Македонија
Бутел на протест, не даваат Арсовска да им гради улица низ дворовите
Незадоволните жители од улицата Хо Ши Мин во Бутел денес протестираа против одлуката на Град Скопје и градоначалничката Данела Арсовска за изградба на улица што минува низ нивните дворови.
Жителите од 16 куќи лоцирани на улицата во рок од три дена треба да се откажат од дел од своите дворни места, кои се државна сопственост, но тие ги користат речиси 60 години поради пробивањето на улицата.
Граѓаните мислат дека сето ова се реализира со цел да се изградат згради во согласност со планот донесен во минатото.
На протестот се приклучи и градоначалникот на општина Бутел, Дарко Костовски, кој рече дека нема да дозволи во Бутел да дивее урбаната мафија.
Костовски порача дека Арсовска треба да ја промени трасата на градската улица, која поминува до домовите на луѓето, а со што се отвора само простор за нови згради.
„Денес, со задоволство се приклучив кон протестот што го организираа жителите на улицата Хо Ши Мин. За време на кампањата пред изборите им дадов збор дека ќе се борам со урбаната мафија и ќе дадам сè од себе да го зачуваат нивниот мирен начин на живеење“, рече Костовски.
Општина Бутел испрати допис до Град Скопје, со кој ја поддржа граѓанската иницијатива, а од Град Скопје се бара трасата на градската улица да биде поместена или во договор со граѓаните да се изнајде прифатливо решение.
Градот не се откажува од планот, а по протестот од тука објаснија дека трасата на улицата Боца Иванова е предвидена со Генералниот урбанистички план и во целата своја должина се простира на земјиште што е во државна сопственост.
„Во овој дел законот е јасен и дециден и нема простор за политички манипулации. Неправото не може да произведе право, па оттаму граѓаните на градот Скопје не може да бидат спречени во своите права за своите даноци да не добијат соодветни услуги, нова инфраструктура и безбедно сообраќајно решение. Неправото на неколкумина не може да го дерогира правото на сите“, велат од Град Скопје.
Што се однесува на наводни ДУП-ови за изградба на згради на потегот на оваа траса, Арсовска на Костовски му порача да ги научи своите ингеренции. Детален урбанистички план носи Општината, а не Град Скопје.
„Тоа што Дарко Костовски ветувал дека на тој дел на улицата Боца Иванова ќе легализира земјишта на кои ќе вцртува маркички за изградба на згради, а кои сега, поради реконструкцијата на улицата, нема да биде возможно да се доделат, е негов проблем, а никако проблем на Градот или на граѓаните на град Скопје“, велат од Град Скопје.
На овој појас Градот воведува забрана за изградба и предвидува целиот овој потег да биде зелен појас.
Од тука апелираат граѓаните да не дозволуваат да бидат манипулирани и инструментализирани за остварување на, како што велат, бизнис-интересите на неколкумина политиканти и бизнисмени. На крајот, одговорноста е на оној што узурпира државно земјиште, а не на политиканите, велат од Град Скопје.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Стоилковски го поздрави лидерот на ДУИ јадејќи бисквита: „Поздрав, Али“
Портпаролот на ВМРО-ДПМНЕ, Наум Стоилковски, на социјалните мрежи објави видео во кое, јадејќи бисквита го поздрави лидерот на ДУИ, Али Ахмети.
Стоилковски вели дека оди на состанок со коалициските партнери на ВМРО-ДПМНЕ, а потоа зема бисквита и почнува да ја јаде.
„Поздрав, Али“ , вели Стоилковски.
Стоилковски алудира на изјавата на Ахмети која тој ја даде од митингот на „Европскиот фронт“ во Скопје пред одржувањето на првиот круг од претседателските избори кога рече оти лидерот на ВМРО-ДПМНЕ е израснат со бисквити и гурабии.
Македонија
ЕУ: Очекуваме соработка со претседателката на Македонија, парламентот и владата за да работиме на европскиот пат
Европската унија и честита на Гордана Силјановска Давкова за нејзината победа на претседателските избори во Македонија и со нетрпение очекува да работи со првата жена лидер во земјата, изјавија високиот претставник на ЕУ за надворешни работи и безбедност Жозеп Борел и европскиот комесар за проширување и соседска политика Оливер Вархељи
Борел и Вархеи, во заедничката изјава објавена по повод вториот круг од претседателските и редовните парламентарни избори во Северна Македонија, ги охрабрија „релевантните политички актери да работат на формирање парламент и стабилна влада“.
„Двете институции треба да работат заедно на подобрување на европскиот пат на Северна Македонија, кој вклучува имплементација на клучните реформи, особено во областа на владеењето на правото и борбата против корупцијата, во интерес на сите нејзини граѓани“, се вели во заедничката изјава на Борел и Вархеи.
Македонија
Боки-13 за операцијата „Бумеранг“: поднесе кривични против Заев, Спасовски, Русковска
Бојан Јовановски-Боки 13 поднел кривични пријави против поранешниот премиер Зоран Заев, ексминистерот за внатрешни, Оливер Спасовски, и двајцата генерални секретари на СДСМ, поранешниот Александар Кирацовски и актуелниот Миле Зачевиќ, како и против поранешната шефица на Јавното обвинителство за гонење организиран криминал и корупција, Вилма Русковска.
Тој дошол во Обвинителството на покана на актуелниот шеф на оваа институција, Ислам Абази.
Најави дела кривично-правната операција е наречена „Бумеранг“.
„Сите мои наводи и описот на настаните ќе бидат материјализирани со докази што потекнуваат од мојот телефонски уред, кој ми беше одземен при моето апсење во предметот ‘Рекет’. Се работи за кривични дела што се однесуваат на злоупотреба на службената положба и овластувањето, за изборни измани, незаконско финансирање политичка партија, злоупотреба на јавните набавки“, додаде тој.
Најави и продолжение на предавање докази во писмена форма.
„Поднесена е кривична пријава и против Вилма Русковска за злоупотреба на службената положба, примање поткуп, примена на тортура. Зоран Заев е речиси во секоја пријава“, рече Јовановски.