Македонија
Бадникови поворки, децата пеат „Вечниот Бог“
Поворки од деца ќе поминат низ повеќе градови, вклучително и во Скопје, пеејќи божествени песни, како и старата православна коледарска песна „Вечниот Бог“.
Бадникови поворки што ќе ги сочинуваат стотици деца од различна возраст придружувани од нивните наставници, родители, баби и дедовци, радосно и достоинствено ќе го најават Христовото раѓање. Пеејќи ја „Вечниот Бог“ – старата православна коледарска песна која всушност го објаснува настанот што се случил и заради кој славиме Бадник/Божик, низ центарот на Скопје, но и центарот на Охрид, Струга, Прилеп, Битола, Кичево, Ресен, Тетово, Гостивар, Велес, Куманово, Радовиш, Битола, свечено ќе движат Бадникови поворки кои ќе бидат поздравувани од минувачите и ќе се создава радосна празнична атмосфера.
Сите поворки во градовите (освен Скопје) завршуваат или со средба кај градоначалниците кои ќе ги даруваат децата бадникарчиња или со средби на дечињата и нивните семејства со Владиците од поодделните парохии. Во Скопје поворката завршува во 12 часот со обраќање на дедо Стефан во Соборниот храм.
Инаку, дел од поворката во Скопје ќе го посети и домот на Претседателот Ѓорге Иванов кој ќе ги прими децата и ќе им подготви празнична трпеза на љубов и дружење уште пред да излезат децата на улиците.
Дефинитивно, најмасовна ќе биде поворката во Скопје во која се очекува да учествуваат околу 2.000 деца.
Прва група почнува во 11 часoт од црквaтa „Пресветa Бoгoрoдицa“ нa ул. „Филип Втoри Мaкедoнски”, гo пoминувa мoстoт и пред „Хoлидеј Ин” врти деснo и пo Кејoт oди кoн Кaмени мoст, пa преку Кaмени мoст дo црквaтa „Св.Димитријa“.
Втoра група почнува во 11 часот од црквaтa „Пресветa Бoгoрoдицa” преку ул. „Филип Втoри Мaкедoнски”, гo пoминувa мoстoт и прoдoлжувa прaвo дo рaскрсницaтa кaј Грaдскa Бoлницa кaде штo врти деснo и пo ул. „11 Oктoмври” се движи кoн Пoртa Мaкедoнијa, пa преку плoштaд и Кaмени мoст стигнувa вo „Св.Димитријa“.
Трета група почнува во 11 часoт Oд црквaтa вo изгрaдбa „Св.Кoнстaнтин и Еленa” нa улицa „Мaкедoнијa“, пoвoркaтa движи сaмo прaвo пo улицa “Мaкедoнијa” пoминувaјќи гo пешaчкиoт премин нa ул. „Димитријa Чупoвски”, пa преку Кaмени мoст стигнувa дo „Св.Димитријa“.
Сите групи, вo 11.30 часoт тргнувaaт oд „Св.Димитријa“ преку ул. „Иљo Вoјвoдa” излегувaaт нa булевaрoт „Гoце Делчев”. Гo пoминувaaт мoстoт „Гoце Делчев“ и вртaт деснo нa булевaр „Илинден“. Се движaт пo булевaр „Илинден“ пoкрaј Влaдa и вртaт левo нa булевaр Климент Oхридски кoн Сoбoрниoт хрaм кoј е пoследнa дестинaцијa./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Граѓаните ќе можат од својот дом да симнат и испечатат документи, наместо да одат на шалтер
Со гордост сакам да ви соопштам дека вчера, на Комисијата за транспорт и дигитална трансформација, 4 клучни закони кои се однесуваат на дигитализација на државните служби и услугите кон граѓаните, го поминаа првиот собраниски филтер, изјави Тони Јаревски, пратеник на пратеничката група на ВМРО-ДПМНЕ.
Станува збор за Законот за електронски комуникации, Законот за безбедност на мрежи и информациски системи, Законот за архивски материјал, како и Законот за електронски документи и електронска идентификација.
