Македонија
Велковски: Нулта толеранција за насилството во каква било форма, вклучително и она во дигиталниот свет

По повод Меѓународниот ден на човековите права, заменикот министер на министерството за социјална политика, демографија и млади, Ѓоко Велковски, учествуваше на дебата насловена: „Сајбер насилство кон жените и младите во дигиталната ера“ во организација на Кризниот центар „Надеж”.
Во своето обраќање до јавноста Велковски го истакна значењето и сериозноста на сајбер насилството кое ја рефлектира не само динамиката на современото општество, туку и потребата за заеднички и координирани напори за заштита на најранливите.
„Сајбер насилството е форма на агресија која остава длабоки трауми, влијае врз менталното здравје и безбедноста на луѓето и создава чувство на беспомошност, особено кај жените и младите, кои честопати се најчестите жртви. Како Министерство за социјална политика, демографија и млади, ние сме целосно посветени на справувањето со оваа појава. Нашиот пристап е јасен, нулта толеранција за насилството во било каква форма, вклучително и она во дигиталниот свет,“ истакна Велковски.
Тој посочи на што треба да се работи периодот кој доаѓа, како зајакнување на законската рамка за да се обезбеди казнивост за сите облици на сајбер злоупотреба, но и на унапредување на механизмите за поддршка и заштита на жртвите. Исто така ја посочи едукацијата како клучна односно како младите безбедно да се движат низ дигиталниот простор, да препознаваат знаци на насилство и да ги пријавуваат сите случаи.
„Сајбер насилството врз жените е родово базирана дискриминација која ја нагласува потребата за системски пристап во борбата за родова еднаквост. Тоа е уште еден повик за итно спроведување на Конвенцијата од Истанбул, како и за создавање политики што ќе осигураат ниту една жена да не биде оставена сама во оваа борба,“ истакна Велковски.
Тој додаде дека нужно е создавање општество што ќе понуди поддршка, заштита и превенција. Притоа ја наведе соработката со граѓанскиот сектор, образовните институции, но и со ИТ-компаниите, со цел да се обезбеди конкретни и одржливи решенија.
„Сајбер насилството не е само индивидуален проблем туку закана за целото општество. Борбата против ова насилство мора да биде наш заеднички приоритет. Затоа апелирам до сите институции, граѓански организации, медиуми и приватниот сектор да се здружиме и да го изградиме дигиталниот простор како безбедно и праведно место за сите,“ порача Велковски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Денес сончево со ветер, од утре повторно температурата во постепен пораст

Управата за хидрометеорологија (УХМР) за денес прогнозира претежно сончево време со умерен до засилен ветер од северен правец, кој наместа ќе достигнува брзина од 60км/ч.
Минималната температура ќе биде во интервал од 11 до 20, а максималната ќе достигне од 27 до 36 степени.
Во Скопје, сончево со умерен до засилен северен ветер. Минималната температура ќе се спушти до 19, а максималната ќе достигне до 35 степени.
Од понеделник следува период на стабилно и потопло време со постепен пораст на дневнaтa температура.
Македонија
Движењето ЗНАМ со панел-дискусии одбележа една година дел од Владата

