Македонија
Јас единствен барав да не му се издава лиценца на „Пулс“, би требало да седам како јавност, а не како обвинет, рече поранешниот градоначалник Ратко Димитровски
Изненаден од тоа што седи на обвинителна клупа, поранешниот градоначалник на Кочани, Ратко Димитровски, на денешното судење за трагедијата во кочанската дискотека „Пулс“ побара судот да ја исправи неправдата и да го ослободи оти е единствениот во државата кој пред 13 години побрал да не му се издава лиценца за дискотека на „Пулс“.
По долгиот воведен говор од неговата бранителка Ангела Соколова, во кој таа објасни дека Димитровски побарал од Министерството за економија да не му се издаде лиценца на клубот откога побарле одобрение за паркинг од Општината, а такви услови немало, пред судот збруваше и Димитровски како дополнување на воведниот говор. Објасни дека не дозволил „Пулс“ да ги користи за паркинг двете локации што биле на 250 метри од објектот и веднаш побарал да не му се издаде лиценца, барање на кое никогаш не добил одговор.
„Изненаден сум, никогаш не сум можел да замислам дека ќе застанам на обвинителна клупа за такво нешто, а само јас сум бил тој што е против тоа пред 13 години“, рече поранешниот градоначалник на Кочани, Димитровски, и нагласи дека друго барање од „Пулс“ до него не стигнало.
„Јасно е како ќе сум одговорел имајќи го предвид моето барање за неиздавање лиценца. Сега би требало да седам како јавност, а не обвинет“, рече Димитровски.
Воведен збор даде и одбраната на Николчо Илијев, градоначалник на Кочани во периодот од 2017 до 2021 година, кој има петмина бранители. Воведен збор во име на сите петмина бранители даде адвокатот Синиша Станковиќ, кој укажа дека додека Илијев бил градоначалник, никогаш не дошол во контакт со документ поврзан со клубот. Никој никогаш не го известил или информирал за што било, немал контакт со сопственикот на објектот, ниту со оние што го користеле и не позналавл никого од нив. Ниеден државен орган не го известил за што било за правниот субјект „Пулс“ и немал контакт со другите обвинети лица пред, за време и по функцијата градоначалник.
„Не било поднесено барање за што било до Општина Кочани или до него лично од 2017 до 2021 година ниту по усмен ниту по писмен пат“, рече бранителот Становкиќ и најави дека во постапката ќе покаже оти нема вина кај Илијев, а наведе и дека во речиси половина од неговиот градоначалнички мандат угостителските објекти не работеа поради ковид-пандемијата.
И одбраната на Љупчо Папазов, кој беше градоначалник на Кочани кога се случи пожарот, даде воведен збор на денешното судење. Адвокатот Мите Левков рече дека се работи за конструиран случај во кој треба да се задоволат нечии желби и најави дека ќе докаже оти Папазов не може да има никаква одгворност за пожарот. Рече дека Папазов им се ставил на располагање на институциите ноќта кога се случи пожарот, потсети дека си поднел оставка од функцијата од морални причини и молкум го издржал каменувањето на неговиот дом на 17 март. Неговиот воведен говор го дополни самиот Папазов, кој рече дека досега немал можност, но и не сакал да зборува за да ѝ не пречи на истрагата.
„Сакам само да потсетам за две можности што можев да ги направам во тој момент. Едната од професионален аспект – да ја мобилизирам целокупната општинска администрација во функција на истражните органи, самиот јас да им се ставам на располагање на сите надлежни служби и уште една работа – да го одржам најкраткиот колегиум во мојот градоначалнички мандат со цел овозможување на основните услуги за спроведување на сите потребни активности понатаму. Втората работа што можев да ја направам од личен и човечки аспект од глетката што ја видов – да поднесам оставка од морални причини“, рече Папазов.
Тој најави дека во судницата ќе изнесе многу аргументи и факти, кои можеби нема да му се допаднат некому, но ќе бидат првиот чекор до утврдување на вистината.
Дека чесно си ја извршувале работата и не направиле никакви пропусти, кажаа и тројцата општински градежни инспектори обвинети за трагедијата во „Пулс“, Огњан Георгиев, Љупчо Стаменков и Николчо Гоцев.
Четвртото рочиште на судењето за трагедијата во „Пулс“ е во тек со воведни говори од бранителите на лицата што работеле како обезбедување во дискотеката.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Европската интеграција останува стратешки приоритет, порача Сали на средбата со еврокомесарката Кос
Првиот заменик-претседател на Владата и министер за европски прашања, Беким Сали, денеска во Брисел оствари работна средба со европската комесарка за проширување, Марта Кос.
Средбата беше фокусирана на текот на процесот на европска интеграција на земјата, реформските приоритети и актуелните предизвици во рамки на европската агенда.
