Македонија
Брзо и паметно до мајстор – Daibau.mk

Градба и реновирање – колку само може да бидат тешки овие работи. Дури и ако се работи само за средување на бањата или кујната, тоа може да биде доста стресно и полно со неочекувани компликации. Имено, се отвораат многу теми, а меѓу најважните, секако е, прашањето како да се најде мајстор кој професионално и навреме ќе ги заврши сите потребни работи, ќе даде се од себе за работата да биде успешна, а во исто време да биде чесен и сигурен.

Young happy couple surfing the Internet on a computer during home renovation process.
На сите ви се добро познати приказните за изведувачите кои постојано откажуваат состаноци, премногу калкулираат и на крајот, ако ја завршат работата, таа не ги исполнува очекувањата. Доколку се соочувате со слични дилеми и сомнежи кога барате изведувач, со задоволство ве информираме дека има решение. Конечно и во Северна Македонија Daibau.mk платформата го олеснува наоѓањето квалитетни изведувачи. Доколку ви треба помош за изградба или реновирање, на платформата можете да најдете голем број локални изведувачи кои сигурно ќе ги задоволат сите вашите очекувања.
Ваш личен е-советник за градба и реновирање
Главната цел на онлајн платформата, која е веќе добро позната во земјите како на пр. Србија, Австрија, Германија (Daibau е достапен дури во 12 европски земји), е да обезбедиме поинакво искуство во однос на сите работи поврзани со реновирање на домови и градежни работи од она на што сме навикнати. Искуство без стрес и разочарување, напротив, исполнето со задоволство поради сето она што сте го доживеале пред, за време и по работата. Daibau е клучот за сè, бидејќи ја презема улогата на ваш личен е-советник, запознавајќи ве на едно место со мајсторите и нивните референци. Ова ве става во позиција да донесувате најповолни одлуки во врска со тоа што сакате да промените во или околу вашиот дом.
Со помош на платформата, исто така, подобро и поефикасно ќе управувате со вашиот буџет и рокови за реализација на проекти. Погледнете за што сè може да ви користи Daibau.mk.
Како да го пронајдете најдобриот мајстор?
Позитивно корисничко искуство е овозможено првенствено од огромната база на податоци на изведувачи и даватели на услуги за сите можни градежни работи. Од бетонирање, малтерисување, електрични инсталации, планирање на пејзажна архитектура, до инсталација на клима или водовод и столарски услуги како и бројни други активности. За да најдете експерти за вашиот проект, едноставно оставете барање на порталот. Притоа, треба да дадете информации специфични за вашата ситуација, односно да го наведете видот на работата, саканиот период и рок за работата и локацијата. Системот за пребарување на понудувачи на платформата Daibau е дизајниран така што секогаш се земаат предвид сите ваши барања, а потоа, во согласност со нив, ви се нудат најадекватно решение и изведувачи. Изведувачите што ќе ви ги предложи порталот се веќе оценети од претходните корисници, кои ги нарачале истите работи.
Покрај желбата за поедноставување на процесот на реновирање или градба, една од главните предности што ја нуди платформата Daibau е можноста за проценка на квалитетот на услугите на изведувачот. Како воопшто може да се постигне ова? Веб-платформата ви овозможува да ги оценувате и коментирате ангажираните мајстори по завршувањето на работата. Бидејќи мајсторите се оценуваат директно врз основа на искуството на неколку корисници, кога ќе ја посетите платформата брзо ќе добиете реален и точен увид во нивниот квалитет и полесно ќе донесете одлука врз основа на тоа. Проценката заснована на голем примерок од различни луѓе е многу пообјективнa отколку препорака од пријател што претставува само едно, изолирано искуство. Со оглед на тоа што веб-порталот се базира на системот на оценување на изведувачите по завршувањето на работите, секој вложува повеќе труд и се труди да работи чесно, доверливо и квалитетно. Ако добијат лоши оценки, тоа автоматски значи лош публицитет за нив, што, се разбира, никој не го сака. Daibau.rs на тој начин ви дава поголема контрола врз целиот процес, од првите состаноци до крајот на работата.

