Македонија
(Видео) Каевски: Претседавањето со ОБСЕ е историски успех на македонската држава
![](https://makfax.com.mk/wp-content/uploads/2023/01/kaevski.jpg)
2023 година почна со огромен успех за македонската дипломатија, за македонската држава, изјави портпаролот на СДСМ и пратеник, Дарко Каевски.
„Од 1 јануари Северна Македонија е претседавач со ОБСЕ, најголемата безбедносна организација, во која членуваат 57 држави, меѓу кои и САД и Русија. Во година во која сè уште трае руската агресија врз Украина, македонската дипломатија ќе има сериозен тест во одржување на светскиот мир и стабилност. Но, истовремено, ова е добра шанса за дополнително зајакнување на меѓународната позиција на нашата држава.
Ако пред само неколку години нашата држава беше категоризирана како заробена и потенцијален извор на нестабилност, денес Северна Македонија претседава со најголемата безбедносна организација во светот. Денес, нашата држава е полноправна членка на НАТО и ги почна преговорите за членство во ЕУ, со заштитен македонски јазик и со потврден македонски идентитет. Денес, седиме на главните маси, каде што се одлучува за иднината на Европа и светот.
Сето тоа, почитувани, е резултат на успешните и одговорни политики на Владата предводена од СДСМ“, рече Каевски.
Тој нагласи дека претседавањето со ОБСЕ е уште еден државнички успех на СДСМ и поттик за нови успеси на меѓународен и домашен план.
Како одговорна државотворна партија продолжуваме со реализација на политиките што го унапредуваат меѓународниот углед на државата, порача Каевски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Без вода, делови од Општина Ѓорче Петров
![](https://makfax.com.mk/wp-content/uploads/2024/05/voda-chesma.jpg)
ЈП Водовод и канализација известува дека денеска поради уличен дефект од Ф-400мм на ул.1670 во Ново Село, прекинато водоснабдување од 09,00 часот ќе имаат корисниците од ул.Лука Геров, Ново Село, Стопански двор, Кисела Јабука, Волково, Орман, Никиштани Општина Ѓорче Петров.
Македонија
(Видео) Со два хеликоптера на МВР изгаснат пожарот во Крушевско
![](https://makfax.com.mk/wp-content/uploads/2024/07/Screenshot-2024-07-01-215151.jpg)
Денеска, два хеликоптера од Одделот за воздухопловни единици го изгаснаа шумскиот пожар кој попладнево изби во атарот на крушевското село Пуста Река.
„По добиено барање од ЦУК, на пожарот двата хеликоптера исфрлија над 40 тона вода и во координација со пожарникарите, пожарот е целосно изгаснат“, соопшти МВР..
Македонија
Времена забрана за движење на тешки товарни возила на патиштата во државата
![](https://makfax.com.mk/wp-content/uploads/2018/11/kamiondzija.jpg)
Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури.
Термините се следни:
– петок од 17:00 – 22:00 часот,
– сабота од 09:00 до 18:00 часот и
– недела од 09:00 до 22:00 часот.
На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали:
– петок од 15:00 – 22:00 часот,
– сабота од 07:00 до 12:00 и од 18:00 до 24:00 часот и
– недела од 07:00 до 22:00 часот.
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е умерен.
На ГП Табановце се бележи зголемена фреквенција на возила, времето на чекање за влез во Македонија е околу 20 минути. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево