Македонија
(Видео) Заев во Чегране: Правиот пат ќе нè однесе во Европа, а Европа ќе ни ја донесе дома
Претседателот на СДСМ, Зоран Заев, заедно со претседателот на Комисијата за здравство на СДСМ и министер за здравство, Венко Филипче, и директорот на финансиската полиција, Арафат Муареми, синоќа беа во посета на гостиварското село Чегране со цел на жителите да им ги претстават приоритетите за новиот мандат по изборите на 12 април.
„Најважна цел на нашата политика е земјата да стане подобро место за живеење за сите. И во тој дух е сè што правиме – и носењето тешки одлуки и целиот наш труд и посветеност – сето тоа е за да добиеме резултати што ќе ги почувствува секој, без оглед на етничката или политичката припадност и која било друга определба. Заедничка цел е да имаме богата и економски силна држава. Тоа ќе значи и поголем број работни места, но ќе значи и задржување на младите тука“, посочи Заев пред граѓаните.
Жителите на Чегране со нетрпение очекуваат државата да стане членка на НАТО и ЕУ за да им пораснат надежите и очекувањата дека земјата е на прав пат. Затоа, Заев ги увери дека со полноправното членство во НАТО стануваме побезбедни, посигурни и поповолни за инвестиции.
„Европската иднина е цел на која остануваме доследни, без оглед на тешкотиите што се испречуваат на патот, затоа што со таа цел пред нас имаме силен поттик и патоказ како да направиме сеопфатни и квалитетни промени со кои и фактички ќе станеме дел од развиениот свет. Правиот пат ќе нè однесе во Европа, ама и Европа ќе ни ја донесе дома“, истакна Заев.
Граѓаните се пожалија за нарушената безбедност и здравје поради експлоатација на минерални суровини во околината на селото. СДСМ застанува на страна на народот и затоа во собраниска процедура се пуштени измените на Законот за минералните суровини, со кои се овозможува раскинување договор со концесионер поради нарушување на јавниот интерес. Очекувањата се дека овие измени ќе поминат бргу затоа што ништо не е поважно од здравјето на децата.
Способноста на државата и функционалноста на институциите подразбираат и владеење на правото и воспоставување систем на вредности со почитување на човековите права на секој поединец.
„Правната држава мора да функционира за да можеме да обезбедиме фер судски процеси и независен судски систем. Такви примери се случаите ‘Сопот’ и ‘Монструм’. Јавноста знае дека досието за ‘Сопот’ е решено и дека погрешно обвинетите се парично обесштетени од државата за местенката што им ја приреди режимот на ВМРО-ДПМНЕ, а во предметот ‘Монструм’ обвинетите веќе не се во притвор и судењето почна од почеток, со цел да им се даде можност на обвинетите да го искористат правото на еднаквост во процесот“, аргументира претседателот на СДСМ.
Во партијата остануваме доследни на концептот едно општество затоа што само заедно можеме да просперираме и затоа што богатството на нашата земја е во разликите, а тоа го препознаваат и сограѓаните Албанци.
„Мора да се стремиме да бидеме еднакви во општеството и државата. Еднакви пред институциите, еднакви пред законот. Дискриминацијата не носи ништо добро, освен насилство, поделби, незадоволство, конфликти. Кога станува збор за посебните права на некоја етничка заедница, не смееме да дозволиме да ни се повторуваат омразата и расправиите. Законот за употреба на јазиците не е прашање што треба повторно да ја дели државата, туку треба да го решиме на начин што ќе биде корисен за граѓаните. Да биде применлив, а не само да биде букви на хартија. Како што се реални проблемите, така да се реални и остварливи решенијата. Да не потпаѓаме под подбуцнувачките и деструктивни изјави на кој било политичар, без оглед дали е Албанец или Македонец. Јас длабоко верувам дека нема политички проблем што не може да се реши со разговор, договор, со човечки пристап“, заклучи Заев пред жителите на Чегране.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Меџити во Чаир, Касами во Тетово, Бакиу во Скопје – ВЛЕН ги објави кандидатите за градоначалници
Централното претседателство на ВЛЕН ги избра кандидатите за претстојните локални избори. Во Тетово за нов мандат ќе се бори актуелниот градоначалник, Билал Касами. Во Чаир, ќе се кандидира првиот вицепремиер, Изет Меџити, а во Струга, ВЛЕН го поддржува независниот кандидат Менди Ќира.
Во Кичево ќе го кандидира министерот за Социјална политика, Фатмир Лимани, во Дебар кандидат на ВЛЕН ќе биде заменик-директорот на Управата за јавни приходи, Фисник Мела.
