Македонија
Боки 13 испрати документација: Кривичен направи монструозен и морбиден фалсификат
Бојан Јовановски-Боки 13, кој издржува затворска казна во Идризово, тврди дека доби фалсификувано судско решение од Кривичниот суд. Тој водел постапка за прекин на казна поради влошена здравствена состојба за што до јавноста достави и медицинска документација со конзилијарни мислења. Решението со кое му се одбива барањето за прекин е со датум 31 јануари 2023 година, но не е потпишано од сега покојниот судија Огнен Ставрев, туку од друг судија, иако во тој временски период Ставрев беше жив. Боки 13 додава дека дополнителен сомнеж оти судското решение е антидатирано и фалсификувано е и тоа што неговиот адвокат Владимир Туфегџиќ доставувал нови докази за прекинот и на 3 февруари, кои Кривичниот суд ги примал, иако, според датумот на решението, постапката била завршена.
„Наместо законита одлука темелена на докази, добив судско решение за кое изразувам основано сомневање дека е фалсификувано и антидатирано под директна наредба од страна на претседателот на Основниот кривичен суд, Иван Џолев. Судското решение, кое е со датум од 31.1.2023, не е потпишано од страна на починатиот судија Огнен Ставрев дотолку повеќе што видно од решението се гледа потпис со апостроф, кој не коинцидира со потписот на покојниот судија, а оттука се наметнува и прашањето поради кои причини судијата, кој бил на работа до 3.2.2023 година, пред да почине на 4.2.2023 година, не го потпишал решението што го донел и поради кои причини веднаш не го верифицирал во АКМИС-системот во согласност со законот и судскиот Деловник за работа“, пишува Боки 13 и се додава дека се работи за монструозен и морбиден фалсификат на деценијата.
Соопштението потпишано од Боки 13
Осудениот до јавноста ја достави и жалбата што ја има поднесено до Кривичниот суд.
„Жалбата ја истакнувам за да ви ги набележам сите работи што сметам дека еден ден ќе имаат голема улога во расчистувањето на политизираното, партиско и криминално судство, кое денеска одлучува за човечки животи и судбини, а не затоа што верувам во правилна пресуда“, се вели во жалбата на Боки 13 и се додава:
„Па, сега, ве прашувам: Дали вие, судии, нарачателот на фалсификуваното решение, претседателот Иван Џолев, или кој и да го пишувал и потпишал ова решение, сте при чиста свест или, пак, сте до толку неинформирани, незаинтересирани и неупатени за свесно медицинскиот задолжителен хигиено-диетски режим, кој значи медицински протокол, да го сведете и изедначите со прибор за хигиена? И на крајот, ве прашувам дали тоа значи дека затворот во согласност со вашето решение ќе ми даде да јадам сапуни, виледа, крпи и да пијам ‘доместос’ и на тој начин ќе ми биде овозможено спроведувањето на хигиено-диететскиот режим?“
Жалбата на решението во која се тврди дека Кривичниот суд направил фалсификат за да не му даде прекин на казната со приемен печат од таму
Во прилог на соопштението, Боки 13 преку правниот тим во имејлот достави и десетици страници медицинска документација потпишана од доктори специјалисти од градската болница „Наум Охридски“. Меѓу неа, има и неколку конзилијарни мислења, на кои се потпишани десетици доктори.
„Во смисла на сериозноста, карактерот и интензитетот на болеста, кај пациентот се препорачува и се дава задолжително упатство за понатамошно лекување и третман, што би значело лекување исклучиво во домашни услови, веднаш и неодложно по завршување на болничкото лекување бидејќи пациентот со ваква здравствена состојба и опишаните ризици од неа, медицински е недозволено да се лекува во пенални услови“, стои во едно од конзилијарните мислења.
