Македонија
(Видео) Ковачевски: 2022 е година на највисока реализација на капитални инвестиции во вредност од 465 милиони евра
Претседателот на Владата, Димитар Ковачевски, денеска, на прес-конференција, ја презентира реализацијата на капиталните инвестиции во 2022 година. Тој посочи дека во минатата година има највисока реализација на капитални инвестиции во вредност од 465 милиони евра.
Во продолжение интегралниот текст од прес-конференцијата на премиерот Димитар Ковачевски:
„Фактите покажуваат дека и покрај тоа што минатата година беше критична од повеќе аспекти, што оставаше простор за сомнеж дека нема да се успее, сепак во 2022 година имаме реализација на капиталните проекти од речиси 90 проценти од планираното, што е највисок остварен процент во споредба со претходните 10 години. Сето ова го направивме со цел да го подобриме квалитетот на животот на граѓаните и нивниот стандард.
На почетокот сакам да потенцирам дека во споредба со 2014 година, кога капиталните инвестиции беа во вредност од 286 милиони евра, лани тие се искачија и достигнаа вредност од 465 милиони евра, што е зголемување од 179 милиони евра или повеќе од 60 %. Минатата 2022 година бележиме пораст на капиталните инвестиции во повеќе ресори, кои се клучни за развој на државата. Само во последните три години, од 2020 до 2022 година, во услови на пандемија и светска економска и енергетска криза, успеавме да реализираме капитални инвестиции во вкупна вредност од 1,1 милијарда евра.
Минатата година целосно ја завршивме изградбата на експресниот пат Штип – Кочани. Со пуштањето на делницата Крупиште – Кочани во декември, сега го скратуваме времето на патување од еден до друг град на граѓаните од целиот источен регион на државата. Коридорот 8, експресниот пат кон Бугарија, се гради со два нови изведувача и тоа е сосема нова делница паралелна со постојниот пат кој води до границата со Бугарија. Исто така, се работи на проширување на трета лента до границата, а комплетно е рехабилитиран патот Куманово – Ранковце.
Во овој момент активно тече изградбата на автопати во должина од 59 километри. Динамиката на изградба на коридорот од Кичево до Охрид, кој е во должина од 57 километри и во вредност од 598 милиони евра, е навистина забрзана. Таму веќе 75 % од патот е завршен и се работи со забрзана динамика по отстранувањето на сите пречки. Во тек е реализација на автопатот Скопје – Блаце, фаза 1, која чини 12,18 милиони евра. Досега се реализирани 79 %, а фазата 2 е во завршна фаза на проектирање. Вкупната должина на фазата 1 и на фазата 2 е 12 километри. Се подготвуваат автопати за изградба Коридорот 10-Д и Коридорот 8, и тоа:
– изградба на автопат Гостивар – Кичево
– изградба на автопат Тетово – Гостивар
– изградба на автопат Требениште – Струга – Ќафасан
– изградба на автопат Прилеп – Битола
Во текот на мандатот на оваа Влада рекордно се изградени и рехабилитирани патиштата во државата. Ако за 11 години на претходната власт беа изградени и рехабилитирани 650 км патишта, сега за 5 години имаме 1.300 км патна инфраструктура, рехабилитирана и изградена, во која како држава инвестиравме над 1 милијарда евра.
Почнуваме со изградбата на железничката пруга кон Република Бугарија, со вкупна инвестиција повеќе од 600 милиони евра, која ќе се гради во 3 фази. Ова е историска, најголема инвестиција досега. Овозможуваме алтернативна пруга за домашните компании за поевтин и побрз транспорт и поврзуваме пристаништата во Бургас и Драч.
Инвестиравме и во гасоводната мрежа. Комплетно го завршивме гасоводот од Жидилово до Битола. Нешто за што многумина кажуваа дека нема шанса да се заврши во 2022 година. Докажавме дека може да се заврши. Сега непречено Битола може да биде снабдувана со гас. Тоа отвори можност за гасификација на Битола. Веќе привршува фазата на изградбата на топловодот од РЕК „Битола“ до Битола.
Министерството за одбрана во 2022 година продолжи со реализацијата на неколку капитални, повеќегодишни проекти за набавка на современа и софистицирана опрема за Армијата. Во согласност со договорите Влада со Влада, во тек е набавка на лесни оклопни возила JLTV Oshkosh, од кои во 2022 година пристигнаа 6. Во следниот период оваа година се очекуваат уште 27 од вкупната набавка на 96 возила. Склучен е и договорот за набавка на лесни оклопни возила за специјални сили (STRYKER) од САД.
Во 2022 година се потпиша и договорот за набавка на опрема за противвоздушна одбрана со Република Франција. Во 2022 година склучени се и договорите за набавка на артилериски системи во соработка со Турција, како и за ремонт на два транспортни хеликоптера „ми-8МТ“ во соработка со Чешка.
