Македонија
Бугарскиот амбасадор на заминување: Географијата нема да ја менуваме, ќе останеме соседи и треба да имаме интензивна комуникација

Бугарскиот амбасадор во земјата, Ангел Ангелов, очекува новата влада во Бугарија да го продолжи дијалогот за надминување на несогласувањата во историската комисија. Очекува дека новата влада нема да преговара оти не може да се преговара за нешто што е веќе договорено.
„Ние сега имаме избори, ќе бидат на 27 октомври. Се надеваме дека потоа ќе имаме една влада со која ќе можеме да влеземе во интензивен дијалог. Се разбира, не преговори затоа што преговори не може да има за нешто што е веќе договорено, она што е договорено мора да се исполни. Ние географијата нема да ја менуваме, ќе останеме соседи и треба да имаме интензивна комуникација вклучувајќи ја и историската комисија“, рече амбасадорот Ангелов.
Нему в петок му завршува мандатот. Извести дека веќе бил кај министерот за надворешни работи, Тимчо Муцунсски, за да си кажат довидување, но не разгледувале што може да се направи за закочениот процес на историската комисија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Се излеа Маркова Река кај Батинци

Маркова Река се излеа денес по обилните врнежи од дожд.
Во селото Батинци, водата е надојдена, излевајќи се на неколку места околу речното корито.
Ангажирана е механизација за санирање на штетата, а градоначалник на Студеничани, Азем Садики, објави дека забележана е материјална штета во дворовите од куќите кои се наоѓаат во близина на реката.
Засега, според градоначалникот, нема потреба од евакуација.
Фото: ТВ21/скриншот
Македонија
Тетово повика на јавна дебата за промена на имињата на улиците

Општина Тетово в петок, со почеток во 15:00 часот, организира јавна дебата за предлози за имиња на улиците.
„Ги повикуваме сите граѓани, здруженија, невладини организации и граѓанскиот сектор да учествуваат на оваа јавна дебата за именување на улиците“, велат од општината преку допис.
Додаваат дека секој предлог од граѓаните е важен и помага овој процес да биде инклузивен и успешен за граѓаните и градот Тетово.
Македонија
Тошковски: Припадниците на МВР денеска примија плата зголемена за 10 отсто

Припадниците на МВР денеска примија плата зголемена за 10 отсто, информира министерот за внатрешни работи, Панче Тошковски.
„Изминативе години сосема оправдано имаше критики дека платите во МВР се ниски, а очекувањата и одговорностите големи. Често се укажуваше на разлики во однос на некои сродни служби, а чувството на потценетост беше реално и оправдано. Ова зголемување не е доволно, но е еден од многуте чекори што ќе следат во насока на враќање на достоинството и угледот на полицаецот. Целта е јасна – да изградиме модерна, професионална и силна полиција која ќе биде вистински сервис на граѓаните. Продолжуваме понатаму кон обезбедување на подобри услови, поголема поддршка и вистинско вреднување на трудот што секојдневно се вложува“, напиша Тошковски во објавата на социјалните мрежи.