Македонија
Болницата „Жан Митрев“ го критикува начинот на кој се презентираат бројките на починати од Ковид-19

Болницата „Жан Митрев“ реагира на начинот на кој Министерството за здравство ги презентира бројките на оздравени и починати пациенти од Ковид-19.
Преку допис испратен до Министерството за здравство, министерот Венко Филипче и до Институтот за јавно здравје, односно директорот Шабан Мемети, болницата бара извинување за вчерашните објавени бројки во однос на смртните случаи настанати како последица на Ковид-19 во болницата „Жан Митрев“.
Ова се случи откако во вчерашното соопштение на Министерството во однос на бројката на оздравени и починати лица беше соопштено дека вкупно починале 20 лица, со забелешка дека за 24 часа починале шест, а другите 14 луѓе се од Клиниката „Жан Митрев“, кои починале во периодот од 4 до 30 јануари годинава.
Според приватната болница, ваквиот начин на известување остава негативен впечаток кај сите читатели и ја искривува реалната слика наведувајќи ги читателите на заклучок дека само во нивната институција умираат огромен број луѓе.
„Во случајот искористени се нашата транспарентност, детаљното и ревносно известување за комплетно погрешни цели. За жал, реалноста е комплетно поинаква. Бројките од анализата на смртни случаи покажува нешто сосема друго. Во согласност со податоците што се јавно достапни во Институтот за јавно здравј,е резултатите се следни: од вкупниот број на сите починати во јануари, кој изнесува 328, поточно во наведениот период од 4 до 31 јануари изнесува 286, во ‘Жан Митрев’ се 14. Пресметано во проценти тоа изнесува 4,9 %. Ако земеме предвид дека од почетокот на пандемијата бројката на вкупно починати е 2.893, процентот на вкупно починати во нашата институција е 5 %. Клиниката ‘Жан Митрев’ како институција од самиот почеток на пандемијата секојдневно се бори за животите на најтешките пациентите, па дури и за оние од кои сите други се откажале. Уште од самиот почеток на пандемијата ги ставивме на располагање нашите капацитети за интензивно лекување, а нашите методи на третирање на најтешките облици на болеста се публикувани, цитирани и признати во светски рамки. Потрагата по сензационални вести и бројки, т.е. сензационалистичкиот начин на соопштување бројки надвор од контекст, не е првпат, но се надеваме дека е последен. Очекуваме комуникацијата и соработката како со Министерството за здравство така и со Институтот за јавно здравје да продолжи со несмален интензитет“, велат од „Жан Митрев“.
Од таму замолуваат транспарентно да се споредат бројките на сите институции и тие да се испратат до медиумите со извинување за настанатата ситуација.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Јанев на заокружување на обуката „Истрага на местото на настанот“, насочена кон унапредување на истражните капацитети на полициските сили

Директорот на Бирото за јавна безбедност Александар Јанев присуствуваше на свеченоста за доделување на дипломите, што се одржа во Центарот за обука на полицијата во Идризово, заедно со помошник министерот за внатрешни работи и началник на Центарот за обука, Влатко Митковски, како и со амбасадорот на Италија во нашата земја, Н.Е. Паоло Палминтери.
Обуката беше реализирана од Вишиот институт за истражни техники на карабинерите на Италија, со организациска поддршка од Италијанската амбасада во Скопје.
Учесниците на курсот имаа можност да стекнат напредни знаења и практични вештини за истражување на место на настан, притоа следејќи современи европски и меѓународни стандарди.
“Посебна благодарност упатувам до италијанските експерти за нивниот професионален ангажман и пренесеното знаење и сакам да истакнам дека како институција, особено ја цениме оваа соработка што претставува значаен чекор кон унапредување на капацитетите на нашата полиција и поддршка на владеењето на правото”, истакна директорот Јанев, додавајќи дека ова е уште еден показател за успешната и стратешки ориентирана билатерална соработка со Италија во областа на безбедноста и претставува дел од заедничките напори за градење побезбедно и посилно општество.
Македонија
Николоски учествува на висок министерски форум во Истанбул

Вицепремиерот и министер за транспорт Александар Николоски денеска и утре учествува на Форум за министри за транспорт што се одржува во Истанбул.
Во планираната агенда е предвидено обраќање на вицепремиерот Николоски на панелот насловен ,, Иновативни можности и решенија за финансирање на транспортни коридори” .
На Форумот ,,Глобална Транспортна Поврзаност” предвидено е да се обрати претседателот на Турција, Реџеп Таип Ердоган, министерот за транспорт на Турција, Абдулкадир Уралоглу како и други министри од Европа и светот.
На настанот ќе земат учество и бројни министри како што се министерот за транспорт на Шпанија, на Албанија, на Саудиска Арабија, Сингапур, Црна Гора, Обединетите Арапски Емирати, како и многу други високи претставници од институции од областа на транспортот.
Македонија
Сиљановска-Давкова прими припаднички на Армијата кои успешно завршија обука во САД

Претседателката Гордана Сиљановска-Давкова ги прими капетанката Неда Волчева и поручничката Сара Тасевска кои успешно го завршија седуммесечниот курс „Maneuver Captain’s Career Course“во Џорџија, САД, организиран од американскиот тренинг центар „Fort Moore”.
На средбата на којашто присуствуваа началникот на Генералштабот на Армијата, генерал-мајор Сашко Лафчиски и американската амбасадорка Анџела Агелер, двете припаднички на Армијата ја запознаа претседателката со фазите, содржините и квалитетот на воено-образовната обука и ги споделија нивните натамошни планови, заложби и амбиции за кариерен напредок.
Препознавајќи во нив потенцијал за идни генерали, Сиљановска-Давкова им честиташе на Волчева и Тасевска за успешно завршената обука и изрази уверување дека стекнатите знаења, вештини и експертиза ќе ги применат во интерес на македонската армија.
Според неа, реализацијата на оваа програма претставува влог во македонско-американското партнерство и е посебно значајна за промоција на земјава како лојален и кредибилен сојузник во НАТО.
Признавајќи ги одличните резултати што ги постигнуваат жените, соговорниците се согласија дека нивното партиципирање во меѓународните обуки треба да биде редовна пракса.
Сиљановска-Давкова на средбата ја реафирмираше својата заложба за формирање на Регионален центар за извонредност за жени, мир и безбедност со седиште во Скопје, заради промоција на жените во безбедноста и одбраната во регионот.