Во 2022 година продолжи вложувањето во подобрување на енергетската ефикасност на објектите, како и вложување во еколошки енергенти во касарните. Тука фокусот е ставен на воведување повисоки еколошки стандарди во одбраната преку вложување во енергетска транзиција и во модерни и енергетски ефикасни објекти.
Завршени се 15 проекти за реконструкција и реновирање на објектите на Армијата, меѓу кои санација и реновирање на сместувачките капацитети на Криволак и во Пепелиште, реновирање на сместувачките капацитети во касарната „Петровец“, изградба на нови санитарни јазли и пречистителни станици на Криволак, реконструкција на повеќе објекти во касарната „Илинден“ и во касарната во Велес, реновирање објект во касарната „Страшо Пинџур“ во Скопје.
За 2023 година планирани се 28 проекти за реконструкција на армиски објекти.
Со целосна реализација на капиталните инвестиции е и Министерството за внатрешни работи. Минатата 2022 година ја завршивме со завидна бројка од 78 целосно реконструирани објекти на полицијата (седум во 2022), со вкупна вредност од над 8 милиони евра. Потоа, во рамките на проектот „Сината униформа дејствува за зелена околина“, инвестирани се приближно 7,4 милиони евра за енергетска ефикасност во сите реконструирани објекти на МВР.
За МВР и за Одделот за воздухопловни единици во рамките на МВР, катастрофалните пожари од 2021 година беа сигнал да се набави најсовремена опрема за поуспешно справување со пожарите, а со тоа и подобра заштита на граѓаните и имотот. Овој оддел е опремен со 3 хеликоптери „бел“, при што за хеликоптерот „бел 212“ обезбедена е најсовремена опрема, со што е оспособен за гаснење пожари – едно ведро за „бел 212“ и симплекс резервоар за „бел 412“.
Владата посветено работи на унапредување и обезбедување квалитетни услови за образованието на секое дете. Министерството за образование и наука ги реализира сите капитални инвестиции, кои во согласност со инвестицискиот план требаше да се заокружат во 2022 година. За реализација на капитални инвестиции со кои ќе се унапреди квалитетот на условите за следење настава од страна на учениците, но и за работа на наставниците, во 2022 година беа обезбедени средства во износ од над 16,3 милиони евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Муртезани на средба со специјалниот пратеник за Западен Балкан на Унгарија, Жолт Бунфорд
Министерот за европски прашања Орхан Муртезани, денеска имаше средба со специјалниот пратеник за Западен Балкан на Унгарија, амбасадорот Жолт Бунфорд, на која што беше потврдена блиската и динамична соработка меѓу двете пријателски земји.
Во фокусот на разговорите беше европското досие на Северна Македонија и спроведувањето на Реформската агенда во рамките на Планот за раст на Европската комисија за Западен Балкан. Министерот Муртезани изрази благодарност за континуираната поддршка од Унгарија, особено видлива и гласна за време на нивното неодамнешно претседавање со Советот на ЕУ.
Муртезани и Бунфорд се согласија дека е неопходно да продолжат реформските процеси и да се искористат сите европски инструменти за институционален и економски развој, со што ќе се забрза европскиот пат на земјата. Беше нагласено и значењето на регионалната соработка, како клучен фактор за стабилноста и напредокот на Западен Балкан.
Министерот Муртезани и амбасадорот Бунфорд ја потврдија посветеноста за натамошно зајакнување на билатералната соработка и интензивната комуникација меѓу двете влади во насока на исполнување на заедничките европски цели.
Македонија
(Видео) Роботска хирургија во воената болница и реконструкција на седум операциони сали и лаборатории, најави Николоски
Воената болница во Скопје ќе добие нови седум операциони сали, нови лаборатории, адаптирани нови простории во интерес на пациентите, истакна денеска вицепремиерот Александар Николоски.
Проектот за реконструкција и адаптација на болницата опфаќа реконструкција простор од преку 3000 м2, и како што рече вицепремиерот Николоски, ќе промовира повисок квалитет на здравствени услуги кон пациентите.
Тој најави дека се очекува целиот проект да заврши оваа година.
