Македонија
(Видео) Давитковски: Странците нè надгласуваа за усвојување на бизнис-планот на „Телеком“ и за ангажирање на консултантските услуги
Универзитетскиот професор и поранешен претседател на бордот на директори на „Македонски телеком“ од 2002 до 2004 година, Борче Давитковски, денеска сведочеше на судското рочиште за случајот „Маѓар телеком“. Давитковски изјави дека секојпат претставниците на Владата биле надгласувани во бордот на директори од страна на странските членови кога се усвојувал бизнис-планот во кој биле предвидувани и консултантските услуги за кои компанијата издвојувала од 5 до 7 милиони евра годишно.
„Гласањето на бордот беше 6 наспроти 4 во полза на странскиот партнер, особено кога се усвојуваше бизнис-планот, каде што беа предвидени и овие консултантски услуги, како и кога се носеа одлуки за зголемување на цената на услугите како на фиксната така и на мобилната телефонија“, рече Давитковски.
Универзитетскиот професор истакна дека тој како претседател на бордот на директори настојувал за консултантските услуги да бидат ангажирани домашни фирми.
„Што се однесува до консултантските услуги, ние како македонски претставници секојпат реагиравме дека износот е преголем и јас инсистирав да се ангажираат домашни експерти. Се плаќаа експерти од Унгарија иако ‘Телеком’ имаше свои адвокатски друштва“, рече Давитковски.
Тој истакна дека немал никаква можност да ја спречи одлуката за ангажирање фирми и лица за консултантски услуги бидејќи како претседател на бордот имал право само на 2 вета, и тоа во случај на ребрендирање на фирмата и одлука доколку се продаваат повеќе од 20 отсто од компанијата. Давитковски дополни дека бордот имал надлежност само кога компанијата врши набавка вредна повеќе од 1 милион евра, а за помалите набавки надлежен е извршниот директор. Консултантските услуги биле ангажирани во повеќе наврати со сума помала од 1 милион евра.
Поради доминантната застапеност на странските членови во бордот на „Македонски телеком“, голем дел од одлуките ги носеле странските членови наместо владата. Една од тие одлуки е и начинот на отпуштање 1.500 вработени. Како што вели Давитковски, тој заедно со синдикатот на вработените се спогодил за исплата на испратнината за технолошки вишок во висина што била поволна за работниците, но странските членови на бордот се противеле на ова и барале за нив да бидат исплатени само 12 плати иако компанијата заработувала доволно за сумата да биде поголема.
„Од Унгарија требаше да ни кажуваат за начинот на отпуштање. Имаше смешни ситуации. Експертот нè прашуваше за нашиот Закон за работните односи и инсистира дека треба на прогласените за технолошки вишок да им се дадат само 12 плати, без да се води сметка за капацитетот на ‘Телекомот’. Доколку се случеше како што сакаа странците, ќе имаше социјални немири, односно протести, затоа ние инсистиравме да се склучи спогодба во рамките на законот, во која партнери ќе бидат синдикатот и бордот на директори, каде што ќе бидат точно забележани условите и надоместокот“, рече Давитковски.
Унгарецот Атила Сендреи и членовите на тогашниот одбор на директори во „Македонски телеком“, Германецот Ролф Плат и Унгарецот Золтан Кишјакус, се обвинети во случајот „Маѓар телеком“ дека склучувале фиктивни договори за консултантски услуги со кипарската консултантска куќа „Чаптекс холдингс лимитид“. На тој начин го оштетиле „Македонски телеком“ со речиси 4 милиони евра, а буџетот на државата со 2 милиона евра бидејќи владата во тој период поседуваше 47 отсто од акциите во компанијата.
Тројцата ексдиректори на „Маѓар телеком“, Елег Штрауб, Андраш Балог и Тамаш Морваи, во паралелна постапка што се водеше пред унгарските власти за истиот случај беа обвинети дека во 2005 и 2006 година на македонски функционери им исплатиле мито од приближно 4,8 милиони евра за да ја одложат либерализацијата на телекомуницискиот пазар. Ексдиректорите ги исплаќале парите како консултански и маркетинг-услуги.
Штрауб и Балог во април 2017 година се спогодија со окружниот суд во Њујорк и платија глоби, а пет години им е забрането да вршат дејност во акционерските друштва. Штрауб плати 250 илјади долари, а Балог 150 илјади долари. Третообвинетиот во случајот, Тамаш Морваи, се спогоди и плати глоба од 60 илјади долари за фалсификување на книгите на компанијата поврзани со поткупот.
Аферата доби нова димензија по сведочењето на ексразузнавачот Слободан Богоески пред окружниот суд во Њујорк, кое беше објавено јавно и првпат во јавноста беа посочени конкретни имиња. Богоески во сведочењето тврдеше дека мито од „Маѓар телеком“ зеле поранешниот премиер Владо Бучковски, како и функционерите од ДУИ, Али Ахмети, Муса Џафери и Абдулхалим Касами. Ахмети и Џафери, кои го тужеа Богоески за клевета и навреда, го добија случајот двапати на суд, но Апелациониот суд повторно ја укина пресудата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски и Филипче утре ќе се сретнат во Владата
Премиерот Христијан Мицкоски и претседателот на СДСМ, Венко Филипче, утре ќе остварат средба во владината зграда.
