Македонија
(Видео) Агелер: Дејствата на Камчев се предавство на граѓаните на оваа држава

Амбасадорката на САД во Македонија, Анџела Агелер, порача бизнисменот Јордан (Орце) Камчев не само што ја нарушува довербата во правосудните органи туку тој го предава и македонскиот народ. На својата прва прес-конференција, на која зборува за одлуката Камчев да биде ставен на т.н. црна листа на САД, посочи дека граѓаните заслужуваат институции во кои ќе веруваат. Според неа, САД презеле сѐ што е во нивна надлежност, а другото е на институциите во Македонија.
„Злоупотребата на службената положба, перењето пари, митото, во кои господинот Камчев бил дел, не само што ја нарушува довербата во правосудните институции туку претставува и предавство на граѓаните на оваа држава. Граѓаните заслужуваат институции во кои ќе веруваат, кои ги следат демократските вредности, кои се транспарентни и не прават компромиси“, рече Агелер.
Амбасадорката е децидна дека сите корумпирани лица мора да одговараат. Додаде дека САД реагираат секогаш кога ќе има докази дека некој правел во коруптивни дејства.
„Спроведување на законот во оваа држава зависи од институциите на државата. Но, корупцијата во која било форма не смее да биде толерирана“, додаде Агелер.
Порача дека се надева оти граѓаните на Македонија ќе побараат интегритет од тие што ги раководат институциите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
(Видео) Манасиевски: Дали Иван Пешевски е гласен синдикалец затоа што зема 80.000 денари плата, синдикалците на батерии се прочитани

Дали Иван Пешевски е гласен синдикалец затоа што зема 80.000 денари плати? – Синдикалците на батерии се прочитани, истакнува Валентин Манасиевски, член на ЦК на ВМРО-ДПМНЕ.
Како што додава, според информациите, кои до нив ги доставиле свиркачи од ССМ, на кои, како што вели, им е преку глава од злоупотребите на Трендафилов и Пешевски, овие двајца дебело профитираат.
„Имено, според информациите кои ги добивме, платата на Пешевски, кој деновиве глуми загрижен синдикалец е 3 пати поголема од минималната. Додека ги лаже работниците со минималец, Иван Пешевски, за 4 месеци заработува што тие за цела година. Но тука не застанува лицемерието на Иван Пешевски, тој во 2024 и првите два месеци од 2025 година остварил и приходи по други основи со договори на дело и заедно со плата инкасирал 1.3 милиони денари.
Преведено во минимални плати, Иване Пешевски кој ги лаже работниците за минималец лани земал пари колку еден работник од неговиот синдикат не може нити за 4 години“, подвлекува Манасиевски.
Оценува дека се демаскирани синдикалците на батерии Слободан Трендафилов и Иван Пешевски.
Нивните игри, според Манасиевски, се прочитани и никој не им верува.
Македонија
Општина Аеродром објави јавен повик за доделување признанија за особени постигнувања во разни области

Општина Аеродром објави јавен повик за доделување признанија за 2025 година на физички лица, односно поединци или група творци, кои се со живеалиште во Аеродром.
Признанијата се доделуваат како знак на општествено признание за особени постигнувања во стопанството, науката, уметноста, културата, спортот, воспитувањето и образованието, заштитата и унапредување на животната средина и природата, како и во други области на трудот и творештвото од значење за развојот на Општината и нејзина афирмација во државата и во светот, а тие можат да се доделат и постхумно на истакнати аеродромци.
Рокот за пријавување трае заклучно со 7 април 2025 година (понеделник).
Кандидатите можат да се пријават лично, како и да бидат предложени од правни и физички лица.
Македонија
До петок пороен дожд и грмежи, од недела заладување

Времето денеска ќе биде променливо облачно со повремени врнежи од дожд и слаб до умерен северен ветер. Попладне и во вечерните часови наместа ќе биде нестабилно со пороен дожд и ретки грмежи. Максималната температура ќе биде во интервал од 10 до 16 степени, информира УХМР.
Во Скопје ќе биде претежно облачно со повремен дожд, повремено во делови од котлината пообилен. Ќе дува слаб до умерен ветер од северен правец.
Од УХМР најавуваат дека продолжува периодот на променливо облачно време со повремени врнежи од дожд. Утре и в четврток ќе има изолирана појава, а од петок на повеќе места ќе биде нестабилно со пороен дожд и грмежи. Од недела температурите ќе бидат во опаѓање.