Македонија
Белимов: Неспособноста на ВМРО-ДПМНЕ предизвика колапс на јавниот превоз и хаос во град Скопје

Неспособноста на ВМРО-ДПМНЕ предизвика колапс на јавниот превоз и хаос во град Скопје, изјави Никола Белимов, член на градската организација на СДСМ.
„Утрово, кулминира сообраќајниот хаос предизвикан од неспособноста од градската власт предводена од ВМРО-ДПМНЕ. Јавниот превоз е во колапс, а и другите јавни претпријатија се во хаос. Студените денеска не можеа навреме да пристигнат на факултетите, учениците не можеа да стигнат на часови, поради неспособноста и неодговорноста на ВМРО-ДПМНЕ. Скопје првпат во историјата остана без јавен автобуски превоз, а денес сведочиме на тотален сообраќаен хаос. Не само што нема ништо од бесплатниот автобуски превоз, не само што нема нови автобуси, не само што ја нема фабриката за автобуси што Христијан Мицкоски ја најавуваше, туку не се менаџира ниту постојниот автобуски превоз“, рече Белимов.
Наместо реализацијата на ветувањата, додава Белимов, ВМРО-ДПМНЕ и Арсовска создадоа катастрофа во град Скопје.
Градската организација на СДСМ ги повика градоначалничката Арсовска и мнозинството во Советот предводено од ВМРО-ДПМНЕ итно да преземат мерки и оваа катастрофална ситуација да се надмине веднаш.
Скопјани не заслужуваат да живеат во парализиран град со нефункционален јавен превоз, заклучи Белимов.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
32-годишен скопјанец осомничен за разбојништво во Бучимци: маскиран и со ловечки нож ограбил соселанец

Јавен обвинител од Основното јавно обвинителство Скопје поведе постапка против едно лице осомничено за кривично дело – Разбојништво од член 237 став 4 во врска со став 1 од Кривичниот законик.
Осомничениот 32-годишен скопјанец, на 18 август, маскиран со маица со која си го покрил лицето и капа, преку незаклучена влезна врата влегол во домот на негов соселанец во селото Бучимци. Во рацете држел ловечки нож и кога во една од собите го затекнал сопственикот, му се заканил дека ќе го убие ако не му даде пари.
Оштетениот, исплашен за својот живот, извадил 4.000 денари од комодата, но го замолил разбојникот да му дозволи да задржи барем 1.000 денари, бидејќи му се неопходни.
Осомничениот се согласил и го напуштил местото со 3.000 денари кои противправно ги одзел од сопственикот.
Јавниот обвинител до судијата на претходна постапка достави предлог за определување мерка притвор за осомничениот, бидејќи постојат околности кои укажуваат на опасност од бегство, можност за влијание врз сведокот/оштетен со заплашување и уценување, како и можност да го повтори делото.
Македонија
Зголемена фреквенција на возила на граничните премини Табановце и Богородица

Поради пожар во националниот Парк Јасен, регионалниот пат Р1106 Македонски Брод – Скопје затворен е за секаков вид на возила, извести АМСМ.
Сообраќајот на државните патишта се одвива непречено, по суви коловози.
Интензитетот на сообраќајот на патиштата надвор од градските средини е зголемен. Поради летните одмори, се бележи зголемена фреквенција на возила, на ГП „Табановце“ времето на чекање за влез е околу 20 минути, за излез е околу 40 минути.
На ГП „Богородица“ времето на чекање за излез знесува околу 20 минути, додека на останатите гранични премини од македонска страна нема подолги задржувања при влез или излез од државата.
Македонија
Вицепремиерот Николоски во Будимпешта на прослава на Националниот ден на Унгарија

Вицепремиерот Александар Николоски на покана на премиерот на Унгарија, Виктор Орбан, присуствува на Националниот ден кој се слави во чест на Свети Стефан основачот на унгарската држава и христијанството во Унгарија.
Покрај учеството на прославата на националниот ден, предвидени се повеќе средби со високи претставници на владата на Унгарија, неколку министри и потенцијални инвестиции. На средбите е предвидено да се разговара за динамиката на проектите во Македонија како и за идната засилена економска соработка помеѓу двете држави.
Посетата на вицепремиерот е уште една потврда за одличното пријателство и соработката помеѓу Македонија и Унгарија, се додава во соопштението на Министерството за транспорт.