Happy couple talking to manual worker about housing plans at construction site.
Накратко, Daibau.mk е активен низ цела држава. Сега знаете каде да кликнете следниот пат кога барате даватели на градежни работи и услуги за да го олесните целиот процес што е можно повеќе и да уживате безгрижно. Ништо не носи поголемо задоволство од престојот во уреден дом. И не е мала работа да се знае дека постои платформа преку која секое идно реновирање ќе биде едноставно, висококвалитетно, брзо и доверливо. За жал, веќе немате изговори за да го одложите реновирањето.
ПР
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Алиу ветува 205 милиони евра за болници кои инспирираат доверба, а не страв

Верувам дека здравството е повеќе од систем. Тоа е нераскинливо морално ветувањето што си го даваме едни на други: дека кога најмногу ни треба, ќе има некој тука за нас“, порачува во видео обраќање министерот за здравство, Азир Алиу.
Тој нагласува дека тоа ветување денес има потреба да се врати во системот, но без импровизирани одлуки, туку со јасна визија. Без носталгија, со податоци и храброст.
-Визијата станува реалност со голем прв чекор: 205 милиони евра за болници кои инспирираат доверба, а не страв, вели министерот Алиу, додавајќи дека во Штип ќе се гради модерна клиничка установа и Факултет за медицина за идните генерации лекари.
-Во Тетово, болницата ќе добие современа медицинска опрема и два нови објекти, со што ќе прерасне во симбол на грижа и достоинство. Во Кичево, каде што болницата остана нереализирано ветување од минатиот век, од темел ќе градиме нова, светла, топла и достојна за секој од вас, вели министерот Алиу.
Тој истакнува дека ова е само почеток, бидејќи хоризонтот на неговата визија е многу подалеку.
-Да изградиме модерно, хумано и дигитализирано здравство. Ние не сме тука да чекориме по патеки од минатото кои не водат никаде, ние сме овде да градиме доверба за идните генерации. И заедно со вас, ќе ја направиме оваа визија реалност, порачува министерот за здравство, Азир Алиу во неговото видео обраќање.
Македонија
И војниците на АРМ ќе се вклучат во гаснење на пожарот во кривопаланечкото село Нерав

Пожарот во кривопаланечкото село Нерав уште е активен, на терен се повеќе екипи на територијалните противпожарни единици од Крива Паланка и Ранковце, припадници на МВР, на ЈП “Македонски шуми”- подрачно шумско стопанство Осогово, помагаат и мештаните, се на помош ќе пристигнат и припадници на АРМ, информира командирот на територијалната противпожарна единица од Крива Паланка, Иле Коцевски.
Според првичните проценки, опожарена е површина од околу сто хектари борова шума.
– Непристапниот терен и ветерот се главната причина што речиси и по триесет часа откако избувнал пожарот,да не можеме да го локализираме. Денес моравме да евакуираме и население и стока за да ги спасиме, за среќа спречивме ширењето да се направи кон куќите, но во овој пожар во повеќе наврати животите на пожарникарите,на моите колеги и на другите вклучени во гасењето, беа во опасност поради неконтролирано ширење и префрлање на пламените јазици. За жал дождот го заобиколи селото и не беше баш сојузник, така што, сѐуште сме на терен и очекуваме во секој момент да пристигнат и армиските сили за помош во справувањето со огнената стихија, изјави во телефонски разговор командирот на ТППЕ Крива Паланка, Коцевски.
Пожарот избувнал вчера околу пладне, а во ТППЕ Крива Паланка е пријавен во 14 часот.
Во текот на вчерашниот ден и ноќта пожарот активно го гаселе пожарникарите од Крива Паланка и Ранковце, Противпожарна единица од Трговиште, Србија, екипи од јавното претпријатие „Македонски шуми“ – Подрачно шумско стопанство “Осогово”,Крива Паланка и локално население од селата Нерав и Трговиште.
Македонија
Ангелов: До 13:30 часот се евидентирани 16 пожари на отворен простор