Во текот на разговорите, заменик-претседателот Сали повторно потврди дека членството во Европската Унија останува стратешки приоритет на Владата, оценето како долгорочна инвестиција во мирот, стабилноста и просперитетот на европскиот континент. Тој нагласи дека создадениот позитивен моментум треба да се искористи преку тесна и континуирана соработка со европските институции, со цел конкретно унапредување на интегративниот процес.
Во својство на министер за европски прашања, главен преговарач, национален координатор за Инструментот за реформи и раст (RGF), како и НИПАК, Сали ја истакна посветеноста за одржување на фокусот на државната администрација на реформите поврзани со ЕУ и за обезбедување континуитет на реформското темпо, во согласност со европските стандарди и најдобрите практики.
Во овој контекст, се разменија мислења за спроведувањето на Планот за раст и Реформската агенда, како и за други актуелни прашања од заеднички интерес, при што беше потенцирана важноста од континуирана координација и конструктивен дијалог со институциите на Европската Унија.
Македонија
Стаменкоска Трајкоска: Секое дете мора да се чувствува безбедно во училиште
Денес во Општина Кисела Вода беше потпишан трипартитен меморандум за соработка меѓу Општина Кисела Вода, ООУ „Св. Климент Охридски“ од Драчево и Обединета Македонска Дијаспора – Подружница Македонија, со кој официјално се воспоставува рамка за унапредување на образованието преку иновативни, инклузивни и холистички програми.
Со оваа соработка започнува имплементацијата на проектот „STAR FOR LIFE“. Проектот предвидува обука на наставниците од четврто, петто и шесто одделение, како и директна работа со учениците преку стручни обучувачи, нивни претставници во Македонија, со фокус на една од најчувствителните теми во училиштата – булингот и врсничкото насилство, информираат од општината.
Градоначалничката заедно со директорот за Македонија и Европа од Обединета Македонска Дијаспора, Гордан Јорданов, заменик-директорката Маја Сталеска и директорката на училиштето, Елена Симоновска, дискутираа околу програмата, која има за цел да ги оспособи наставниците и учениците навремено да препознаваат ризични ситуации, да реагираат соодветно и да придонесат кон создавање побезбедна училишна средина.
-Со потпишувањето на овој меморандум воспоставуваме конкретна и значајна соработка која директно ќе им користи на нашите ученици и наставници. Преку проектот ‘STAR FOR LIFE’ обезбедуваме едукација, навремено препознавање и соодветно реагирање на булингот и врсничкото насилство. Наш приоритет е секое дете да учи и расте во безбедна средина, во која ќе се чувствува прифатено и поддржано. Општина Кисела Вода останува посветена на превентивни мерки и партнерства од ваков тип, затоа што веруваме дека само со заедничка работа можеме да спречиме несакани последици. Ова е инвестиција во иднината на нашите млади- изјави градоначалничката Стаменкоска Трајкоска.
Македонија
(Видео) Манасиевски: Политички театар нарачан од СДСМ и Левица стои зад настапите на Трендафилов
Членот на Централниот комитет на ВМРО-ДПМНЕ, Валентин Манасиевски, денеска изјави дека неодговорното однесување на претседателот на ССМ, Слободан Трендафилов, излегло на виделина, обвинувајќи дека зад неговите настапи стои политичка позадина.
Манасиевски посочи дека Трендафилов вчера објавил фотографија на социјалните мрежи со порака дека чека претставник на Владата во просториите на ССМ за да се потпише зголемувањето на платите, иако, како што рече, во исто време веќе бил закажан состанок на Владата со гранковиот синдикат УПОЗ за истата намена.
Според Манасиевски, ваквите постапки, како што наведе, ги потврдуваат тезите дека барањата на Трендафилов имаат политичка заднина и дека зад неговото раководење со ССМ стојат СДСМ и Левица. Тој оцени дека станува збор за, како што рече, политички театар наменет за јавноста.
Манасиевски изјави дека, според неговите наводи, Трендафилов никогаш немал вистинска намера за зголемување на платите, туку за нанесување штета на актуелната Влада предводена од ВМРО-ДПМНЕ. Тој го постави и прашањето дали барањата на Трендафилов и ССМ ги пишуваат СДСМ и Левица.
Во обраќањето, Манасиевски наведе дека Трендафилов, според него, не зборувал за зголемувањето на платите и новите колективни договори во образованието, здравството, полицијата, одбраната, социјалната заштита и другите сектори, ниту реагирал за двоцифрената инфлација, ценовните шокови, зголемувањето на сметките за електрична енергија и доцнењето на платите во одредени институции за време на претходната власт.
Тој додаде дека во минатото биле потпишувани колективни договори во државни институции и сектори без одобрение од Министерството за финансии, што, како што рече, било спротивно на законските услови.
Манасиевски оцени дека ваквото однесување покажува соработка меѓу ССМ, СДСМ и Левица против Владата предводена од ВМРО-ДПМНЕ, нагласувајќи дека Владата, како што изјави, не бега од дијалог, туку инсистира тој да биде сериозен, суштински и насочен кон резултати.
