Македонија
Брисел ќе ги плати и новите вакцини за јазлеста кожа

Директорот на Агенцијата за храна и ветеринарство,Зоран Поповски, потпишал нов договор со Европската комисија за рефундирање на средствата за набавка на вакцини против болеста јазлеста кожа.
„Станува збор за договор за грант вреден 192.500 евра, кој деновиве ќе биде потврден и од страна на Европската комисија, по што, врз основа на поднесениот план од Агенцијата за храна и ветеринарство, наскоро ќе почне и вакцинацијата.
Во почетокот на годинава Агенцијата за храна и ветеринарство доби 430 илјади евра за рефундирање на набавените вакцини за говедата, како потврда од страна на ЕК за ефикасноста и ефективноста на мерките што ги презема Агенцијата во справувањето со оваа болест“, стои во соопштението на оваа агенција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Сообраќајот низ државата се одвивa непречено, по наместа влажни коловози

Сообраќајот на државните патишта се одвивa непречено, по наместа влажни коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Без струја Шуто Оризари и Зелениково

Од ЕВН Македонија АД известуваат дека денеска без електрична енергија ќе останат:
– во периодот од 08.30 до 12.00 часот, дел од корисниците од ул. Гарсија Лорка (општина Шуто Оризари)
– во периодот од 09.00 до 16.00 часот, корисниците од Градовци, Тисовица, Гумалево, Пакошево, Спектар Комерц, Добрино, Дејковец, Ново Село и Пакошево (општина Зелениково)
Македонија
Прекинато водоснабдување во делови од Карпош

Од ЈП Водовод и Канализација известуваат дека денеска (четврток) поради уличен дефект на ф 1000 мм на ул Копенхагенска, на раскрсница со Стокхолмска,бб, прекинато водоснабдување ќе имаат корисниците на улиците Копенхагенска, Стокхломска, Софиска, Његошева, Гаврил Лесновски и Петар Драганов од 09:00 часот до завршување со работните обврски. ( општина Карпош ).