Во полна сала, со силна енергија и инспиративни пораки, Движењето ЗНАМ –за наша Македонија, одржа панел дискусија под мотото „Посветеност –Отчетност – Резултати“. Во фокусот на настанот беше една година учество на Движењето ЗНАМ – за наша Македонија во Владата и што е направено досега.
Настанот беше поделен во два тематски панели, кои отворија прашања за реформите во јавната администрација, енергетиката, животната средина, правосудството, дигитализацијата, пензискиот систем, односите со верските заедници и здравството.
Во рамки на првиот панел „Јавната администрација и зелената иднина“,
каде панелисти беа министерот за јавна администрација Горан Минчев,
заменик-министерот за енергетика, рударство и минерална суровина
Мирослав Лабудовиќ, државниот секретар во министерството за
земјоделство, шумарство и водостопанство Борче Серафимовски,
директорите на Државниот инспекторат за животна средина Ивана Гиновска и Институтот за Акредитација Нико Берберу. Се говореше за реформските закони, енергетиката, земјоделието, животната средина и европската акредитација. Во него беше потенцирано дека реформите во државната служба се движат кон поефикасен, инклузивен и модерен јавен сектор кој е во служба на граѓаните. Истакнати беа стратешките вложувања во енергетиката и поддршката за земјоделците, особено младите, со фокус на дигитализација,
задругарство и климатска отпорност.
Дополнително, беа презентирани политики за заштита на животната средина засновани на превенција и одговорност на сите општествени чинители, како и значењето на европската акредитација за конкурентноста на македонската економија.
Низ вториот панел „Силни институции – стабилно општество“, министерот за правда Игор Филков, заменик министерот за дигитална трансформација Радослав Настасијевиќ Варџиски, директорот на Фондот за ПИОМ Никола Мемов, претседателката Комисијата за односи верските заедници и директорот на Клиниката за физикална медицина Злате Мехмедовиќ.
Во дискусиите панелистите истакнаа дека реформата започнува со
транспарентна комуникација, дигитална достапност, правна сигурност и
социјална инклузивност.
Вториот панел ја нагласи клучната улога на транспарентноста и реформите во правосудството, при што беа презентирани системски закони насочени кон зајакнување на интегритетот, професионалноста и независноста на судството, како и целосно нов Закон за Судски совет.
Панелистите дискутираа и за стабилизацијата на пензискиот систем,
дигиталната трансформација на институциите, унапредувањето на
здравството и важноста од градење на општество засновано на меѓусебна почит и верски дијалог.
Движењето ЗНАМ уште еднаш покажа дека со интегритет, стручност и
посветеност, Македонија може да чекори напред – обединета, сигурна и достојна, со најава дека настани од ваков тип ќе следат низ целата
држава.
Македонија
Директорот на БЈБ на планинарски марш од пет километри во тетовско: Службата не е само униформа – таа е братство

Директорот на Бирото за јавна безбедност во Министесрвтвото за внатрешни работи (МВР), Александар Јанев, денеска учествуваше на планинарски марш со полициски службеници од СВР Тетово, извести МВР. Досега вакви маршови се пдржаа во Велес, Струмица и Битола.
„Во духот на соработката, заедништвото и искрената комуникација, заедно го градиме оној полициски идентитет кој значи блискост со граѓаните, одговорност кон задачата и сила која извира од заедничките вредности. Надвор од канцелариите и рутините, утрово низ заедничка активност со пешачење од околу 5 км низ тетовскиот регион имавме можност да го јакнеме тимскиот дух, но и – што е најважно – подлабоко да се дозапознаеме, да зборуваме отворено за предизвиците на теренот, за реалните проблеми со кои се соочуваме, и за начинот како уште повеќе да се доближиме до граѓаните од Тетовскиот регион. Полицијата не се мери само со акции и бројки. Таа се мери со довербата што ја има кај народот. А таа доверба се гради со постојано присуство, искрен дијалог и подготвеност да се биде со граѓаните – и кога е тешко, и кога е мирно.“, кажа на маршот директорот Јанев.
Директорот Јанев потенцираше дека градиме полиција која не се плаши да ги погледне проблемите во очи и што чекори напред со дигната глава – за стабилноста на државата, за безбедноста на граѓаните, и за достоинството на полициската професија.
„Македонија има полиција што се движи напред – тим по тим, регион по регион – со срце за народот и со сила за предизвиците. Градиме тимови што се потпираат еден на друг – мотивирани, дисциплинирани и посветени на заштита на секој граѓанин. Затоа што секоја лична победа е колективна сила, а секој ден е нова можност да станеме подобри – за себе, за колегите, и за Македонија.“, истакна на крај Јанев.