Македонија
(Видео) Демонстрантите до пратениците: Не силувајте ја државата, избрани сте од народот, а не од Заев

Граѓаните што протестираат пред Собранието на Република Македонија на пратениците им порачаа дека нема основ да бидат изгласани уставните промени и дека она што се прави во законоданиот дом е силување на нацијата и државата што во ниту еден случај не смее да помине.
„На пратениците треба да им влезе во глава дека се избрани од народот, а не од Заев и СДСМ, и треба да мислат добро за народот и оваа држава. Нема основ да се разговара и преговара и да се носат одлуки за промена на Уставот. Ова е силување на нацијата, на државата, и на никој начин не смее тоа да се одобри и помине“, велат демонстрантите.
Тие сметаат дека денеска, спротивно на волјата на граѓаните, ќе бидат изгласани уставните. Демонстрантите обвинуваат дека пратениците се поткупени и се под притисок на Европа и Америка.
„Денеска, најверојатно, ќе се изгласа бидејќи сите тие внатре се добро поткупени од Западна Европа и Америка. Сето ова е фарса, но сепак народот излезе да си го каже своето незадоволство дека не се согласува со политиките на актуелната власт што се виде и од резултатите на референдумот што не беше валиден“, велат граѓаните од пред Собранието на РМ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Сообраќајот низ државата се одвивa непречено, по наместа влажни коловози

Сообраќајот на државните патишта се одвивa непречено, по наместа влажни коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Без струја Шуто Оризари и Зелениково

Од ЕВН Македонија АД известуваат дека денеска без електрична енергија ќе останат:
– во периодот од 08.30 до 12.00 часот, дел од корисниците од ул. Гарсија Лорка (општина Шуто Оризари)
– во периодот од 09.00 до 16.00 часот, корисниците од Градовци, Тисовица, Гумалево, Пакошево, Спектар Комерц, Добрино, Дејковец, Ново Село и Пакошево (општина Зелениково)
Македонија
Прекинато водоснабдување во делови од Карпош

Од ЈП Водовод и Канализација известуваат дека денеска (четврток) поради уличен дефект на ф 1000 мм на ул Копенхагенска, на раскрсница со Стокхолмска,бб, прекинато водоснабдување ќе имаат корисниците на улиците Копенхагенска, Стокхломска, Софиска, Његошева, Гаврил Лесновски и Петар Драганов од 09:00 часот до завршување со работните обврски. ( општина Карпош ).