Македонија
(Видео) Заев од Штип: Ја намалуваме администрацијата за 20% и целосно ги укинуваме патните трошоци за пратениците
Направивме пресврт на подобро. Покажавме дека знаеме и можеме да работиме чесно, одговорно и во интерес на граѓаните. Направивме многу но можеме уште повеќе, можеме уште подобро, истакна лидерот на СДСМ, Зоран Заев од Штип.
„ Денес, се обврзуваме на нови цели, пред граѓаните и пред себеси, бидејќи знаеме и умееме. Денес, го имаме ова решение за сите граѓани, решенија за иднината. Ова е чесен, домаќински и одговорен пристап, препознаен, автентичен, македонски модел за напредок и на граѓаните и на државата. Ова е нашата визија, нашиот ЈАСЕН ПЛАН ЗА СЕВЕРНА МАКЕДОНИЈА во наредните 4 години:
Стабилна држава со нова, развојна македонска економија,
Држава со европски здравствен систем посветен на потребите на граѓаните
Држава која се грижи за сите
Држава која е правна и праведна
Тоа е зелена, еколошка држава
Европска држава, членка на НАТО
СДСМ е посветена на развој на домашната македонска економија, на инвестиции во инфраструктурата, на продолжување на интегративниот процес во ЕУ, на грижа за ранливите категории, на обезбедување здрава животна средина, заштита на здравјето на граѓаните и загарантирана правда за сите. Ова се столбовите на кои е изградена оваа наша Програма. Чесна, одговорна и достојна понуда за граѓаните. Градиме држава со нова, развојна македонска економија заснована на нови технологии, оддржливост и човечки капитал. Модел што ќе ги штити работните места на граѓаните, ќе генерира повисоки плати и пензии и подобри работни места.
Во таква економија создаваме услови платите да растат уште повеќе. Просечната плата до крајот на мандатот да порасне до 30 отсто, а минималната до 40 отсто. Модел што ќе ги штити работните места на граѓаните, ќе генереира повисоки плати и пензии и подобри работни места. Во таква економија создаваме услови платите да растат уште повеќе. Просечната плата до крајот на мандатот да порасне до 30%, а минимилната до 40%. Со тоа до крајот на мандатот постигаме просечна плата за вработените ширум целата земја до 34илјади денари. Минималната плата која што беше во 2016 за времето на Мицковски и Груевски 9 илијади денари, ќе ја зголемиме за 120% односно ќе постигнеме минимална плата од 20 илјади денари. Пензиите ќе ги покачиме согласно порастот на животните трошоци. Најниските пензии ќе бидат покачени за 21% до крајот на следниот мандат.
Се обврзуваме на над една милијарда евра странски инвестиции за 4 години, засновани на иновации, на висок степен на финализација на производи и услуги и оддржување на бизнисите.
За 4 години, 2,2 милијарди евра јавни инвестиции и 1,2 милијарди евра директни приватни инвестиции.
Тоа ќе донесе намалување на невработеноста на ниво од 3% годишно и едноцифрен број на невработеност до крајот на мандатот. За една економија да се развива и расте, потребни се и сериозни инвестиции во инфраструктурата за подобро и поефикасно поврзување внатре и надвор. Затоа уште повеќе ќе инвестираме во патиштата за уште подобро да бидеме поврзани.
Во новиот мандат градиме експресни патишта во должина од 300 километри и локални патишта во должина од 950 километри и продолжуваме со сериозни инвестиции во гасификација. Нашата програма нуди решенија и за земјоделството како една од најважните стопански гранки, но и за здравството, како основа на се во овој период на светска пандемија.
За нашата понуда на овие теми ги поканувам да ви се обратат генералниот секретар Љупчо Николовски и претседателот на Комисијата за здравство на СДСМ Венко Филипче и актуелен министер за здравство…
И земјоделството и здравството се области во кои покажавме и ќе покажеме што значи вистинска грижа за сите. Се грижиме за сите, а особено за најранливите и тоа ќе го покажеме и во новиот мандат. Наша цел е 34.000 домаќинства да примаат гарантирана минимална помош, со континуирано обезбедување на нивно идно вработување, а 65.000 деца да примаат детски додаток. Градиме нови 777 социјални станови низ целата држава.
Обезбедуваме нови 7.500 места за деца во градинките, кои ќе бидат инклузивни и енергетски ефикасни, а за сите деца од семејства со ниски приходи градинките ќе бидат бесплатни!