Во Градот Скопје, ВЛЕН го предлага директорот на Дирекцијата за општи услуги во Универзитетскиот клинички центар во Скопјe, Башким Бакиу.
Во Сарај, кандидат на ВЛЕН ќе биде директорот на претпријатието „Номагас“, Мухамед Елмази, во Липково директорот на Државните резерви на нафта, Неџмедин Садику, во Арачиново ВЛЕН ќе настапи со Даут Беќири.
Во Желино актуелниот градоначалник на оваа општина, Блерим Сејдиу, во Теарце ќе се кандидира директорот на Бирото за регионален развој, Даут Мемиши, во Боговина, ВЛЕН го кандидира Фети Абази, во Брвеница директорот на Државниот инспекторат за локална самоуправа, Хаќим Рамадани и во Долнени, ВЛЕН ќе се кандидира со наставникот Блерим Ислами од село Цернилиште.
Од ВЛЕН велат дека сè уште нема конечна одлука за кандидатите за општините Гостивар, Врапчиште, Студеничани и Чашка и дека во разговори се со неколку кандидати.
„Тука нагласуваме дека сите овие се кандидати на ВЛЕН и, како што претходно одлучивме, ниту еден од нив не се кандидира под партиско лого. Всушност, освен што се кандидати на ВЛЕН и идни градоначалници на општини, тие ќе бидат слуги на сите граѓани без оглед на етничката, религиозната и политичката припадност“, велат од ВЛЕН.
Македонија
Метеж на границите: на Табановце и Богородица се чека по 45 и 30 минути
Интензитетот на сообраќај на патните правци надвор од градските средини е зголемен, информира АМСМ.
Поради летните одмори се бележи зголемена фреквенција на возила, на ГП Табановце времето на чекање за влез е околу 45 минути додека на ГП Богородица времето на чекање за влез и излез од државата е околу 30 минути.
На останатите гранични премини од македонска страна, нема подолги задржувања за влез и излез од државата.
ВНИМАТЕЛНО: АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Делегации на ВМРО-ДПМНЕ во Скопје, Пелинце, Крушево и Ташмаруништа по повод 2 Август, Денот на Републиката
Делегации на ВМРО-ДПМНЕ по повод Денот на Републиката, 2 Август, ќе положат свежо цвеќе на неколку локации низ Македонија, во Скопје, Пелинце, Крушево и Ташмаруништа.
Претседателот на ВМРО-ДПМНЕ, Христијан Мицкоски, ќе ја предводи партиската делегација во Ташмаруништа, каде ќе положи свежо цвеќе заедно со претседателот на ОК на ВМРО-ДПМНЕ Струга и заменик министер за правда, Ален Деребан и пратеникот Јован Јаулески.
Во Скопје на 3 локации, партиската делегација ќе ја предводат градоначалникот на Општина Кисела Вода и кандидат за градоначалник на Град Скопје, Орце Ѓорѓиевски, градоначалникот на Општина Ѓорче Петров, Александар Стојковски и пратеничката, Катерина Димитровска. Тие ќе положат свежо цвеќе пред Споменикот на Претседателот на Крушевската Република, Никола Карев во 10:00 часот, пред споменикот на АСНОМ (парк Жена Борец) во 10:20 часот и пред споменикот на првиот претседател на Президиумот на АСНОМ Методија Андонов-Ченто (плоштад Македонија) во 10:40 часот.
Партиска делегација ќе положи свежо цвеќе и во Пелинце во 11 часот, која ќе ја предводи пратеникот Бране Петрушевски, а во состав на пратеникот и член на ИК, Миле Лефков, како и директорот на Државниот студентски дом Скопје, Александар Каровски.
Во Крушево, партиската делегација ќе положи свежо цвеќе на Споменикот на хероите на месноста „Слива“ во 10 часот и на Мечкин Камен во 12 часот. Делегацијата на ВМРО-ДПМНЕ во Крушево ќе ја предводи Генералниот секретар, Ѓорѓија Сајкоски, а истата ќе биде во состав на претседателот на Унијата на млади сили, Сергеј Попов, претседателката на Унијата на жени, Жаклина Пешевска, членот на ИК, Ристо Симеонов и членот на ИК, Олга Лозановска.
Делегации на Унијата на млади сили, Унијата на жени, Унијата на ветерани и Патриотскиот институт, утре ќе положат свежо цвеќе на бројни локации во општините низ државата.
Меџити во Чаир, Касами во Тетово, Бакиу во Скопје – ВЛЕН ги објави кандидатите за градоначалници
Централното претседателство на ВЛЕН ги избра кандидатите за претстојните локални избори. Во Тетово за нов мандат ќе се бори актуелниот...
