Македонија
(Видео) Богдановиќ: Во Центар се случи она што подоцна го видовме на 27 април во Собранието

Градоначалникот на општина Центар, Саша Богдановиќ, нападите на толпата граѓани во Општина Центар на седницата што се одржа на 7 и 10 јуни 2013 година, на чија точка на дневен ред беа ДУП-овите со кои беше засегната црквата „Св. Константин и Елена“, ги споредува со оние што подоцна се случија на 24 декември пред Собранието при гласањето на буџетот на Владата и 27 април минатата година при насилниот упад на граѓаните во парламентот.
„Најголем впечаток ни остави немилосрдноста. Тоа што ни се повторуваше, прво на 24 декември, потоа на 27 април во Собранието, се случи и во Општина Центар. Начинот и вулгарноста на кои беа спремни да ја спречат и одложат седницата на која требаше да се отфрлаат деталните урбанистички планови сe со цел да се спречи ‘Скопје 2014’, што не се случи бидејќи потоа со приведувањето на Шиповиќ го изгубивме мнозинството и сето тоа стана невозможно“, рече Богдановиќ.
Тој на 7 и 10 јуни 2013 година бил во просториите на Општината, каде што заседавал Советот, во функција на в.д. директор на јавното претпријатие „Паркинзи на Општина Центар“, бидејќи една од петнаесетте точки на дневниот ред биле поврзани со претпријатието.
Актуелниот градоначалник за случајот „Насилство во Центар“ ќе сведочи на наредното рочиште закажано за 16 октомври.
Виктор Јованов
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Партиите од ВЛЕН отсега ќе делуваат како еден политички субјект

Коалицијата ВЛЕН известува дека „денес е направен првиот чекор кон целосно политичко обединување, со заедничка визија и обединета структура, како единствена сила што ја претставува надежта, достоинството и иднината на Албанците во оваа земја“.
„На денешниот состанок беше формирано Заедничкото Претседателство на ВЛЕН, како прв орган што ќе ги координира сите политички и организациски активности на коалициско ниво.
Од денес стапува во сила мораториум на јавните активности на политичките партии учеснички во ВЛЕН, при што сите активности и настапи ќе се реализираат исклучиво под името, логото и единственото претставување на ВЛЕН.
Во наредниот период ќе се формираат и другите заеднички органи, вклучително и Раководството на ВЛЕН и Шефот на Изборниот штаб, кој ќе ја води подготовката за претстојните избори.
Пратеничката група на ВЛЕН ќе продолжи да функционира со актуелните пратеници кои го поддржуваат процесот на обединување и се посветени на јакнење на заедничкиот глас на Албанците“, велат од ВЛЕН.
Македонија
(Видео) Запален домот на Александар Пандов: Нема да не запрат и нема да не поколебаат

Директорот на Управата за извршување на санкции, Александар Пандов на социјалните мрежи објави дека му бил запален домот.
„Ова е данокот за нашата борба за владеење на правото без калкулации? Ова е цената за удирањето по мафијата! Домот ми беше запален, и имам основано сомневање дека станува збор за смислен атак на криминалците!
Нема да не запрат и нема да не поколебаат. Никој не е над законот! Нема враќање назад кога се бориш за правдата. И кога ќе тргнеш против криминалот, тој се брани со насилство. Но ова нема да ме запре — напротив, само не зајакнува!“, напиша Пандов.
Тој додаде дека очекува институциите да го најдат и казнат сторителот.
Македонија
Милошоски: Не помина интерпелацијата на Левица и СДСМ за Тошковски, целта им беше лична дискредирација и злоупотреба на трагедијата

„Не помина интерпелацијата на Левица и СДСМ против МВР, Панче Тошковски. Целта им беше провидна“, напиша на социјалните мрежи Антонио Милошоски.
„Прво лична дискредитација на Тошковски, а потоа злоупотреба на семејните емоции од големата трагедија во Кочани. Манипулативни намери, наместо реални предлози и поддршка“, додаде тој.