Се она што го постигнавме во изминатите две и пол или три години немаше да биде целосно, ако не го остваривме и деценискиот сон, да ја видиме нашата држава интегрирана во најмоќниот светски сојуз. Денес, Република Северна Македонија е 30 земја членка на НАТО, рамо до рамо со светските сили, еднаква, почитувана и рамноправен партнер во најсилниот безбедносен сојуз на светот.
Тоа членство во НАТО е наша влезница во ЕУ. Влеговме во НАТО – можеме и во ЕУ.
Умееме, можеме и се обврзуваме: до 2024 да отвориме 80% од поглавјата за интеграција во ЕУ. Од европските фондови обезбедуваме 2,5 милијарди евра за Северна Македонија. Пари за справување со корона кризата, за новата македонска економија, за зелена агенда, енергија, конкурентност, капитални инвестиции… европски пари за европски стандарди дома.
Да се биде дел од ЕУ значи да се биде дел од заедница во која правото и законите се неприкосновени, каде секој е еднаков и пред правата и пред обврските. Ете таква држава ќе обезбедиме.
Обезбедивме праведна држава, ќе обезбедиме и правна, во која ќе важат ред, правда и дисциплина за сите подеднакво.
Нема компромис со правдата. Правосудството мора да се прочисти од корумпираните судии и обвинители. Судиите кои застаруваат предмети ќе бидат разрешени по автоматизам. Започнува детална проверка на имотната состојба на сите судии и обвинители и темелна ревизија на 5% од сите судски пресуди во последните 5 години, по случаен избор.
Администрацијата ќе им служи на граѓаните и нема да им биде товар. Ја намалуваме администрацијата за 20%. Во администрација ќе работат тие што се подготвени да им служат на граѓаните.
Целосно ги укинуваме патните трошоци за пратениците во Собранието.
Нашата визија за Северна Македонија во 2024 е таа да биде правна и праведна држава во која ќе има шанси за сите. Во таква држава важни ни се и заштитата на животната средина и чистиот воздух.
Сите се вклучуваме, за еколошка, зелена држава. Ги ангажираме сите капацитети и градиме еко-држава.
60.000 домаќинства во следните четири години ќе добијат бесплатен еко инвертер за да престанат со употребата на фосилните горива. 100 милиони евра субвенции предвидуваме во следните четири години за филтри на индустриски капацитети, домаќинството. Гасот го носиме директно до домовите.
Обезбедуваме комунална полиција во секоја општина и 24-часовен надзор на инспекциските служби. Тројно повеќе екоинспектори, тројно повисоки казни за фабриките кои не ги исполнуваат еколошките стандарди и двојно повисоки казни за граѓаните што загадуваат.
Ова е понуда на СДСМ и Коалицијата „Можеме“ ова е понуда со која економскиот раст, грижата за сите и напредокот во интеграциските процеси продолжуваат уште повеќе и уште подобро.
Убеден сум дека граѓаните ова го препознаваат, го ценат и дека на 15 јули масовно ќе застанат зад овој концепт и ќе гласаат за Коалицијата Можеме, ќе гласаат за бројот три.
Верувам дека овој концепт, оваа понуда, оваа програма, по 15 јули станува Програма за работа на Владата на Република Северна Македонија за периодот 2020-2024.
Ќе покажеме дека можеме уште подобро уште повеќе!“ порача лидерот на СДСМ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Додека Мицкоски измислува странски служби и хибридни напади, неговиот министер Тошковски јавно го демантираше, велат од СДСМ
Според СДСМ, она што се случува деновиве покажува дека владата на ВМРО-ДПМНЕ не само што e неспособна туку е во целосна конфузија.
Според оваа партија, додека премиерот Христијан Мицкоски измислува странски служби и хибридни напади, неговиот министер Тошковски јавно го демантираше, ја префрла вината врз граѓаните кои живеат покрај депониите.
„Јасно како ден е дека „хибридниот напад од странски центри“ е смешно алиби за неспособноста на Мицкоски и неговата влада. Мицкоски глуми жртва секој пат кога е фатен во неспособност да одговори на проблемите.
За овие 15 месеци имавме 5 различни и измислени сценарија, за дестабилзаиција, за странски служби, за дронови, за следење на премиерот и сега еве хибридни напади од надворешни центри на моќ.
Неспособност не може да се покрие со изговори, таа се гледа и граѓаните многу добро ја знаат затоа што ја плаќаат со најважното нешто, нивното здравје“.
Од оваа власт, додаваат од СДСМ, не видовме ниту едно решение за ниту еден проблем, затоа се изговорите.
„Резултатот на владата на Мицкоски е катастрофален: депониите горaт, воздухот не се дише, канцерогените материи се зголемуваат, а институциите се парализирани од лагите и изговорите на власта“.