Браќа од Струшко нападнале семејство во возило во кое имало и деца, ја удирале жената со боксови и клоци
Основното јавно обвинителство Струга поведе постапка против две лица за кривично дело – Насилство. Двајцата браќа, по потекло од струшко,...
Арсовска до Ганиу: Сакаше да ги видиш сите 150 небезбедни згради, нема проблем, ќе ги видиш и ти и цела Македонија
Висар Ганиу лаже, фалсификува, злоупотребува и им овозможува на трети лица да се богатат преку градење згради сега, а кои...
Разрешувањето на Коцевски ќе продолжи од ноември поради изборите, и да даде оставка, Владата е во лавиринт, вели Мицкоски
Од ноември Владата ќе продолжи со процесот за разрешување на државниот обвинител онаму каде што застана, рече денес премиерот Христијан...
Мицкоски: Им благодарам на САД што ја коригираа тарифата од 33 на 15 проценти, оптимист сум дека ќе одиме уште подолу
Премиерот Христијан Мицкоски е задоволен од новите тарифи на САД кон Македонија од 15 проценти. Одговарајќи на новинарско прашање поврзано...
Маркетите да не прават трикови оти ограничувањата може да бидат годишни, не неделни или месечни, порача Мицкоски
Можни се годишни место неделни или месечни ограничувања на маржите за да се заузда растот на цените во маркетите. Премиерот...
Со ретровизорот ја удрил во главата и починала: обвинение за возач што имал слепило, а управувал товарно возило
Основното јавно обвинителство Кавадарци поднесе Обвинителен акт против едно лице за тешки дела против безбедноста на луѓето и имотот во...
Случајот со претседателката на антикорупциската комисија најматен настан за јули, според „Транспаренси“
„Транспаренси интернешнл – Македонија“ го објави редовниот месечен извештај „Бистро – матно“ за јули 2025 година, во кој се евидентирани...
Трамп ја објави листата на нови царини
Претседателот на САД, Доналд Трамп, потпиша извршна наредба со која се воведуваат повисоки царини за десетици земји во целиот свет...
Македонија со царина од 15 отсто
Американскиот претседател Доналд Трамп рано утрово по македонско време објави нови царински стапки. Македонија, доби стапка од 15 отсто, идентична...
Денес, втора седница на Советот за безбедност
Претседателката Гордана Сиљановска-Давкова ја свика втората седница на Советот за безбедност што ќе се одржи денес, 1 август, со почеток...
Во моментот нема активни пожари, надлежните апелираат да се внимава за Илинденските празници
Според податоците на Центарот за управување со кризи (ЦУК), заклучно со 18:00 часот , нема ниту еден активен пожар. Шест...
Автомобил се судри со автобус кај Тетово – тројца загинати, едно дете е повредено
Три лица го загубија животот, а едно дете е повредено во тешка сообраќајна несреќа што попладнево се случи на автопатот...
Трајно одземање на возилата за пијани и дрогирани возачи кои дивеат низ улиците – нови ригорозни мерки
Со новите измени на Законот за безбедност во сообраќајот, Законот за прекршоци и Кривичниот законик, на најнеодговорните учесници во сообраќајот...
Мицкоски: Eрес беше да се спомене македонски идентитет во време на претходната власт
На денешната седница во Собранието посветена на пратенички прашања премиерот Христијан Мицкоски со свој коментар за актуелните позиции во меѓународните...
Гаши: Одредбите не се докрај прецизни дали можеме со распишани избори да избереме народен правобранител и претседател на ДКСК
Во претстојниот период предизвик за Собранието ќе биде изборот на нов народен правобранител и нов претседател на Државната комисија за...
Салиу се вознемири од прашањето дали ќе си поднесе морална оставка по пожарот во Кочани и ги обвини новинарите дека му судат
Министерот без ресор, Шабан Салиу, кој од 2008 до 2017 година беше директор на Дирекцијата за заштита и спасување и...
Воведени нови летови од скопскиот аеродром до Стокхолм, Мадрид, Бари, Келн и Прага
Скопје се поврзува со уште пет нови дестинации. Од скопскиот аеродром се воведуваат летови до Стокхолм, Мадрид, Бари, Келн и...
Зголемен број туристи во Македонија, земјата станува сѐ поинтересна за Германците, Французите, Британците…
Анализата на туристичкиот тренд во првите пет месеци од 2025 година покажува дека Македонија бележи интензивирање на туристичкиот промет и...
Обезбедени 42,3 милиона денари финансиска поддршка за ранливите потрошувачи на струја
Министерството за енергетика, рударство и минерални суровини информира дека Владата ја донесе Програмата за заштита на ранливи потрошувачи на енергија...
