Македонија
Богоевски ќе покрене кривична постапка против Али Ахмети и Муса Џафери

Поранешниот директор на ДБК, Слободан Богоевски, најави дека можно е да покрене кривична постапка против неговите сегашни тужители Али Ахмети и Муса Џафери.
„Нека заврши подготвителното рочиште и во зависност од одлуката во судот ќе процесуирам кривична постапка против тужителите и сите оние кои учествуваа во оваа постапка“, рече поранешниот директор на ДБК, Слободан Богоевски по завршување на подготвителното рочиште, во петок.
Инаку судот ги задолжи тужителите Али Ахмети и Муса Џафери да ги обезбедат сведоците, адвокат и нотар пред кои според нив поранешниот разузнавач ја дал изјавата и оргинален транскрипт од изјавата на Богоевски пред американските власти.
„Очигледно е дека се обидуваат да постигнат повеќе ефекти, да се правдаат пред електоратот дека се чесни, невини, да издејствуваат било каква пресуда тука во судовите, каде што порано по нарачки се донесуваа и да покријат кривична постапка со постапка за граѓанска одговорност, за клевета. Тоа е нон сенс, но во Македонија видовме се овие години, па се е возможно“, рече Богоевски.
Судот повторно не се произнесе по барањето на адвокатот на Богоевски, Валентин Зафиров за утврдување на надлежност на македонскиот суд.
„Според законите на САД, не може да биде тужен за клевета лице кое сведочи пред суд за изјава дадена таму. Целта на овие тужби против него беше во предизборието, беше да се оправдаат за тоа што се води постапка во САД пред својот електорат“, рече Зафиров.
Богоевски рече дека на 7 мај ќе патува во Америка, каде треба да биде изречена пресудата за случајот „Маѓар телеком“.
Следното подготвително рочиште во граѓанскиот суд е закажано за на 25 мај, а според тужбата, Богоевски треба да плати 3 милиони денари отштета за Ахмети и 2,5 милиони денари отштета за Џафери за изјавата пред американската комисија за хартии од вредност, како и пред окружниот суд во Њујорк./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Нов напад врз социјален работник во Скопје – фрлани предмети кон вработените, искршен и инвентарот

Тетовец во текот на вчерашниот ден физички нападнал вработен во Меѓуопштинскиот центар за социјални работи во Скопје.
Нападнатиот е 41-годишен социјален работник, кој бил на своето работно место.
Тетовецот кој упаднал во установата оштетил и дел од инвентарот, фрлал тврди предмети и им се заканувал и на другите вработени.
Од МВР велат дека преземаат мерки за расчистување на случајот.
Она што загрижува е што ова се случува по само еден месец откако беше застрелана социјална работничка во Прилеп, што предизвика протести ширум земјата. Зад овој напад стоеше 50 годишен маж, кој претходно побегнал од Психијатриската болница во Демир Хисар. Социјалната работничка беше префрлена во прилепската болница со прострелна рана, но надвор од животна опасност. Напаѓачот за кој подоцна се дозна дека подолго време ја демнел жртвата, беше приведен.
Социјалните работници кои долго алармираат дека се незаштитени, по овој настан излегоа на протести, барајќи нападот врз нив да се третира како напад врз службено лице, да имаат физичко обезбедување, психосоцијална поддршка, подобри услови за работа и построги санкции за насилниците.
На овие протести беше истакнато дека вработените во Центрите за социјална работа секојдневно се соочуваат со закани, вербални и физички напади додека ја вршат својата должност, а недостатокот на безбедносни мерки во институциите каде што работат сериозно го загрозува не само нивното физичко и менталното здравје, туку и квалитетот на услугите што ги обезбедуват.
Македонија
Испитувањето на оштетените од пожарот во „Пулс“ треба да почне на почетокот на мај

Испитувањето на оштетените од пожарот во „Пулс“ во Кочани се предвидува да почне од почетокот на мај.
Од Обвинителството појаснија дека во зависност од здравствената состојба на повредените, a според однапред утврден распоред, навремено ќе ги известат за остварување на нивните права и за вклучување во постапката со нивно испитување.
Во моментот се прибавуваат и сите контактни и адресни податоци за оштетените од пожарот и семејствата на настраданите, како и за нивните полномошници во постапката.
Се додава дека обвинителскиот тим кој постапува во предметот интензивно презема итни дејствија кои не трпат одлагање. Се вршат сослушувања и координација на вештачењата неопходни за обезбедување докази за кривичната постапка.
Македонија
Кривична за тројца полицајци од Кочани поради злоупотреба на службената положба, а во врска со дискотеката „Пулс“

Полицијата поднесе кривична пријава против тројца полициски службеници со иницијали К.Б., Г.Л. и А.Т. поради злоупотреба на службената положба, а во врска со дискотеката „Пулс“ во Кочани.
Од МВР велат дека првопријавениот К.Б., како помлад инспектор-водич на безбедносен реон во Полициската станица Кочани на 7 октомври пред две години, и второпријавениот Г.Л. како инспектор за прифат-сменоводител во Полициската станица Кочани на 25 ноември истата година, по спроведена акциска контрола во кабарето „Пулс“ Кочани изготвиле записник за сторен прекршок и прекршочен платен налог на неактивно правно лице ДПТУ Класик ДМ ДОО Кочани и на одговорно лице Д.Ј., иако знаеле дека на 15 февруари 2023 во Централниот регистар фирмата била регистрирана како Друштво за производство, трговија, услуги и угостителство ДПТУУ ММММ Кафе ДООЕЛ Кочани, подружница кабаре „Пулс“ со одговорно лице М.С., со што овозможиле имотна корист за правното лице ДПТУУ ММММ Кафе ДООЕЛ Кочани и одговорното лице Митко Стојанов.
Третопријавениот А.Т., во време на извршување на кривичното дело на работно место командир на Полициската станица Кочани, во два наврати на 01.02.2024 и на 07.02.2024 одобрил и потпишал барање за поведување прекршочна постапка за констатиран прекршок по член 21 од Законот за прекршоците против јавниот ред и мир против неактивен правен субјект ДПТУ Класик ДМ ДООЕЛ Кочани и одговорно лице Д.Ј. и ги доставил до Основен суд Кочани – Одделение за прекршоци, претходно констатирани од првопријавениот на 07.10.2023 и од второпријавениот на 25.11.2023, иако знаел дека на 15.02.2023 во Централниот регистар правното лице е регистрирано како Друштво за производство, трговија, услуги и угостителство ДПТУУ ММММ Кафе ДООЕЛ Кочани – подружница кабаре „Пулс“ со одговорно лице М.С..