Македонија
Град Скопје не е надлежно за фабриката во Трубарево, „Вардариште“ е на Гази Баба, кај си да писнеш за УСЈЕ, му порача Арсовска на Ѓорѓиевски
Градоначалничката на Скопје, Данела Арсовска со објава на социјалните мрежи по последните случувања со пожарите во Трубарево, „Дрисла“ и „Вардариште“ и повиците во јавноста каде е, и зошто молчи.
„Додека Орце Самка Ѓорѓиевски ми прави нарачки поврзани со последниве настани, ајде да го едуцираме бидејќи нема знаење, ама покрај голема желба и очигледно вложува и многу пари во ПР за да се промовира за град Скопје.
Кај си да писнеш за УСЈЕ кој е утврден голем загадувач со ПМ и азотни оксиди многу над дозволеното, да престане да не труе со согорување 365 дена во годината?
Вардариште е на општина Гази Баба.
Пред скоро 2 години, за прв пат по 60 години град Скопје во целост го исчисти делот под надлежност на јавното претпријатие Комунална Хигиена и на таа локација повеќе не се генерира отпад“.
Останатиот дел од таа локација кој се протега на 60 илјади метри квадратни, појаснува во напишаното Арсовска, е надлежност на општина Гази Баба и според неа, општината има право и обврска да го одржува или оплемени просторот, со своите инспекциски служби да делува на лицата кои се обидуваат да креираат диви депонии, а надлежност има и Министерството за животна средина кое со Државниот инспекторат може да делува за санкционирање на истите сторители како и општината.
„Дополнителна надлежност за дивите депонии и потпалувачите на отпад има и Министерството за внатрешни работи.
Фабриката во Трубарево е надвор од ГУП и град Скопје нема никаква надлежност таму. За таму барај си го градоначалникот на Гази Баба, ама ако онака непристрасно писнеш како што треба ќе му штетиш на рејтинг. Значи и тоа не можеш, затоа подобро и за ова да си поќутиш.
Дрисла не согорува од 2022 година, кога е ставен во употреба автоклавот за стерилизирање и компримирање. За пироманите барај си го Панче Тошковски и наместо да се сликате како “џогирате” низ парк само за кампања, не ќе беше лошо за промена да му кажеш да се обиде да фати некој од сторителите.
Ај сега иди пак сликај се сред некој пожар како загрижено гледаш, иако сред таква беља секој вообичаено размислува како да помогне, а не како да се слика“, пишува Арсовска.
Македонија
Опожареното место е затрупано со песок за да се спречи понатамошно тлеење на опасни материи, состојбата во Трубарево е под целосна контрола, уверуваат надлежните
Во Министерството за животна средина и просторно планирање денеска се одржа брифинг со медиумите за состојбата по пожарот во складиштето за електронски отпад во Трубарево.
Министерот Изет Меџити заедно со директорот на Управата за животна средина, Игор Никоски, директорката на Државниот инспекторат за животна средина, Ивана Гиновска, и ректорот на Универзитетот „Гоце Делчев“ – Штип, Дејан Мираковски, ги презентираа првичните информации.
Надлежните институции информираа дека екипи биле на терен од првиот момент, презеле соодветни мерки и редовно ја известувале јавноста.
„Опожареното место е затрупано со песок за да се спречи понатамошно тлеење на опасни материи. Очекувањата се, официјалните лабораториски резултати да бидат достапни до петок.
Мираковски посочи дека тимот од лабораторијата АМБИКОН при УГД – Штип веќе поставил мерни станици за мониторинг на квалитетот на воздухот и дека во рок од една недела ќе се добијат првични резултати.
Министерството, додаваат од таму, ќе ја информира јавноста веднаш по добивањето на сите анализи.
Град Скопје не е надлежно за фабриката во Трубарево, „Вардариште“ е на Гази Баба, кај си да писнеш за УСЈЕ, му порача Арсовска на Ѓорѓиевски
Градоначалничката на Скопје, Данела Арсовска со објава на социјалните мрежи по последните случувања со пожарите во Трубарево, „Дрисла“ и „Вардариште“...
Опожареното место е затрупано со песок за да се спречи понатамошно тлеење на опасни материи, состојбата во Трубарево е под целосна контрола, уверуваат надлежните
Во Министерството за животна средина и просторно планирање денеска се одржа брифинг со медиумите за состојбата по пожарот во складиштето...