До 13:30 часот на 27 јули 2025 година, на територијата на државата се евидентирани вкупно 16 пожари на отворен простор, од кои осум се активни, шест се ставени под контрола и два се целосно изгаснати.
Како што информира директорот на Дирекцијата за заштита и спасување Стојанче Ангелов најтежок е пожарот на Планината Готен.
-Најсериозен и најкомплексен пожар со кој се соочуваме моментално е оној на планината Готен, која се наоѓа помеѓу општините Радовиш, Василево и Берово, изјави тој на прес-конференција.
Рече дека од страна на Радовиш, пожарот има развиен голем крак, кој од утрово е видлив и од патот Струмица–Радовиш, предизвикувајќи загриженост кај локалното население.
Додаде дека пожарот се шири во насока на населени места, а во текот на денешниот ден се очекува потенцијално приближување до селото Јаргулица, во зависност од насоката на ветрот.
Ангажирани се два хеликоптери на МВР: тип Bell 412 и Bell 212, и тие се активни од раните утрински часови до попладне.
Седум Пинцгауери на Дирекцијата за заштита и спасување, три „Хирмелини“ и 2 БТР-и, со планирано засилување во текот на денот, 50 припадници на Армијата се на терен од утрово. Има и пожарникарски единици од Радовиш, делумно од Струмица и околните општини како и Доброволци од селата, организирани ловци и месно население, чија примарна задача е одбрана на селата и имотите, во случај на проширување на пожарот.
Ангелов оцени дека сите сили и ресурси се ангажирани во борбата со огнот на планината Готен, кој моментално е најактивниот и најризичен пожар во државата. Истакна дела подготвени се дополнителни единици и средства за евентуално пресретнување на пожарот во насока на населени места.
-Со оглед на неповолните временски услови, и ограничената веројатност за врнежи, состојбата и понатаму се смета за критична и бара максимална мобилизација. Во моментов, на територијата на државата се води широка и интензивна борба со активни пожари на повеќе локации. Ангажирани се сите расположливи сили – пожарникари, припадници на Армијата, хеликоптери, теренски возила, доброволци – сите вложуваат натчовечки напори. Свесни сме дека за многу граѓани ова е ново, а за некои – за жал – веќе видено, но одамна заборавено искуство. Разбираме дека чувството на несигурност, страв и загриженост се сосема природни, особено кога огнот се приближува до домовите, изјави Ангелов.
Но, во овие моменти, додаде, најважно е сите заеднички, со трпение и разбирање, да се справиме со предизвикот.
Апелира до сите граѓани да се придржуваат кон упатствата на службите на терен, да не создаваат непотребна паника или притисок, да покажат трпение, дисциплина и доверба во надлежните и каде што можат и е безбедно – да помогнат или се приклучат на доброволни тимови.
Соопшти дека како дел од активната борба со пожарите низ државата, и натаму се водат интензивни теренски активности на повеќе критични точки.
Тоа се пожарите на планината Готен (општини Берово, Василево, Радовиш) каде пожарот се заканува да се прошири кон поквалитетна шума, што дополнително ја влошува ситуацијата.
На терен дејствуваат 40 припадници на Армијата, локални пожарникари од Берово, екипи од „Национални шуми“, на лице место се наоѓа заменик-директорот на „Национални шуми“, Кире Михаилов, кој ја координира акцијата, а има и поддршка од градоначалникот на Радовиш.
Во однос на пожарот кај село Косевица (Општина Македонска Каменица) се ангажирани локална противпожарна единица, јавно комунално претпријатие, доброволно противпожарно друштво и околу 30 припадници од месното население.
Засега пожарот е под контрола, но условите остануваат променливи.
Пожарот кај с. Неров (Крива Паланка, близу српската граница) кој избил вчера попладне, во близина на граничната линија активирани се два ертрактори, со по еден налет секој, еден „хермелин“, 20 припадници на Армијата се веќе на терен, а дополнителни 30 припадници се испратени поради влошување на состојбата.
Пожарот меѓу селата Црешево, Локвици и Крапа (Општина Македонски Брод) е активен повеќе од 10 дена, со екстремно тежок терен за гаснење. Досега се употребени ертрактори и хеликоптери, со ограничен ефект.
Ангелов рече дека непристапност на теренот во некои делови го оневозможува делувањето на сили од копно и дека има делумно ангажирање на локални пожарникари и вработени од „Национални шуми“
Ангелов истакна дека поради влошената и исклучително сериозна состојба со шумските пожари на територијата на државата, денеска бил активиран и Механизмот за цивилна заштита на Европската Унија.
-Оваа постапка е превентивна, со цел да испитаме дали постои можност некоја од државите-членки на ЕУ да ни понуди поддршка, особено во воздухопловни капацитети, бидејќи сили на терен (од земја) засега има доволно, истакна тој.
Меѓутоа, нагласи дела сите сили се веќе силно ангажирани и физички истрошени. Пожарите траат со денови, и секојдневната борба со огнот бара огромна физичка и психолошка сила. Возачите на специјалните возила, пожарникарите, припадниците на Армијата и сите доброволци се веќе на работ на издржливост, но продолжуваат со максимална пожртвуваност, за што заслужуваат целосна благодарност од целото општество.