Македонија
Вакцината Ди-Те-Пер, децата место на 4 ќе ја примаат на 6 години

Место на 4 години, ревакцинацијата со вакцината Ди-Те-Пер децата ќе ја примаат на 6 години, со што ќе имаат една вакцина помалку.
Тое се предвидува со новите измени во правилата за имунизација на децата, а д-р Јованка Костовска објаснува дека вакцината не е укината туку измената е како резултат на поливалентните вакцини.
„Со вовед на поливалентни вакцини Ди-Те-Пер во рамки на поливалентни вакцини беше Ди-Те-Пер ацелурална или вакцина која дава помалку несакани реакции. Бидејќи во европски рамки околу триесетина држави Ди-Те-Пер вакцината наместо на 4 ја даваат на 6-7 години комбинирана со инактивна полио, а второ СЗО вели дека треба да почнеме со имплементација наместо со орална полио вакцина со инактивна полио вакцина. Затоа одлучивме наместо на 4 години Ди-Те-Пер децата да ја примаат на 6 години како комбинирана Ди-Те-Пер ацелурална со инактвина полио вакцина“, вели Костовска.
На овој начин, објаснува, ќе има помалку несакани реакции кај децата, а се почитува и препораката на СЗО.
„Сите деца што до декември примиле ди-те-пер вакцина на 4 -годишна возраст по стариот календар, си продолжуваат со сите вакцини на 6-7 години. А сите деца кои што оваа 2017 година прават 4 години и кои што нема да ја примат Ди-Те-Пер вакцината кога ќе бидат на 6 години во 2019 година ќе си ја примат пак Ди-Те-Пер како комбинирана Ди-Те-Пер ацелурална комбинирана со инактивна полио“, појаснува докторката.
Вакцината за заштита од дифтерија, тетанус и пертусус (голема кашлца) најпрво се прима на 4-6 месечна возраст, потоа следува ревакцинација на 18 месеци, на 4 години , на 7 години и последната ревакцинација на 14 години. Сега децата ќе бидат боцкани еднаш помалку./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Муцунски ќе учествува на Бледскиот стратешки форум 2025

Министерот за надворешни работи и надворешна трговија, Тимчо Муцунски, денес и утре ќе престојува во Република Словенија, каде што ќе учествува на Бледскиот стратешки форум, кој се одржува во градот Блед.
Во рамките на форумот, министерот ќе се обрати на панел-дискусијата на тема „Нема регион за младите – време е за промени“. Сесијата ќе ги обедини министрите за надворешни работи и младите експерти од регионот, нудејќи уникатна можност за соочување со предизвиците и разгледување на вистинските потреби за суштинска трансформација.
Покрај учеството во официјалната програма, тој ќе присуствува и на работен појадок со министрите за надворешни работи од регионот, каде што ќе се направи пресек на актуелните состојби и предизвици на Западен Балкан.
На маргините на форумот, предвидени се и повеќе билатерални средби со министри и претставници на меѓународни организации.
Македонија
МОН: Учениците со љубопитност да чекорат по патот на знаењето, а наставниците да продолжат да им го трасираат патот кон успехот

Министерството за образование и наука на сите наставници и стручни соработници, на учениците и нивните семејства им посакува успешна учебна година. „Со добро здравје и силна посветеност кон учењето и работата, да ги остварат личните обврски и цели“.
„Ги охрабруваме учениците со љубопитност да чекорат по патот на знаењето, кое е најмоќната алатка за успех што секој може да ја понесе со себе низ животот. Да бидат истрајни во справувањето со предизвиците и на нив да гледаат како нови можности за лична надградба и просперитет.
До наставниците и сите вработени во училиштата изразуваме искрена благодарност и почит. Тие се столбот на образованието и заедно со родителите/старателите треба да продолжат да им го трасираат патот кон успехот на новите генерации“, велат од МОН.
Министерството за образование и наука соопштува дека и натаму ќе се заложува за квалитетно, современо и инклузивно образование за сите.
„Потребна е соработка и поддршка. Повикуваме на обединетост во градењето на училишта исполнети со знаење и почит, во градењето на средина во која младите ќе сакаат да останат и да го вложат својот потенцијал“, се додава во соопштението од МОН.
Македонија
ВМРО-ДПМНЕ: Македонија инфраструктурно се трансформира, изградени и пуштени во употреба над 70 километри експресни патишта и автопат

„Македонија интензивно и засилено се гради во сите делови на државата. За една година ВМРО-ДПМНЕ покажа како се работи посветено и како се реализираат крупни капитални инфраструктурни проекти кои ја трансформираат Македонија. Изградбата на големите патни решенија значително го подобрија и забрзаа патниот сообраќај, граѓаните побрзо и побезбедно стигнуваат до посакуваната дестинација, а позитивно влијаат и на економијата“, велат од ВМРО-ДПМНЕ.
„Така, за една година се завршија и пуштија во употреба над 70 километри експресни патишта и автопат. Владата предводена од ВМРО-ДПМНЕ, за една година ги заврши и пушти во употреба двете делници од експресниот пат Градско-Фариш, во должина од 25,7 километри, како и 25,5 километарската делница Страцин-Крива Паланка која е дел од експресниот Куманово-Крива Паланка.
Со интензивирање на градежните активности, се изгради и пушти во употреба делницата Врбјани-Ботун долга 20 километри, дел од автопатот Кичево-Охрид, а многу наскоро во употреба ќе биде пуштена уште една делница.
Додека пак, до крајот на 2026 година, во употреба ќе биде пуштен целиот автопат.
Паралелно со изградбата на овие значајни патишта, засилено се гради и на автопатиштата Тетово-Гостивар и Прилеп-Битола, кои се очекува да завршат и да се пуштат во употреба во 2027 година.
Со ова темпо на градење на патишта, во следните неколку години, државата ќе биде поврзана со експресни патишта, а и целосно ќе се заврши и стави во функција автопатската мрежа.
Македонија се трансформира и развива, а промените ги гледаат и чувствуваат граѓаните на дело“, соопшти ВМРО-ДПМНЕ.