Скопјанeц ги убил девојката и татко и во Велес, па се самоубил
Денеска (15.09.2025) во 15:30 часот во СВР Велес е пријавено е дека на ул.,,Кочо Рацин“ во Велес е пронајдено женско...
Нема зголемена радијација во почвата и воздухот по пожарот во Трубарево, соопшти ИЈЗ
Од Институтот за јавно здравје информираат дека се во континуирана координација со Инспекторатот за животна средина, Министерството за здравство и...
Кирков до Арсовска: Знаете ли дека ви изгореа „Дрисла“, „Вардариште“, а Скопје е затрупано со смет кој не го собирате
Советнинкот во Советот на Град Скопје од редовите на ВМРО-ДПМНЕ, Стефан Кирков, со објава на социјалните мрежи ја праша градоначалничката...
Ноќеска Итната помош 13 пати интервенирала во Трубарево, едно лице е пренесено на Токсикологија
Во текот на изминатата ноќ заклучно со попладнево во реонот на Трубарево се извршени 13 интервенции од Итната медицинска помош,...
Повреден 18-годишник, велосипедист во Чаир испукал кон него неколку куршуми и избегал
Ноќеска ургентниот центар на комплексот клиники „Мајка Тереза“ во полиција пријавил дека кај нив е донесен 18-годишник повреден од огнено...
(Видео) Ангелов: Пожарот во Трубарево е целосно изгаснат, состојбата во „Дрисла“ е драстично подобрена
Пожарот во Трубарево е целосно изгаснат, целата опожарена површина е затрупана со песок и земја. Утрово покажуваше на неколку места...
(Видео) Хибридниот напад од странски центри е смешно алиби за неспособност на Мицкоски, вели Филипче
Претседателот на СДСМ, д-р Венко Филипче, денеска силно ги нападна изјавите на премиерот Мицкоски дека државата била цел на хибриден...
За да нема чадење од „Вардариште“, треба да се најде пристоен дом за над 200 луѓе што живеат среде депонијата, а некои од нив потпалуваат, вели Тошковски
Во решавање на проблемот со депонијата „Вардариште“ треба да се вклучат сите институции, да им се најде соодветен дом на...
(Видео) „Дуото Апасиев – Мециновиќ си пикнало во џебот милиони од партијата Левица, а на поддржувачите им велат донирајте ни пари“, вели Манасиевски
„Дуото Апасиев-Мециновиќ си пикнало во џеб милиони од Левица, а на поддржувачите им велат донирајте ни пари. Глумците Апасиев и...
(Фото) Презентирано визуелното решение за новата Универзална сала
Денеска, пред македонската јавност беше презентирано визуелното решение за новата Универзална сала – модерен и функционален објект, кој ќе го...
(Видео) Граѓаните го блокираа мостот „Близнаци“: секој ден без акција значи уште еден ден вдишување отрови
Граѓаните, утрово, од 7.30 часот, еден час ја блокираа крстосницата кај мостот „Близнаци“ помеѓу општините Аеродром и Гази Баба. „Овој...
(Видео) Запленети 204 банкноти и монети за колекционерски цели
Запленети се 204 банкноти и монети за колекционерски цели, чија вредност е проценета на 700 илјади денари. Случајот е откриен...
„Скопје се труе, Изет се крие: од потпретседател на Али Ахмети, заврши како портпарол на Мицкоски“, велат од ДУИ
„Демократската унија за интеграција изразува длабока загриженост за еколошката катастрофа што го погоди главниот град по избувнувањето на пожарот во...
„Доста беа приказни, за еколошката катастрофа во Скопје мора да има политичка и кривична одговорност“, велат од СДСМ
„Македонија има неспособна власт која раскажува приказни додека горат депонии и фабрики, а граѓаните ја плаќаат цената со сопственото здравје....
Двајца претепале човек во Паркот на жената борец: починал во болница, Обвинителството бара притвор
Јавен обвинител од Основното јавно обвинителство Скопје донесе Наредба за спроведување истражна постапка против две лица за кои постои основано...
Побаран притвор за четири лица во врска со пожарот во Трубарево
Скопското Обвинителство поведе постапка против четири лица поради сомнение за загрозување на животната средина и природата со отпад, во врска...
Се користи специјална пена врз песокта за да се доизгасне чадењето во Трубарево
Од опожарениот простор во Трубарево моментално има слабо чадење само од неколку места кои веќе се затрупани, информира директорот на...
Онлајн настава една недела во четири училишта во Гази Баба поради пожарот во Трубарево
Министерството за образование и наука информира дека наставата во основните училишта „Крум Тошев“, „Његош“, „Вера Јоциќ“ и „Наум Наумовски Борче“...
