Македонија
Битиќи не коментира за запаленото возило на Груби, но вели ОЈО и антикорупциската го разгледуваат случајот
Вицепремиерот за економски прашања, Фатмир Битиќи, денес не сакаше да го коментира запаленото возило, кое се поврзува со министерот за политички систем и односи меѓу заедниците, Артан Груби. По посетата на компанијата „Сеавус“, тој рече дека случајот го разгледуваат надлежните институции.
„Основното јавно обвинителство и Државната комисија за спречување корупција го разгледуваат овој случај. Искрено, тие би требало да се изјаснат. Јас не сум дел ниту од Основното јавно обвинителство ниту дел од Државната комсија за спречување корупција“, вели вицепремиерот Битиќи.
На прашањето дали запаленото возило му било подарок на Груби од сопственик на хотел на Попова Шапка, Битиќи рече дека може да зборува само за она што тој го има пријавено во анкетниот лист.
„Јас не можам да реферирам за однесувањето на другите колеги“, рече вицепремиерот Битиќи.
Во саботата, кусо по полноќ, беше запален автомобил пред зградата во која живее министерот Груби. Тој на социјалните мрежи во на сите соседи им се извини за непријатностите на кои биле изложени, а континуираните закани и последователните напади напиша дека ги смета за кукавички и подмолни. Им се извини и на пријателот и на неговото семејство за направената штета со палењето на автомобилот укажувајќи дека изгорениот автомобил не е негов, туку на негов сосед.
Поддршка доби од своите сопартијци. Министерот за надворешни работи, Бујар Османи, беше „револтиран од веста за одвратниот чин – палење на возилото на вицепремиерот Груби“, а за Крешник Бектеши, палењето на автомобилот е „неприфатлива постапка, која го нарушува имиџот на државата и создава неизвесност кај граѓаните“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Oпасен одрон на патот од Прилеп кон Кавадарци
На 112 во ЦУК, е добиена пријава за одрон на коловоз на патен правец Прилеп кон Кавадарци, поточна локација пред село Дреново, помеѓу тунелот и село Дреново.
Одронот е на двете коловозни ленти и преставува голема опасност за учесниците во сообраќајот.
Опасноста ја пријавил случаен минувач.
Регионалниот ЦУК Велес информираше дека веднаш известиле надлежните служби да излезат на терен, да ја увидат состојбата и да го отстранат проблемот, конкретно Македонија пат, при што дека истите известија до ЦУК дека ќе испратат итно екипа за расчистување на патот.
Фото: илустрација
Македонија
Левица: Без соодветна документација се гради загадувачка индустрија во подножјето на Беласица
На местото кај Смоларскиот мост, на подножјето на Беласица, на влезот од село Смолари, КО 40/4 подолго време молкум се гради „таинствен” објект на општинско земјиште. Нема никаква табла за тоа што се гради, кој е инвеститорот, кој е изведувачот. Документи во врска со објектот сè уште не се доставени и дадени на увид и по неколкукратното барање од страна на советниците од Општина Ново Село. Локалното население се сомнева дека се гради објект за загадувачка индустрија без поседување на соодветна документација, велат од политичката партија Левица преку соопштение.
„Од јавно достапниот линк од Седницата на Советот на Општина Ново Село, на прашање за називот на издадената дозвола за градба на објектот, Градоначалникот избегнува одговор и без прецизирање вели: „Производствен погон за обработка на алуминиумски одливци и легури”.
Помеѓу месното население се шпекулира дека еден од двајцата инвеститори е близок со ДУИ, а Kaja Шукова, како министер за животна средина од СДС, ја одобрила градбата.
Постојат сомневања дека објектот е од Г-1 загадувачка индустрија, на место каде е дозволено да се гради Г-2. Законот предвидува дека објекти од Г-1 индустрија може да се градат на оддалеченост од најмалку 5 км од населено место. Според загрижените граѓани, оваа градба се наоѓа на осумдесет метри од изворот на вода за пиење со кој се снабдува Ново Село.
Од неофицијални извори се споделува дека и градежниот инспектор од Општина Ново Село, кој не сакаше да потпише дозвола за градба, е трансфериран да работи во друга општина. Додека, пак, на негово место е испратен друг градежен инспектор кој ја потпишал градежната дозвола. Тоа што документите поврзани со овој објект се кријат од очите на јавноста, само го зголемува сомнежот за политичка вмешаност во истиот.
Поради тоа, Политичката партија Левица бара документите со овој објект да бидат јавно објавени и да се одговори на прашањата: Kога е издадена дозволата и од каков тип е истата? Дали и кога имало јавна расправа за овие измени во урбанистичките планови? Kој е инвеститор и кој го проектира и изведува објектот? Koја класа на индустрија е класифицирана за објектот?
Левица во континуитет стои на страната на здравата животна средина и обезбедување на квалитетни услови за живот на граѓаните. Ниту еден зелен и чист предел не смее да се уништи на сметка на богатењето на олигарсите! Доколку се потврди дека станува збор за загадувачка индустрија, Левица ќе продолжи да ги поддржува загрижените граѓани“, велат од Левица.
Македонија
За зголемувањето на пензиите и именувањата на директори ќе се дискутира на првата седница на новата Влада
Денеска во просториите на Владата ќе се оддржи првата владина седница на новиот состав, на која ќе стане збор за предлогот за линеарно зголемување на пензиите како и за именувања на раководни кадри во неколку државни институции.
По завршување на седницата, јавноста ќе биде информирана преку соопштение за донесените одлуки, информираа од владината прес-служба.