Последната страница од едно од конзилијарните мислења дадени од доктори од градската болница во Скопје
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Неколку скопски општини денеска без струја
Од ЕВН Македонија АД известуваат дека денеска без електрична енергија ќе останат:
– во периодот од 08.00 до 15.00 часот, корисниците од селата Мршевци, Бујковци, Бучинци ( општина Илинден ) Грушино ( општина Арачиново ) , сите приватни трафостаници со волтаици во Мршевци ( општина Илинден ) како и приватните трафостаници на Моби Мак во Мршевци ( општина Илинден ) и Грушино. ( општина Арачиново )
– во периодот од 09.00 до 11.00 часот, дел од корисниците од село Кадино. ( општина Илинден )
– во периодот од 09.00 до 12.00 часот, дел од корисниците од улиците Димо Хаџи Димов и Марко Орешковиќ ( општина Кисела Вода ), дел од корисниците од улиците Костурски Херои и Петар Поп Арсов ( општина Центар ) како и корисниците од ул. Васил Стефановски. ( општина Центар )
– во периодот од 09.00 до 13.00 часот, дел од корисниците од ул. Фјодор Достоевски. ( општина Карпош )
– во периодот од 09.00 до 16.00 часот, корисниците од улиците број 15, 17, 19, 21, 23, 25, 27, 29, 71, 73, 75, 79, 83, 100 и 101 во село Волково. ( општина Ѓорче Петров )
Македонија
Сончево и топло со мала до умерена облачност, попладне повремен дожд
Времето денес сончево и топло со мала до умерена облачност. Попладне и во текот на ноќта ќе има локален пороен дожд и услови за појава на грмежи. Ќе дува умерен, наместа повремено засилен ветер од југоисточен правец (над 60 km/h).
Минималната температура ќе биде во интервал од 0 до 6, а максималната ќе достигне од 18 до 23 степени.
Во Скопје сончево и топло со мала до умерена облачност. Попладне во делови од котлината ќе има повремен пороен дожд. Ќе дува умерен до засилен ветер од југоисточен правец. Минималната температура ќе се спушти до 4, а максималната ќе достигне до 23 степени.
До сабота ќе се задржи топло време со дневни температури кои на повеќе места ќе бидат над 20 степени и ќе дува засилен јужен ветер (над 60 km/h).
В среда попладне во текот на ноќта и в четврток претпладне ќе има локални врнежи од дожд, наместа поројни, проследени со појава на грмежи. Преодно стабилизирање на времето ќе има в петок и в сабота, а в недела повторно на повеќе места ќе биде нестабилно со пороен дожд и грмежи.
Македонија
Претреси на повеќе локации низ државата: Бизнисмените Јахоски и Капушевски обезбедени од полицијата
На локации во Скопје и низ државата во тек е акција на Одделот за сузбивање на организиран криминал и корупција во координација со Основното јавно обвинителство за гонење на организиран криминал и корупција. Попладнево полицијата ги обезбеди бизнисменот и поранешен директор на Спортскиот центар „Борис Трајковски“, Ратко Капушевски и сопственикот на „Пуцко петрол“, Асмир Јахоски.
„Доцна попладнево под раководство на јавен обвинител од ОЈО ГОКК, БЈБ и МВР извршуваат претреси на повеќе локации низ државава.Претресите се со Наредба на судија на претходна постапка од Основниот кривичен суд Скопје, а во врска со сторени кривични дела поврзани со набавка на деривати,“ велат од ОЈО ГОКК.
Од МВР исто така потврдија дека Одделот за сузбивање на организиран криминал и корупција при Бирото за јавна безбедност, МВР во координација со ОЈО ГОКК по наредба на судија на претходна постапка врши претреси на локации во Скопје и низ државата во врска со сторени кривични дела поврзани со сомнителни набавки на деривати, штета од големи размери за буџетот на државата и штета врз здравјето на луѓето.
Според првичните информации, се работи за огромна сума од околу 10 милијарди денари (околу 160 милиони евра) испумпани преку фиктивни договори за позајмици и посреднички услуги за испорака на сомнителни горива.
Ратко Капушевски во 2014 година ја напушти државната служба и започна работа како проект-менаџер во канцеларијата на рускиот бизнисмен Сергеј Самсоненко. Потоа, се посвети на енергетскиот сектор и неговата компанија, РКМ, која во последните години добиваше јавни набавки во вредност од стотици милиони евра. Неговото име беше поврзувано со контроверзни тендери за набавка на нафта и нафтени деривати за државни институции.
Покрај Ратко Капушевски, во денешната акција на МВР и ОЈО ГОКК претреси се извршени и кај Асмир Јахоски, сопственик на компанијата Пуцко Петрол.
ССМ најави можен штрајк на 2 и на 7 април доколку Владата не ги повика на преговори за 500 евра минимална плата
Големи се шансите на 2 и на 7 април, доколку нема слух од спротивната страна, Сојузот на синдикатите на Македонија...