Почна исплатата на „Мој ДДВ“, повик до граѓаните со погрешна сметка да ги ажурираат податоците
Управата за Јавни Приходи – УЈП ја почна исплатата на средства за скенираните фискални сметки за четвртото тримесечје од 2025...
Бомба фрлена врз куќата на Здравко Чолиќ во Белград
Доцна синоќа беше фрлена бомба врз куќата на пејачот Здравко Чолиќ во белградската населба Дедиње. Полицијата и дежурниот обвинител на...
651 прекршоци регистрирани вчера преку „Безбеден град“, од нив 585 за пребрзо возење
Во текот на вчерашниот ден преку системот „Безбеден град“ констатирани се вкупно 651 прекршоци, извести МВР. „Од нив, за минување...
Електродистрибуција: Tешка кражба на електрична енергија од трафостаница, штета од 16 милиони денари
„Тимот за откривање на неовластено користење на електрична енергија побара спроведување на пребарување од МВР и вклучување на вешто лице,...
Ѓорѓиевски: Скопје ќе добие 100 нови, современи и целосно еколошки градски автобуси
Со одлука на Владата на Република Македонија, Скопје ќе добие 100 нови, современи и целосно еколошки градски автобуси, чекор што...
„Фајненшел тајмс“: Ако Русија го прекрши примирјето, следи координиран одговор – детали од договорот меѓу Украина и Западот
Украина се согласила со западните партнери дека секое упорно кршење на идниот договор за прекин на огнот од страна на...
Украина бесна на шефот на ФИФА: „Морален дегенерик, овој срам потсетува на 1936 година“
Украинскиот министер за надворешни работи, Андриј Сибиха, остро го критикуваше претседателот на ФИФА, Џани Инфантино, кој го поддржа укинувањето на...
Клинтонови сепак ќе сведочат за случајот со Епстин
Поранешниот американски претседател Бил Клинтон и демократската претседателска кандидатка од 2016 година, Хилари Клинтон, ќе сведочат во конгресната истрага за...
(Видео) Масовен напад врз Киев, експлозии низ градот
Руските сили испукаа ракети врз украинскиот главен град Киев во раните утрински часови, соопштија официјални лица, со првични извештаи за...
Во пораки од 2018 година пишува дека Епстин платил 5.000 долари за 23-годишна Русинка
Во најновата серија досиеја на Епстин е објавена преписка која што се чини дека е серија текстуални пораки разменети помеѓу...
Трамп: Го замолив Путин да не ја напаѓа Украина една недела, тој се согласи
Американскиот претседател Доналд Трамп изјави дека рускиот претседател Владимир Путин се согласил на еднонеделна пауза во ракетните напади врз Украина...
Нормализиран сообраќајот на експресниот пат Кочани-Штип
Од 23:25 часот, вчера вечер сообраќајот на експресниот пат Кочани-Штип целосно е нормализиран, извести АМСМ. Претходно, од 19:10 часот, поради...
„Сè беше легално и со дозволи“: како Македонија учествувала во проектот со мозоци што беше споменат во документите за Епстин
Македонија била вклучена во меѓународен научен проект кој се споменува во документите поврзани со починатиот американски милијардер Џефри Епстин,пишува Дојче...
Вратата кај бината во „Пулс“ служела да излезат малолетниците во случај на полициска рација, сведочи 25-годишниот Петар Марковски
На денешното рочиште за пожарот во кочански „Пулс“ во кој загинаа 63 лица, а над 200 беа повредени, 25-годишниот Петар...
Над 45 милиони денари вратени во државниот буџет; Фетаи: Конфискацијата на нелегално стекнатиот имот дава конкретни и мерливи резултати
Денес се одржа првиот конститутивен состанок на Националниот совет за финансиски истраги и конфискација на имот, со што официјално започна...
Тројца експерти од странство во составот на комисијата за истражување на кардиолошките и кардиохируршките операции, соопшти Министерството за здравство
Странската комисија за истражување на кардиолошките и кардиохируршките операции ја сочинуваат тројца врвни експерти од областа, соопштија од Министерството за...
Нудел 50.000 евра мито за пари од ИПАРД програмата: поднесено обвинение против повеќе лица
По спроведена истражна постапка, јавен обвинител од ОЈО ГОКК денеска до Основниот кривичен суд Скопје поднесе Обвинителен акт против едно...
Од полноќ нови цени на горивата
Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука...
Не знаеме кого Трендафилов чекал во празна сала, средбата помеѓу премиерот Мицкоски и претставниците на УПОЗ е закажана за во четврток, велат од Владата
Владата, како што соопштија од таму, најостро реагира на обидите за создавање лажна слика за социјалниот дијалог, а во врска...
Владин претставник не дојде во ССМ за зголемување на минималецот: Бегаат од одговорноста како што бегаа цела 2025 година, вели Трендафилов
Со објава на социјалните мрежи утрово претседателот на Сојузот на синдикати на Македонија (ССМ), Слободан Трендафилов извести дека владин претставник...
