Македонија
Борел: На патот кон ЕУ нема да го загубите својот идентитет, никој од нас не го губи

Високиот претставник на ЕУ за надворешни работи и безбедносна политика Жозеп Борел во своето обраќање на Првата меѓувладината конференција во Брисел рече дека на Северна Македонија не ѝ e потребен заклучок од Европската Унија со кој ќе ѝ се потврди идентитетот затоа што нашата земја нема да го загуби во процесот на преговори.
„Живееме во време на политики на идентитети. На патот кон ЕУ нема да го загубите својот идентитет, никој од нас не го губи. Ние имаме неколкуслојни идентитети. Македонија со својата богата историја и култура секогаш била дел од Европа, вам не ви требаат заклучоци за тоа од ЕУ. Ни требате вие, ни треба Северна Македонија за да го надополни нашиот идентитет“ – рече Борел.
Тој беше прв човек на Европскиот парламент во 2005 година кога Македонија тогаш предводена од премиерот Владо Бучковски доби позитивно мислење од ЕУ и потоа остана во чекалницата 17 години.
„Денес конечно започнуваме со процесот за кој чекавте и многу работевте. Живееме во многу големи и тектонски политички промени, се движиме кон стратешки одлуки, но стоиме на крстопатот во историјата. Се согласувам дека може да напредуваме само со целосно интегрирање на Западен Балкан во ЕУ. ЕУ беше креирана за да ги залечи поделбите и ги намали разликите од војните на Стариот Континент. Денес Македонија оди кон следната фаза на патот кон ЕУ. Живееме во клучни времиња и овој момент треба Македонија да го искористи за да ги направи клучните реформи. Преку пристапниот процес ќе се постигнат резултати кои ќе го трансформираат општеството и ќе донесат материјални придобивки за граѓаните. Ќе ви помогнеме при обидите трети страни да влијаат врз вас и ќе ви помогнеме да се соочите со последиците од војната во Украина. Ќе стоиме покрај вас на цел пат“ – истакна Борел.
Орце Костов
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без вода дел од Кисела Вода

Регионалниот центар за управување со кризи на Град Скопје, по добиеното известување од ЈП Водовод и канализација, информира дека денеска поради изведување на водоводен приклучок на водоводна мрежа со пречник од Ф-150 мм на улицата Христо Татарчев бр. 47, прекинато водоснабдување ќе имаат корисниците од истата улица и кулите – Расдник, oпштина Кисела Вода.
Водоснабдувањето ќе биде прекинато од 09:00 часот до завршување на работните активности.
Македонија
Сончево и топло, максималната температура ќе достигне до 34 степени

Времето денеска ќе биде сончево и топло со мала локална облачност. Ќе дува слаб до умерен, а наместа долж Повардарието повремено засилен ветер од северен правец. Минималната температура ќе биде во интервал од 9 до 19, а максималната ќе достигне од 27 до 34 степени.
Во Скопје, сончево и топло. Ќе дува умерен, во делови од котлината повремено засилен ветер од северен правец. Минималната температура ќе се спушти до 17, а максималната ќе достигне до 34 степени.
Времето во наредните денови
Во следните денови времето ќе биде стабилно, претежно сончево и топло. Ќе дува умерен, во сабота наместа долж Повардарието повремено засилен северен ветер.
Македонија
„Уапсени се полицајци и полициски функционери кои биле на смена кобната вечер“: СДСМ ја поздрави акцијата на ОЈО ГОК за Кочани

„Ја поздравуваме вечерашната акција на Обвинителството за организиран криминал и корупција во која се лишени од слобода полицајци и полициски функционери кои биле на смена кобната вечер на 16 март во т.н. дискотека Пулс во Кочани“, соопшти СДСМ.
„Фактот што четири месеци ВМРО-ДПМНЕ се обидуваше да ја сокрие одговорноста на полицајците и полициските функционери, фактот што нивната вина беше негирана од страна на Панче Тошковски и Христијан Мицкоски укажува на тоа дека сите биле вмешани или на некој начин знаеле за нелегалното работење на Пулс и тоа го одобрувале.
Само поради обидите да се сокрие одговорноста од страна на Тошковски и Мицкоски на лицата кои тие ги поставија за полицајци, командири и началници би требало веднаш да си поднесат оставки.
Одговорност мора да има и за Александар Јанев, директорот на БЈБ. Тошковски и Јанев не смеат повеќе да ја попречуваат истрагата ниту да влијаат некој да не сноси одговорност.
Вистината за Кочани која цела недела ја објавуваше СДСМ е точна. Се покажа дека без силен притисок на јавноста, на дел од медиумите и на СДСМ нема да има правда за Кочани. Време е за одговорност, време е за оставки“, се додава во соопштението на СДСМ.