Македонија
(Видео) Калајџиев: Ќе паднат предметите на СЈО во Стразбур ако не ги потврдиме помилувањата како незаконски

На дискусија во МАНУ, наречена „Реформи во Јавното обвинителство“, на која присуствуваа академик Владо Камбовски, професорите кривичари Гордан Калајџиев и Гордана Лажетиќ, вишиот јавен обвинител Тодор Витларов, специјалната јавна обвинителка Катица Јанева, претседателот на Советот на јавните обвинители, Коле Штерјев, и други присутни, се разговараше, меѓу другото, и за иднината на специјалното јавно обвинителство и за предлог-законите за кривична постапка и за Законот за Советот на јавните обвинители.
Катица Јанева рече дека предлогот на законот за СЈО е тоа да биде трајно обвинителство во кое шефот ќе има 5 години мандат, а обвинителите ќе ги избира Советот на јавните обвинители по претходно мислење од првиот човек на специјалното јавно обвинителство. Таа рече дека СЈО треба да ја задржи автономноста за обработка на предметите и дека ова обвинителство треба да се застапува во прв и во втор степен пред судот, а републичкиот обвинител да одлучува само во третостепените постапки. Јанева рече и дека висат 8 истраги, кои биле преземени од предмети од редовните обвинителства, а за кои имаат бомби.
Професорот Гордан Калајџиев рече дека се залага за фузионирање на двете обвинителства: СЈО и Обвинителството за гонење организиран криминал и корупција. Рече дека рокот за мандатот на СЈО и за истрагите го договориле Заев и Груевски и дека тоа било компромисното решение за воопшто да се формира специјалното јавно обвинителство. Калајџиев истакна дека додека не се официјализираат помилувањата како незаконски, ќе паднат предметите на СЈО пред Стразбур. „Стразбур го гледа Иванов како претседател“, рече Калајџиев.
Професорката Бужаровска рече дека СЈО мора да опстои како обвинителство и дека оваа пат-позиција најмногу им оди во прилог на сторилите на кривични дела. Рече дека и највисокиот суд се ставил во функција на политиката, а не на правдата, кога одлучил да расправа за иницијативите за законитоста на бомбите.
Вишиот јавен обвинител, Тодор Витларов, рече дека одлуките на специјалните јавни обвинители не треба да зависат од потписот на шефот и дека треба да се задржи второстепеноста на постапувањето пред апелациските судови. На дискусијата Витларов рече дека во јавните обвинителства нема одржувачи на хигиена и дека плаќаат од џебот за таа услуга.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
СДСМ тврди дека Јанев и Тошковски знаеле сè, а се сомневаат и во уништување на докази

Приведените полициски службеници за трагедијата во Кочани се истите за кои СДСМ со месеци наназад алармираше, објавуваше факти и аргументи во серијалот „Вистината за Кочани“, соопшти денеска партијата, предупредувајќи на сериозни пропусти во истрагата и можноста дека во меѓувреме биле уништени важни докази.
„Јавноста мора да знае колку докази исчезнаа додека Тошковски и Јанев ги штитеа своите полициски кадри. Месеци наназад негираа вина, манипулираа со родителите и создадоа услови истрагата да биде компромитирана. Тоа е недозволиво“, соопшти СДСМ.
Од партијата велат дека уште од првиот ден предупредувале дека полициски службеници имаат директна одговорност за пожарот во кој животот го загубија 62 деца, а над 200 беа повредени, но надлежните институции молчеле сè до јавниот и медиумскиот притисок.
„Да не беше нашата упорност, гласот на родителите и дел од медиумите, ништо од ова немаше да се случи. Затоа бараме итна институционална, политичка и кривична одговорност“, порача СДСМ.
Партијата директно го посочува Александар Јанев, директорот на Бирото за јавна безбедност, како лице кое „ги поставил, штител и им давал наредби“ на приведените полициски службеници.
„Јанев мора веднаш да си поднесе оставка, за да не влијае врз истрагата и расчистувањето на случајот“, наведуваат од СДСМ.
Истото, според нив, важи и за министерот Панче Тошковски кој, како што велат, „тврдеше дека нема вина кај полицијата, додека ги штитеше своите кадри“.
„Христијан Мицкоски пак ја злоупотреби трагедијата за политички напади, свесно лажеше и ги манипулираше родителите, додека вистинските виновници од неговата власт беа заштитени“, обвинуваат од СДСМ.
Партијата завршува со ставот дека „без одговорност за Јанев, Тошковски и Мицкоски – нема да има правда за Кочани. А без правда, нема мир за родителите, граѓаните и државата“.
Македонија
Денеска топол ден низ цела Македонија

Управата за хидрометеоролошки работи (УХМР) информира дека денеска нѐ очекува претежно сончево и топло време, со слаб до умерен ветер, а долж Повардарието повремено ќе дува и засилен северен ветер.
Минималните утрински температури се движат од 8 до 18 степени, додека максималните ќе достигнат од 26 до 33 степени Целзиусови. Метеоролозите најавуваат стабилни услови во текот на целиот ден.
Во Скопје, времето исто така ќе биде сончево и топло. Ќе дува умерен, а во одредени делови од котлината и повремено засилен северен ветер. Температурата во главниот град ќе се движи од 14 до 31 степен.
„Очекуваме стабилно време и во следните денови, со претежно сончеви периоди и температури кои ќе останат високи за овој период од годината“, велат од УХМР.
Македонија
(Видео) ВМРО-ДПМНЕ ги објави имињата на уште осум кандидати за градоначалници

Извршниот комитет на ВМРО-ДПМНЕ, вечерва во Штип определи уште осум кандидати за градоначалници за претстојните локални избори.
ВМРО-ДПМНЕ донесе одлука да му предложи на Централниот комитет.
1. Македонски Брод – Жарко Ристески.
2. Могила – Драганчо Саботковски
3. Пробиштип – Тони Тоневски
4.Богданци – Марјан Пеев
5. Демир Капија – Наталија Димитриева
6. Росоман – Ѓорги Крстевски
7. Новаци – Стевче Стевановски
8. Дебарца – Златко Силјановски
Пратеникот Антонијо Милошоски по состанокот изјави дека овие 8 кандидати за градоначалници се одговорни, исполнителни личности кои што својата активност ја докажале не само во рамките на коалицијата на ВМРО-ДПМНЕ туку имаат углед и во самите општини. Ним ќе им биде препорачано во следниот период, да си отворат што поголема комуникација со локалните граѓани во општините за да може да поработат директно на терен за составување на програмата која што е потребна за локални избори.
Централниот штаб ќе биде на располагање заедно со еден тим кој што ќе биде формиран за локалните избори, да им помогне за одредени проекти, кој што се од поголемо капитално значење за Македонски брод, Могила, Новаци, Пробиштип, Богданци, Демир Капија, Росоман и Дебарца.
„Цениме дека со овие 8 вечерва објавени кандидати за градоначалници и претходните 25, ВМРО-ДПМНЕ со самодоверба чекори кон локалните избори бидејќи сме единствената партија која што во моментов има обзнането имиња на 33 кандидати за градоначалници за кои што сметаме дека се на добар пат и да ја добијат довербата на граѓаните“, рече Милошоски.
За оние кои што се актуелни градоначалници, партијата смета дека дека со досегашната работа, ќе имаат добар кредит да ја добијат и понатамошната доверба.