„Со ова, Собранието даде зелено светло за владата да ја направи најтемелната трансформација на односите, односно начинот на кој комуницираат граѓаните и државните органи. Со овие реформи, граѓаните ќе можат од својот дом да симнат и испечатат документи кои ќе имаат правна важност еднаква како оние издадени на шалтер, документи кои ќе содржат QR-код како безбедносен елемент и доказ за автентичност“, рече Јаревски.
Тој додаде дека се воспоставува и целосен инспекциски надзор над дигиталните услуги, со јасно утврдени 22 задолженија на инспекторите кои ќе дејствуваат под капата на новото Министерство за дигитализација односно за дигитална трансформација.
„Предвидените глоби за институциите што нема да ги прифатат дигиталните документи се јасен сигнал дека дигиталната реформа не е опција, туку обврска“, рече Јаревски.
Тој додаде дека ќе следи јавна расправа за овие закони со цел во овој, како што рече, сериозен државен зафат да се вклучи експертската и стручната јавност.
Македонија
Успешно изведени две трансплантации на коска од починат донор на Клиниката за ортопедски болести
На Клиниката за ортопедски болести успешно се изведени две сложени трансплантации на коска од починати донори, со што продолжува примената на современи и високоспецијализирани медицински интервенции во областа на ортопедија и трауматологија во нашата земја, соопштија од Министерството за здравство.
Во првиот случај, е извршена операција на коскена циста кај 45-годишен пациент. Интервенцијата ја спроведе стручен тим, во состав: проф. д-р Милан Самарџиски, доц. д-р Александар Трајановски, д-р Билјана Лазарова, специјализант по ортопедија, анестезиолог д-р Марина Темелковска, инструментарка с. Кристина Реџеп, помошник инструментар д-р Оливера Лазаревска, сестра анестетичар Гордана Захариева и болничарка Снежана Тодоровска.
Втората трансплантација беше изведена кај 65-годишна пациентка со дијагностициран гигантоцелуларен тумор на дисталниот дел од радиусот на десната подлактица. По претходно направена биопсија е заменето туморското ткиво со здраво коскено ткиво од донор. Интервенцијата ја водеше специјалист ортопед и супспецијалист трауматолог д-р Резеарт Далипи, заедно со тимот: д-р Маја Неделковска, специјалист ортопед, д-р Симона Карапанџевска, специјализант по ортопедија, д-р Искра Шојлевска–Јовановска, специјализант по ортопедија, анестезиолог д-р Јадранка Зафировска, анестетичар Мерита Рамадани, инструментарка Оливера Лазаревска, помошна инструментарка Сања Тодоровска, радиолошки техничар Силвана Стојковска и болничар Сејнур Идриз.
Двете интервенции се реализирани во соработка со д-р Милена Богојевска Доксевска, болнички координатор за ортопедија и одговорна за ткивната банка.
„Огромна благодарност до сите членови на тимовите вклучени во трансплантациите, како и до семејствата на донорите. Зајакнување на знаењата и вештините, следење на современите европски трендови и воведување нови методи во трансплантологијата, се нашиот постојан императив“, истакна проф. д-р Билјана Кузмановска, национален координатор за трансплантација.
Македонија
Утре започнува уписот во средно образование во учебната 2025-2026 година
Министерството за образование и наука потсетува дека утре започнуваат уписите во средните училишта во учебната 2025-2026 година. Пријавувањето е електронски и се спроведува преку порталот e-uslugi.mon.gov.mk, каде учениците се најавуваат со сопствените кориснички сметки на schools.mk.
Првото пријавување трае од 14 до 17 јуни, а второто е на 30 јуни. Конечните ранг листи по двете пријавувања, училиштата ќе ги објават на 2 јули.
Како и во изминатите учебни години, учениците ќе треба да достават хартиени документи до училиштата, а се прават напори од следната година процесот целосно да се дигитализира, велат од МОН.
Конкурсот со слободни места е објавени на овој линк.
Укинувањето на царините за стоките од САД не е само трговска одлука, туку и дипломатски чекор, вели Стојанова
Со новите измени и дополнувања на законот за царински тарифи, Собранието ќе даде зелено светло на планот на Владата, да...
Успешно изведени две трансплантации на коска од починат донор на Клиниката за ортопедски болести
На Клиниката за ортопедски болести успешно се изведени две сложени трансплантации на коска од починати донори, со што продолжува примената...
