Дали Венко Филипче се гордее и со тоа?“, рече Манасиевски.
Додаде дека е добро што народот знае со сигурност дека Венко Филипче е втор Зоран Заев, и што може да очекува.
Македонија
Сиљановска-Давкова: Работниците и синдикатите со право протестираат за повисоки плати и пошироки права

Порака од претседателката Сиљановска-Давкова по повод 1 Мај – Меѓународниот ден на трудот:
Денеска го славиме 1 Мај – Меѓународниот ден на трудот, ги славиме оние кои работат вредно, посветено и пожртвувано, како и сите оние кои оставиле историски печат во долгата и тешка борба за вреднување на работничкиот труд и почитување на работничките права.
На овој ден им оддаваме заслужена посебна почит и признание на работниците – генерации и генерации на мнозинството луѓе со најголем придонес во создавањето и изградбата на државата и општествените вредности.
Први мај е ден кога работниците и синдикатите со право протестираат за повисоки плати и пошироки права, потенцирајќи го социјалниот карактер на македонската држава што има уставна обврска да води сметка за хуманизмот, социјалната правда и солидарноста како темелни вредности на уставниот поредок.
Први мај е вистинскиот ден кога ние, носителите на власта треба да се запрашаме: дали и како се остварува правото на работа, дали секој има слободен избор на вработување, дали вработените се заштитени при вработувањето, дали се соодветно материјално обезбедени при невработеност, дали секому под еднакви услови му е достапно секое работно место, дали заработувачката е соодветна на трудот, дали секој вработен има право на дневен, неделен и годишен одмор, дали се почитуваат колективните договори?
Пред нас се многу проблеми и дилеми што мора да се надминат.
Социјалната правда не смее да се применува селективно, ниту да се перцепира како недостижен идеал. Таа е невозможна без соодветно вреднување на човековиот труд и без уважување на работничкото достоинствено. Тоа подразбира правична плата, квалитетни услови за работа, безбедност и сигурност во работењето, можност за надградување и напредување.
Во демократски политички систем мора да се слуша гласот на работникот, да се почитува синдикалното организирање и правото на штрајк, да се негува социјалниот дијалог, да се гради партиципативна демократија.
Убедена сум дека само задоволниот работник може да биде продуктивен, ефикасен и ефективен.
Да го чуваме и да вложуваме во нашиот највреден ресурс – човекот!
Честит 1 Мај – Денот на трудот!
Македонија
ВМРО-ДПМНЕ: Левица да каже како од левичарска партија се стекна со имот вреден 1 милион евра за 400 000 евра

Партија која гласно се претставува како борец за правда наеднаш се здобива со имот кој вреди 1 милион евра, а Апасиев го купува за 400 000 евра, и притоа манипулира како тоа било подрум, подрум од 409м2, реагира ВМРО-ДПМНЕ на обвинувањата на Левица.
„Левица глумат револуционери и како тие ќе го ‘спасат’ системот преку театрални настапи, кои инаку се популистички, а зад кулисите прават зделки за моќ, привилегии и удобност.
Колку од нивната гласна идеологија е продадена со тој договор?
Нивното “храбро“ однесување претставува само обид за да го одвлечат вниманието на граѓаните, додека тие самите тивко се интегрираат во системот, и си ги продаваат тие идеали позади кои тврдат дека стојат.
Додека нивните членови јавно ги напуштаат преку фејсбук објави, Апасиев купува имот вреден тројно повеќе, во центар на Скопје од 409м2, и лаже дека купил подрум и си го манипулира членството, за притоа да пие кафе во истиот објект каде другар му отвори кафуле.
Од “борци“ станаа пиуни со двојни стандарди и ја претворија Левица во приватна сопственост. Партија која тврди дека се бори против елитизам сега има лидер елитист.
Левица да каже од каде им се средствата и како се вклопуваат во сликата на антикапиталистичка партија, многу лесно ги променија боите, а можеби само левичарската црвена на Апасиев не била ништо повеќе од костим“, се вели во соопштението на ВМРО-ДПМНЕ.