Претходно денес, Мицкоски изјави дека е подготвен да го прими на средба лидерот на СДСМ, Венко Филипче, во кое било време.
„Стојам на располагање во секое време, ќе го прераспределам мојот распоред – ако треба на полноќ, или после полноќ за да го сослушам неговиот план и да видиме дали по тој план нешто може да се реши. Но ако планот опфаќа пристап каков што беше во минатото за време на ковидот, тогаш јас такви планови не можам да прифатам“, изјави Мицкоски одговарајќи на новинарски прашања.
Пред новинарите денес се обрати и Филипче, кој пак предложи нов концепт за политички и општествен дијалог. Тој очекува во фокусот на средбата да бидат бразованието, здравството, правосудството, заштитата на животната средина и партизацијата во институциите.
Македонија
Сиљановска-Давкова: Децата со аутизам се само поразлични, не се деца со маана
Претседателката Гордана Сиљановска-Давкова денеска прими родители од Здружението на граѓани за третман на лица со аутизам, АДХД и Аспергерог синдром „Во мојот свет“, по повод 2 април – светскиот ден за подигање на свеста за аутизмот.
На средбата, родителите истакнаа дека сè уште се сами во борбата за подобрување на животот на своите чеда. Отсуствува системско решавање на проблемите. Родителот, велат тие, нема никаква поддршка. Има многу малку лични асистенти кои им помагаат, тешкиот товар паѓа на нив и затоа дел од нив не работат. Истовремено, поради отсуство на емпатија, секојдневно се соочуваат со чудни погледи и стигматизација на нивните деца. Најболно и најстрашно за нив, истакнуваат, е кога ќе помислат кој ќе се грижи за детето по нивната смрт.
Слушајќи ги проблемите со кои се соочуваат родителите, претседателката потенцираше дека децата треба да ни се најважни, бидејќи, како што рече, „убедена сум дека секое дете може да дојде до израз ако му се даде шанса“.
Таа, во волонтерството препознава едно од можните решенија на проблемот. По примерот на САД и многу други држави, учениците, средношколци и студентите, како волонтери би добивале поени што ќе се земаат предвид при евалуацијата. „Да дадеш нешто, без да бараш ништо за возврат, тоа е едноставно љубов“, смета таа.
Уште еден голем проблем на којшто посочија родителите е отсуството на разбирање и прифаќање, за жал, не се разговара ниту во семејството. Децата уште од градинка треба да учат дека некои нивни врсници се поразлични од нив и да ги прифатат како такви. Само на тој начин ќе се развие инклузивната свесност, велат родителите.
Во оваа насока претседателката се заложи за креирање интегрално решение, коешто ќе вклучи измени не само во законите за основно и за средно образование, туку и во други закони каде посебен дел ќе им биде посветен на децата со попреченост. „На тие деца им е потребно да учествуваат во социјалниот живот, а не да бидат оставени на маргините на општеството“, заклучи таа. Час поскоро треба да се обезбеди простор за Центарот за аутизам во Тетово, со оглед на веќе пристигнатата бугарска донација.
Од здружението „Во мојот свет“ укажаа дека забрзано расте бројот на лица со аутизам, од 2000 година до сега, пораснал за 317%. Поради недостиг на национален регистар, според статистиката на ЕУ и на СЗО, се претпоставува дека во земјава има од 15 до 20 000 лица со аутистичен спектар на нарушување кои нестрпливо очекуваат разбирање и помош.
Македонија
Муцунски во работна посета на Брисел: Проширувањето мора да биде врвен политички приоритет со јасна и предвидлива траекторија
Министерот за надворешни работи и надворешна трговија, Тимчо Муцунски, од денеска до петок престојува во работна посета на Брисел, Кралството Белгија.
Во рамки на посетата, министерот Муцунски одржа одделни обраќања пред претставници на неколку бриселски тинк-тенкови, како и пред Центарот за европски политики (EPC), каде говореше за стратешката определба на државата – членството во Европската Унија.
Министерот изрази искрена благодарност до Европската Унија и земјите членки за покажаната солидарност и брзата реакција по трагичната несреќа во Кочани, оценувајќи ја како автентичен пример за европски вредности на дело.
Говорејќи за евроинтегративниот процес на државата, Муцунски ја нагласи целосната усогласеност на земјата со Заедничката надворешна и безбедносна политика на ЕУ, како и посветеноста на Владата на реформската агенда. Тој истакна дека државата е технички подготвена за отворање на првиот кластер од пристапните преговори и очекува јасен, предвидлив и кредибилен пат напред – без нови одлагања и блокади.
Министерот подвлече дека членството во ЕУ е стратешка определба на државата, а процесот на проширување не смее да се третира само како техничко прашање, туку како прашање поврзано со економски раст, стабилност и заеднички европски вредности.
Муцунски порача дека Европската Унија мора да го задржи проширувањето како врвен политички приоритет, со јасна и предвидлива траекторија, предупредувајќи дека евентуално одложување на процесот би имало сериозни последици за кредибилитетот на политиката на проширување во регионот на Западен Балкан.