ГЕРБ: Властите во Скопјe треба да ја запрат репресијата врз Бугарите во РСМ
Пратеничката група на ГЕРБ изрази несогласување со пресудата на Основниот суд во Битола против Љубчо Георгиевски. Од собраниската говорница утрово,...
Оставки од Тошковски и Јанев и кривична одговорност, бара СДСМ
Последната акција на ОЈО ГОК потврди сè. СДСМ ја говореше вистината за Кочани од првиот ден. Уапсените полициски службеници вчера...
МНР со апел до македонските граѓани: Воздржете се од било какви патувања кон Израел и Иран
Во врска со информациите за влошената безбедносна состојба на Блискиот Исток, Министерството за надворешни работи и надворешна трговија апелира до...
Анализа: Иран ќе го нападне Израел со сè што има
Ова е моментот од кој многумина на Блискиот Исток се плашеа со години, но исто така и го чекаа. Како...
Пристигнуваат реакции од целиот свет по израелскиот напад врз Иран
Израел започна напади врз Иран во петокот, насочени кон нуклеарни постројки, фабрики за ракети и воени команданти, а иранските медиуми...
(Видео) Израел нападна воени згради во Техеран, објавени се снимки
Израел изврши воздушни напади врз Иран во текот на ноќта, насочени кон неговата нуклеарна програма и капацитетите за балистички ракети...
Кого убија Израелците во нападот врз Иран? Воени шефови, нуклеарни научници…
Според иранските државни медиуми, неколку високи ирански воени функционери и нуклеарни научници беа убиени во израелската операција „Rising Lion“, чија...
Трамп: Знаевме однапред за израелскиот напад, но не учествувавме
Претседателот на САД, Доналд Трамп, изјави за „Фокс њуз“ дека однапред знаел за израелските планови за напад врз Иран, но...
Убиен е висок ирански воен функционер
Иранската државна телевизија IRINN објави дека генералот Мохамед Багери, началник на Генералштабот на иранските вооружени сили и највисок воен офицер...
Иранскиот ајатолах: Ционистичкиот режим ќе се соочи со болна судбина
Полуофицијалната новинска агенција Тасним на Иран објави соопштение кое му се припишува на врховниот лидер на земјата, ајатолахот Али Хамнеи....
(Видео/фото) Техеран по израелскиот напад
Фотографии од запалена зграда во Техеран беа објавени на Телеграм каналот на Корпусот на Исламската револуционерна гарда (ИРГЦ). Ирански медиуми:...
Иранската војска им порача на Америка и на Израел: „Ќе платите“
Портпаролот на иранските вооружени сили изјави дека САД и Израел ќе платат „висока цена“ за нападите, објави Ројтерс. „Вооружените сили...
Убиен шефот на Иранската револуционерна гарда
Генералот Хусеин Салами, врховен командант на Корпусот на Исламската револуционерна гарда (ИРГЦ) на Иран, е убиен во израелски воздушен напад,...
(Видео) Нетанјаху: Удривме во сржта на иранската програма за нуклеарно оружје
Израелскиот премиер Бенјамин Нетанјаху потврди дека тие нападнале нуклеарни цели во Иран и најави дека операцијата ќе продолжи уште неколку...
Марко Рубио до Иран: Да бидам јасен – не таргетирајте ги нашите интереси или персонал, не сме вклучени во нападите
Израел го нападна Иран во четвртокот навечер, а иранските медиуми известија за експлозии во Техеран. Нападот се случува во време...
Приведени уште 13 полициски службеници за пожарот во „Пулс“
Во тек е акција под раководство на обвинител од Специјализираното одделение за полициски службеници, соопштија од Обвинителство за гонење на...
(Видео) Објавени се нови снимки од падот на Боингот во Индија
Авион на „Ер Индија“ што леташе за Лондон со 242 патници се урна кратко по полетувањето во близина на аеродромот...
(Видео) „Имаше тела насекаде околу мене, бев преплашен, станав и почнав да трчам“: британски државјанин го преживеа падот на авионот на Ер Индија
Британски државјанин кој ја преживеал падот на авионот во Ахмедабад го опишал моментот кога се случил. Според NDTV, шефот на...