„Проектот предвидува реконструцкија на хирушкиот дел во вкупна површина од 2000 м2, седум операциони сали од кои што две ќе бидат за абдоменална хирургија, две ќе бидат за уролошки интервенции, една за уво нос и грло и една за очна хирургија и она што за прв пат се воведува е роботска хирургија, нешто што сме го гледале во странство досега. Понатаму, интензивна нега на површина од 500 м2, предвидени се 7 целосно оперемени боксови за пациенти со најсовремени кревети линиски поставени со централно мониторирање од страна на медицинскиот персонал, придружни простории од 800 м2, стерилизација и биохемиска лабораторија на површина од 100 м2, микробиолошка лабораторија од 80м2, лабораторија за патологија што многу ќе им помогне на онколошките пациенти и трансфузиолошка медицина. Тука спаѓа и саниција на кровот како и поставување на ефикасен систем на греење и ладење, реконструкција на лифтовите, што се заедно треба да не донесе во ситуација некаде крајот на октомври да имаме целосна реконструирана болница 8 Септември што ќе е од голем бенефит за граѓаните“, истакна вицепремиерот Николоски.
Претходно денес беше најавена и изградба на нова терминална зграда и реконструкција на охридскиот аеродром.
Македонија
Презентиран Извештајот за имплементација на законодавството на Енергетската заедница
Комисијата за економски прашања, труд и енергетска политика; Комисијата за транспорт, дигитална трансформација, животна средина и просторно планирање и Интерпартиската парламентарна група за заштита на природата и борба против загадувањето и климатските промени, одржаа состанок со претставници од Секретаријатот на Енергетската заедница.
Претседателот на Комисијата за економски прашања, труд и енергетска политика, Бојан Стојаноски, информира дека станува збор за редовна активност на директорот на Секретаријатот на Енергетската заедница кој еднаш годишно ги посетува националните парламенти на деветте земји – договорни страни на Енергетската заедница, каде врши презентација за степенот на имплементација на законодавството на Енергетската заедница во нивните земји.
Претседателот на Комисијата за транспорт, дигитална трансформација, животна средина и просторно планирање, Беким Ќоку, апелираше да се земат сериозно предвид забелешките во Извештајот во склад со потребите на енергетскиот пазар.
Координаторот на Интерпартиската парламентарна група за заштита на природата и борба против загадувањето и климатските промени, Тони Јаревски, го окарактеризира Извештајот како компас за зајакнување на законите во насока на заштита на иднината.
Од страна на директорот на Секретаријатот на Енергетската заедница, Артур Лорковски, беше извршена презентацијата на Извештајот за имплементација на законодавството на Енергетската заедница во Република Северна Македонија за 2024 година.
Лорковски истакна дека е тука за да се види каде е земјава во моментов, а тоа е некаде на средина, со умерен напредок, нагласувајќи дека напредокот се мери според растечкиот обем на работа.
Извештајот се осврнува на пет области: Енергескиот пазар и интеграција; Декарбонизација; Сигурност во снабдувањето;Подобрување на животната средина; Перформанси на надлежните органи.
Во Извештајот како главни постигнувања во 2024 година се наведува дека земјава е една од водечките договорни страни во развојот на обновливите извори на енергија;
номинираниот оператор на електричен пазар (NEMO) ја заврши тендерската процедура и започна со имплементација на регистарот за гаранции на потекло, приклучувајќи се на регионалниот систем на Енергетската заедница; Изготвен е нов Закон за енергетика, кој има за цел транспонирање на Пакетот за интеграција на електрична енергија.
Како патоказ за наредниот период се наведува дека транспозицијата на Пакетот за интеграција на електрична енергија не смее да се одложува. Воспоставувањето на организиран пазар за интрадневно тргување и обезбедувањето на пазарно поврзување треба да биде приоритет. Транспозицијата на ревидираната регулатива за Трансевропските мрежи за енергија треба да се приоритетизира. Да се забрза темпото на складирање на нафтени резерви за да постигне 90 дена нето увоз што е можно поскоро. Потребно е брзо усвојување на Нацрт-законот за климатска акција. Целта за климатска неутралност до 2050 година треба да се интегрира во националното законодавство, а датумот за фазно исфрлање на јагленот да се вклучи во клучните документи. Процесот на ажурирање и усвојување на Националниот план за енергија и клима треба да се финализира што е можно побрзо. Ажурирањето на Патоказот за декарбонизација на Енергетската заедница за зајакнување на регионалната кохезија во одговор на Механизмот за прилагодување на јаглеродните гранични даноци. Усвојувањето на Законот за обновливи извори на енергија, заедно со измените на Законот за енергетска ефикасност и формирањето на Фондот за енергетска ефикасност, треба да биде завршено. Потребно е да се усвои усогласен правен систем за дозволи за проекти, вклучувајќи целосна транспозиција на Директивата за Оценка на влијанието врз животната средина. Лимитите на Националниот план за намалување на емисиите мора да бидат почитувани без одложување.
Претседателот на Комисијата за економски прашања, труд и енергетска политика, Бојан Стојаноски, ja затвори седницата со уверување дека Собранието во најкус можен рок ќе пристапи кон донесување на предложените законски решенија, како приоритет за земјава.