Мицкоски и Филипче утре ќе се сретнат во Владата
Премиерот Христијан Мицкоски и претседателот на СДСМ, Венко Филипче, утре ќе остварат средба во владината зграда. Претходно денес, Мицкоски изјави...
На седницата на улица ССМ изгласа функционерите да бидат на минималец, ако не ја почитуваат одлуката, можен е генерален штрајк
На ист начин како што Владата без работниците одлучи за покачување на минималната плата на 400 евра, место на 500,...
Тројца пациенти денеска се враќаат од Шведска и од Грција
Министерството за здравство информира дека тројца пациенти од повредените лица од пожарот во Кочани се враќаат во земјата, од кои...
Мицкоски за средба со Филипче: Стојам на располагање во секое време, јас сум сериозен човек
Подготвен сум да го примам на средба претседателот на СДСМ, Венко Филипче, но непристојно е за ова да се разговара...
Со едноминутен молк за жртвите во Кочани, ССМ на улица ја отвори првата јавна седница, бараат 500 евра минимална плата
Голем број членови на највисокото раководство на Сојузот на синдикатите на Македонија (ССМ), придружувани од работниците, точно во 12.05 часот...
(Видео) „Мора да ги ослободиме институциите од канџите на политиката и партијата“: Филипче предлага концепт за нов општествен и политички дијалог
После големата трагедија во Кочани, ја видовме реакцијата на граѓаните, револт на место и бес. Би рекол сосема оправдано, бидејќи...
Секој има право да протестира, но барањата за минимална плата синдикатите треба да ги кажат на седница на ЕСС, а не на улица, вели Дурмиши
Министерот за економија и труд, Бесар Дурмиши, ја потпишал минималната плата без согласност од Економско-социјалниот совет (ЕСС), што е законска...
Уапсени три лица од Кривопаланечко поради извршено кривично дело убиство
Вчера во 18.25 часот, полициски службеници од ОВР Крива Паланка ги лишиле од слобода 24-годишниот З.Ф., 19-годишниот С.Ф. и 44-годишниот С.Ф....
Водостоите на сите реки во земјата се доста високи и таа тенденција се очекува да продолжи и во текот на денот
Според утринските податоци од хидролошките станици низ земјава, водостоите на сите реки низ земјава се доста високи и таа тенденција...
Поплавени куќи, магацини и индустриски објекти во Студеничани, Батинци, Пинтија и во Горно Лисиче
РЦУК – Скопје, известува дека поради врнежите од дожд, во текот на доцните попладневни и вечерните часови, дојдено е до...
Арсовска: Ѓеоргиевски, освен со фотографирање, со друго не може да се пофали, со превенција се спречуваат поплави, не со глумење спасител
„Се излеала реката во Батинци, општина Студеничани, бидејќи општинските власти не ги чистат каналите, активност која како нивна надлежност превентивно...
Сообраќајот на магистралниот пат Крива Паланка – Деве Баир нормализиран
Сообраќајот на магистралниот пат Крива Паланка – Деве Баир, кој беше во прекин поради сообраќајна незгода, е нормалзиран, извести АМСМ....
Град Скопје: Одржувањето на одводните канали и коритото на Маркова Река е во директна надлежност на општина Студеничани и Министерството за животна средина
„Согласно актуелните акти на Министерството за животна средина и просторно планирање, и актуелниот ГУП донесен во време на Коце Трајановски...
Ѓорѓиевски во Студеничани по поплавата од излеаната Маркова Река: Механизацијата е на терен и нема опасност за населението
По добивањето на информацијата за излевањето на Маркова Река во соседната општина Студеничани, градоначалникот на Општина Кисела Вода, Орце Ѓорѓиевски,...
Се излеа Маркова Река кај Батинци
Маркова Река се излеа денес по обилните врнежи од дожд. Во селото Батинци, водата е надојдена, излевајќи се на неколку...
Оставката на Папазов помина на владина седница
Владата ја прифати оставката на градоначалникот на Кочани, Љупчо Папазов. Советот на општината ќе треба да назначи в.д. градоначалник на...
„Вреди“: Посакуваме Бектеши да ја докаже невиноста, не сакаме ниту еден Албанец да биде одговорен за Кочани
Коалицијата „Вреди“ посакува ексминистерот за економија од редовите на ДУИ, Крешник Бектеши да ја докаже својата невиност во случајот со...
Обезбедувачот на Мицкоски за 50.000 евра оддавал службени тајни, приведен е
За 50.000 евра откривал полициски службени тајни од истрага. Припадникот на обезбедувањето на премиерот Христијан Мицкоски е во притвор. Од...
Кочани доби ново амбулантно возило – донација од компании
Донирано е амбулантно возило за општата болница во Кочани од страна на приватни компании. Амбулантното возило е донација на „Аутомотив...
По трагедијата во Кочани целосно се забранува употребата на пиротехниката во затворен простор
Трагедијата во дискотеката „Пулс“ во Кочани го менува Законот за прекршоците против јавниот ред и мир. Пратениците со 87 гласа „за“, без...
