Македонија
Бочварски од Валандово: Реконструиравме преку 180 улици во општините, подршката продолжува за да создадеме подобри животни услови за граѓаните
Во континуитет го подобруваме животот на граѓаните, а урбаниот развој и подобрување на локалната инфраструктура во општините се нашите приоритети и ние активно работиме на таквите приоритети. Централната власт останува најголем поддржувач и инвеститор во општините, истакна министерот за транспорт и врски, Благој Бочварски, при денешната посета на општина Валандово.
Во рамки на посетата, Бочварски со градоначалникот Перо Костадинов потпишаа договори за реализација на инфраструктурни проекти во општина Валандово.
Тие извршија увид во изградба на локалниот пат за поврзување на населените места Јосифово и Калково, проект кој се реализира преку Министерството за транспорт и врски. Исто така извршија увид и на завршениот локален пат во н.м Горна Маала во село Јосифово, инвестиции со вкупна вредност од преку 20 милиони денари.
„Ова се многу значајни средства за локалната самоуправа и убеден сум дека даваме силен инпут за развој на општината и за подобрување на условите за живот на граѓаните. Нашиот приоритет останува ист, модернизација на инфраструктурата во општините, бидејќи тоа носи директен бенефит за населението. Општина Валандово е една од општините која максимално ги користи средствата што централната власт ги има наменето за поддршка на локалните самоуправи, а ние преку Министерството за транспорт и врски тука инвестираме како во патната, така и во комуналната инфраструктура и исклучително сум задоволен од досегашната соработка која ја имаме со градоначалникот Костадинов. Имаме прецизен план како да ги развиваме општините, а тоа го покажуваме токму со овие директни инвестиции. Продолжуваме со добрата комуникација и заедничка соработка, граѓаните ни се на прво место и работиме за обезбедување подобри услови за живот во сите општини“, изјави Бочварски.
Костадинов најави продолжување на активностите со цел модернизација на целокупната инфраструктура во општината.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Топло со умерена облачност, температурата до 25 степени
Времето денеска ќе биде сончево и топло со мала до умерена локална облачност. На североистокот ќе има услови за појава на краткотраен дожд.
Ќе дува слаб до умерен, а по должината на Повардарието краткотрајно засилен ветер од југоисточен правец. Минималната температура ќе биде во интервал од 6 до 12, а максималната ќе достигне од 20 до 25 степен.
Во Скопје сончево и топло со мала до умерена облачност. Ќе дува слаб до умерен ветер од југоисточен правец. Минималната температура ќе се спушти до 11, а максималната ќе достигне до 23 степени.
Ќе настапи преодно стабилизирање на времето со позначителен пораст на дневната температура. Од сабота кон крајот на денот повторно се очекува нестабилно време со локален пороен дожд и грмежи, локално во форма на невреме. Повремена претежно попладневна нестабилност со пороен дожд и грмежи, со променлив интензитет, ќе има сѐ до средината на следната недела.
Скопје
108 санкционирани возачи во Скопје
Секторот за внатрешни работи Скопје во текот на вчерашниот ден продолжи со контролите во областа на сообраќајот.
„На територијата на град Скопје изречени се вкупно 108 мерки, меѓу кои девет мерки за возење без возачка дозвола, четири санкции за минување на затворен сигнал – црвено светло, седум мерки за користење мобилен телефон при возење, осум санкции за некористење на сигурносен појас…“, извести МВР.
Од таму додаваат дека сообраќајните контроли продолжуваат и во наредните денови.
Македонија
Нема подолги задржувања за влез и излез од државата
Сообраќајот на државните патишта се одвива непречено, по наместа влажни коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.