Македонија
Велигденски промоции и супер намалувања во Fashion Group

Искористете го празничното намалување за неверојатно шопинг искуство! Велигден е еден од најубавите празници во годината, па затоа не заборавајте да го исполните со радост, насмевки и позитивни мисли!
По повод празникот, во Fashion Group започнаа неодоливите промоции што ќе траат сите четири дена во рамки на Велигден, а во чии рамки ќе добиете и до -20% за стилските парчиња од колекциите пролет-лето ‘23.
Во промоцијата креирана специјално за празникот Велигден, брендовите ги сместија своите најубави парчиња од познатите колекции, со кои знаеме дека едвај чекате да си ги направите сите пролетни комбинации.
Празниците се дефинитивно време кога уживаме со најблиските, па сега е совршениот момент да им покажете колку ви значат со мало внимание и совршен празничен гест.
Во Springfield, Geox, Parfois и Women’secret отпочната е и традиционалната cross – sale промоција со која добивате -10% на еден, -15% на два и -20% на три или повеќе купени производи, што е подеднакво извонреден начин да ги прославите празниците со подарок за саканите или едноставно, за себе.
Во тек е и одличната меѓусезонска промоција во чии рамки постојано се додаваат нови парчиња и брендови за уживањето во шопингот да биде уште поголемо, а намалувањата сега достигнуваат и до неодоливи 40% на селектирани производи за колекцијата пролет-лето ‘23.
Слободните денови се совршен момент да го посветите сето време на себе и најблиските, па одвојте време и освежете го плакарот за топлите денови што сите едвај ги чекаме.
Последните денови од април крунисајте ги со неверојатно исполнети денови, но и со посакуваниот шопинг што толку долго го одложувавте, а сега конечно, имате добри причини да го направите истиот.
Среќни празници и уживајте во секој миг поминат со семејството и со секогаш, ултра квалитетните парчиња на Fashion Group со кои ги правиме сите комбинации за паметење.
(ПР текст)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Наградени ќе бидат полицајците кои вчера ја спасија жената во Вардар

Министерот Панче Тошковски, се сретна со полициските службеници Кристијан Стефановски и Жико Ѓорѓиевски – хероите кои вчера ја спасија жена во водите на реката Вардар.
Министерот на средбата со нив уште еднаш потенцираше дека важноста на полицијата и нејзината вистинска сила и влијание врз животот и благосостојбата на граѓаните се гледа во најтешките човечки моменти.
„Херојските дела како вашето, кога директно се спасува човечки живот е повеќе од службено постапување, тоа е вистинска пожртвуваност и посветеност кон мисијата да се чува безбедноста и сигурноста на секој граѓанин и целото општество.“, потенцираше министерот Тошковски при честитките до двајцата полициски службеници за нивната херојска постапка.
Тој нагласи дека во рамките на законските можности тие ќе бидат наградени за нивната херојска постапка која е инспирација за сите нас унапредувањето на хуманиот аспект на нашите дела и постапки како обични луѓе и професионалци.
Македонија
Повозрасните да не наседнуваат на измами со лажни сообраќајки, порача Тошковки

Министерот за внатрешни работи Панче Тошковски заедно со полициски службеници од Одделението за превенција при СВР Скопје денеска реализираа превентивна акција „Внимавај телефонски измами“ насочена кон едукација на нашите повозрасни граѓани кои се најчеста жртва на таквите измами.
Преку непосреден разговор и делење на едукативен материјал граѓаните беа едуцирани дека најчест вид на измама е измамата со лажна сообраќајна незгода во која измамниците претставувајќи се на телефон како полициски службеник, адвокат, обвинител или доктор ги лажат жртвите дека нивното дете повредило некого во сообраќајна незгода и се обидуваат да извлечат пари од жртвата така што за одредена сума би му помогнале на детето кое е во неволја.
„Измамниците на тој начин се обидуваат да ги злоупотребат повозрасните лица. Денес во градскиот паркот во Скопје успеавме да разговараме со голем број повозрасни лица и да ги информираме за таквите измами и модус операнди или начинот на работа на измамниците. Апелираме доколку некој добие таков повик е потенцијална жртва на таква измама, никако да не дава пари, да го прекине разговорот веднаш да ја повика полицијата на 112 или 192 и да ги извести и своите најблиски“, апелираше министерот Тошковски.
Во првата половина на оваа година досега се пријавени вакви 16 настани а за период од пет години досега се расветлени 40 настани, при што се поднесени кривични пријави против 16 лица, за сторени 40 кривични дела „измама“, додека за останатите настани се преземаат мерки за нивно расчистување и поднесување на соодветни кривични пријави.
Македонија
(Видео) Избегната катастрофа кај Брезница, пожарот се движи кон Козјак

Денес се регистрирани десет пожари на отворен простор, информира директорот на Дирекцијата за заштита и спасување (ДЗС), Стојанче Ангелов, предупредувајќи дека бројката може да се зголеми до крајот на денот.
Ангелов упати нов апел до граѓаните, особено до земјоделците и сточарите, да бидат исклучително внимателни додека ги извршуваат своите активности во овој критичен период.
Најтежок за гаснење и натаму е пожарот што со денови гори во „Јасен“. Според Ангелов, едниот крак бил ставен под контрола во ноќна битка со огнот, при што била спречена негова експанзија кон селото Брезница.
„Не дозволивме пожарот да премине преку шумски пат, со што понатаму ќе беше загрозено селото. Исчистени беа дрвјата долж патот и линијата беше гаснета целосно. Благодарение на Единицата за брзо распоредување (ЕБР), пожарникарите од Македонски Брод и вработените во ‘Јасен’, овој крак е стопиран“, изјави Ангелов.
Тој додаде дека состојбата на другата страна на гребенот, кон езерото Козјак, е многу потешка поради непристапниот терен. Таму пожарот се движи, а очекувањата се дека ќе биде стопиран кај карпестиот предел, а за таа цел таму поставени се надлежните служби.
Покрај „Јасен“, активни пожари се регистрирани и во Лозово, каде што гори шумска површина, во Долнени – со пожар на ниска вегетација, како и во Куманово, во атарот на селото Липково, каде што активни се два пожари, од кои едниот е реактивиран.