Со лажни финансиски совети, измамници ги празнат кртичките на граѓаните – полицијата вели, вакви измами има сѐ повеќе
Забележан е зголемен број на пријави од граѓани за измама сторена преку социјалните мрежи и телефонски повици од лица кои...
Мицкоски ја повика ДУИ да достави докази за наводната корупција: Апсолутно имам доверба во работењето на господинот Меџити
Премиерот Христијан Мицкоски вели дека има исклучително блиска и непосредна соработка со министерот за животна средина, Изет Меџити, кого ДУИ...
Македонија е коспонзор на резолуцијата на САД за Украина
Македонија е една од земјите што се коспонзор на предлог-резолуцијата на САД за Украина, а истовремено Европската Унија, предводена од...
Не помина предлогот на СДСМ за намалување на ДДВ-то на струјата и храната
Наместо да донесат одлука што директно ќе го олесни товарот врз семејните буџети, пратениците од владејачката коалиција одбија да ги...
Украина: Во завршна фаза сме од преговорите за договорот за минералите
Украина и САД се во последна фаза на преговори за договорот за минералите, изјави украинскиот вицепремиер Олха Стефанишина. Зеленски претходно...
Ако маркетите ги објавуваат цените на сите производи на интернет, купувачите ќе бидат заштитени oд скриени трошоци, рече Стојаноски
Mаркетите да ги објвуваат сите цени на веб-страниците со цел подобра информираност на потрошувачот и олеснување на споредливоста на цените,...
Ја удирал по главата и телото со боксови и тупаници, па ја силувал: предложен притвор за 37-годишен скопјанец
Поради основано сомнение за сторено кривично дело – Полов напад и силување од член 186 став 3 во врска со...
Зеленски објави видео за годишнината од војната: „Три години апсолутно херојство“
Украинскиот претседател Володимир Зеленски ја одбележа третата годишнина од руската инвазија на Украина со објавување видео во кое се прикажани...
(Видео) Погодена рафинерија во Русија; Гувернерот: Остатоците од дрон го предизвикаа пожарот
Остатоците кои паѓаат од уништените украински беспилотни летала предизвикале пожар во индустриска фабрика во руската област Рјазан, објави гувернерот на...
(Видео) Фон дер Лајен во Киев на 3-годишнината од инвазијата: „Судбината на Европа е во прашање“
Претседателката на Европската комисија Урсула фон дер Лајен утрово со воз пристигна во Киев по повод тригодишнината од руската инвазија...
Русите на 3-годишнината од војната: „Америка сака брз прекин на огнот, но ние не“
Русија ги препознава напорите на Соединетите Држави (САД) да се придвижат кон брз прекин на огнот во Украина, но тоа...
Мерц: САД и Русија се приближуваат до грбот на Украина и Европа
Следниот германски канцелар би можел да биде Фридрих Мерц. Неговата ЦДУ е убедливо најсилната партија во Германија. Тој рече дека...
(Видео) Пратеникот на Трамп за Блискиот Исток: Војната во Украина беше испровоцирана, тоа не мора да значи дека Русите ја испровоцираа
Американскиот специјален пратеник Стив Виткоф денеска изјави дека Русија не треба нужно да се обвинува за предизвикување војна во Украина,...
Мерц: Америка веќе не се грижи за Европа
Претседателот на германската Христијанско-демократска унија (ЦДУ), Фридрих Мерц, рече дека негов главен политички приоритет е „да ја зајакне Европа што...
Мицкоски со честитка до ЦДУ: Европа бара промени
Премиерот Христијан Мицкоски ја честиташе победата на ЦДУ на изборите во Германија преку социјалните мрежи. „Овој успех е потврда за...
Зеленски: Ни требаат 20 системи „Патриот“, подготвени сме да инвестираме
На Украина и се потребни 20 системи „Патриот“ за заштита од руски воздушни закани, кои ќе чинат околу 35 милијарди...
Трамп ги коментираше изборите во Германија: Ова е одличен ден
Американскиот претседател Доналд Трамп ги коментираше резултатите од изборите во Германија. „Се чини дека конзервативната партија во Германија победи на...
Мерц: Победивме
Христијанско-демократската унија ЦДУ/ЦСУ е победник на предвремените парламентарни избори во Германија, а десничарската популистичка Алтернатива за Германија (АфД) е втора...
Почина 21-годишен осуденик: бил донесен во Клиничката болница Штип со знаци на труење
Вчера во 11.31 часот во СВР Штип, од Клиничка болница Штип било пријавено дека кај нив од Казнено – поправната...
(Видео) „На повидок е корупциски скандал во Владата, дали Меџити барал мито“, прашува Илиевски
„На повидок е голем, робусен корупциски скандал во Владата! Бараме премиерот Христијан Мицкоски да излезе и да одговори: дали е...