Камбовски: Личен чин е дали членовите на Судскиот совет ќе поднесат оставки или не
Претседателот на Судскиот совет, Александар Камбовски денеска изјави дека набрзо ќе биде избран в.д. претседател на Врховниот суд, а изборот...
Андоновски до потписот не знаел дека компанијата што добила два тендера во неговото министерство е на сопругот на државната секретарка
Министерот за дигитална трансформација Стефан Андоновски не ги поништил тендерите за набавка со компанијата сопственост на сопругот на државната секретарка...
Кремљ: Русија и САД имаат долг и тежок пат пред нив
Русија верува дека обновувањето на односите со САД е долгорочна и тешка задача, но верува дека постои политичка волја за...
Две лица од Ресен и Штип загинаа во сообраќајни несреќи вчера во Македонија
Две лица го загубија животот во одделни сообраќајни незгоди во текот на вчерашниот ден. Првата се случи на магистралниот пат...
Од полноќ нови цени на горивата
Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе oдлука...
Сиљановска-Давкова ги потпиша указите за отповикување девет амбасадори од должноста
Претседателката Гордана Сиљановска-Давкова ги потпиша указите со кои се отповикуваат осум амбасадори од должноста бидејќи заминале на тие позиции без...
Пендаровски е озборувач, кој покажа дека е против Америка, реагира ВМРО-ДПМНЕ
Социјалдемократскиот сојуз си го покажа вистинското лице и на планот на меѓународната политика на државава. Освен нивните аналитичари, сега и...
„Мицкоски и Таравари се препелкаат во лаги – зошто веднаш не ја отфрлаат штетната понуда на ‘Ѓока констракшн’“, прашува СДСМ
„Не е јасно кој повеќе лаже – дали Мицкоски или Таравари – во однос на случајот со паркингот на Клиничкиот...
(Видео) Новиот канадски премиер: Трамп ги напаѓа нашите работници и семејства, тоа нема да го дозволиме
Поранешниот гувернер на централната банка Марк Карни победи во трката за лидер на канадската владејачка Либерална партија и ќе го...
Европа значително го зголеми увозот на оружје во последните четири години
Европскиот увоз на оружје се зголеми за 155 отсто помеѓу 2020 и 2024 година, при што Украина стана најголемиот увозник...
Израелците лути на Американците; Претставникот на Трамп: Навистина не ми е грижа
Пратеникот на Трамп за прашањето за заложниците, Адам Болер, рече дека „навистина не му е грижа“ за критиките од израелскиот...
Иран: Ќе преговараме со САД, само без притисок и закани
Иранскиот министер за надворешни работи Абас Арагчи синоќа во објава на социјалната мрежа Икс напиша дека неговата земја ќе преговара...
(Видео) Трамп: Украина можеби нема да преживее
Доналд Трамп синоќа изјави дека Украина можеби нема да преживее, со или без Американците. Тој го изјави ова во интервју...
Андоновски најави нови правила за онлајн медиумите
Со измените на Законот за медиуми, кои се во владина процедура и наскоро ќе влезат во собраниска расправа, ќе се...
Еден загинат на патот Битола-Ресен
Попладнево на регионалниот пат А3, Битола-Ресен кај местото викано Макази се случи сообраќајна несреќа во која загина 46 – годишен...
Нарко-босот Валмир Етеми беше екстрадиран, а сега е пуштен од притвор со гаранција од 600.000 евра
Обвинетиот Валмир Етеми кој е организатор на криминална група за трговија со дрога и оружје во охридско-струшкиот регион, кој беше...
Јанев: Секој возач е потенцијална „жртва“ доколку не ги почитува сообраќајните правила
Директорот на Бирото за јавна безбедност, Александар Јанев, најави дека се размислува за комбинирање на повеќе мерки за подобрување на...
Василевска: ДУИ си вработи луѓе кои не одат на работа, а земаат плата, затоа глумат политичка жртва
Негативната селекција и позитивната дискриминација се два главни проблеми со кои македонското општество мора да се справи доколку сака вистински...
„БМВ“ удри во мопед, еден малолетник е тешко повреден, а другиот полесно
Еден малолетник е тешко повреден, додека друг добил полесни повреди откако во нив удрило „бмв“ додека тие биле на мопед....
