Македонија
(Видео) Кузеска: Процесот на преговори со ЕУ носи повеќе инвестиции и зголемена поддршка од европските фондови
![](https://makfax.com.mk/wp-content/uploads/2023/04/Screenshot_9-2.jpg)
Државничките, визионерски одлуки на СДСМ носат придобивки за граѓаните и државата, оценува Богданка Кузеска, портпаролка на СДСМ.
Благодарение на таквите полиитки, додава таа, денес сме земја членка на НАТО и по 17 години чекање, ги започнавме преговорите за членство во ЕУ.
Со тоа, како што вели, ја обезбедивме стабилноста и сигурноста, но и европската иднина на државата.
Денес, според Кузеска, Македонија е препознаена како слободна, демократска држава партнер на западниот демократски свет.
Тоа, како што вели, позитивно влијае и врз македонската економија и животниот стандард.
„Минатата 2022 година, најкризната година во Европа во последните децении, ја завршивме со рекорден износ на странски директни инвестиции од речиси 740 милиони евра.
Тоа е директна придобивка од забзувањето на евроинтегративниот прцес но и доказ дека македонската економија е стабилна, развојна и конкурентна, привлечна за странските инвеститори.
Поволната деловна клима во државата придонесе платите да растат, па така една и пол година пред предвиденото успеавме да го реализираме ветувањето за минимална плата од 20.000 и просечна плата од 34.000 денари.
За споредба, во времето на ВМРО-ДПМНЕ кога државата беше заробена и изолирана минималната плата едвај достигаше 9.000 денари, а просечната плата беше околу 20.000 денари“, истакна таа.
Напомена дека колку е важно што сега сме на европскиот пат говори и податокот за неповратна и друг вид на финансиска поддршка од страна на ЕУ за инвестиции во енергетиката, во време на светска енергетска криза.
Дополнително, рече дека сме земја лидер во регионот по искоритеност на средствата од ИПАРД 2 програмата и се подготвуваме за почетокот на новата ИПАРД 3 програма, каде имаме 62% зголемување на неповратните европски средства, односно нови 97 милиони евра кои стојат на располагање на нашите земјоделци.
Ова, според неа, се само дел од придобивките од нашето членство во НАТО и почетокот на преговори со ЕУ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Радев: Паднаа маските, власта во Скопје се плаши да препознае „Бугарин“ и „бугарскo“
![](https://makfax.com.mk/wp-content/uploads/2018/04/radev.jpg)
Маските конечно паднаа. Новата власт кај нашиот сосед јасно покажа дека најголемиот страв на политичката класа во оваа држава е да го препознае самото постоење на зборовите „Бугарин“ и „бугарски“ во РСМ. Ова како што пренесуваат бугарските медиумите, пред новинарите го изјавил бугарскиот претседател Румен Радев.
„Сега станува многу јасно зошто во пролетта 2021 година, како претставник на Бугарија во Советот на ЕУ, подолг период го преместив фокусот на европските институции и лидери од заштитата на нашата историја, култура и јазик во заштитата на правата на Бугарите. Стана јасно зошто ја покренав идејата за нивно вклучување во уставот на земјата како важен предуслов за почеток на преговорите за членство и ја бранев оваа кауза до самиот крај“, вели Радев.
„Но денес конечно маските падна кај нашиот сосед и јасно се покажа дека најголемиот страв на политичката класа во оваа земја е да се препознае самото постоење на зборовите „Бугарин“ и „бугарски“ во РСМ. Ова е политика насочена директно против европските принципи и донесени одлуки со консензус на сите земји-членки против меѓународните обврски преземени од РСМ, но особено против сопствените граѓани, кои јасно ги декларираа своите амбиции за европски развој на земјата. Очекувам итни конкретни дејствија и од бугарската влада и од европските институции за почитување на европските принципи и норми во процесот на проширување, за гарантирање на неповратност и одржливост во афирмацијата на принципите на демократијата и главните критериуми во почитувањето на човековите права. Ако ЕУ не се заложи за европската перспектива на Балканот, врз основа на јасни принципи, норми и вредности, тогаш порано или подоцна Балканот ќе ја соочи Европа со балканизација“, рече претседателот Румен Радев, пишуваат медиумите во Бугарија.
Македонија
Филипче: Моја главна грижа ќе биде грешките од минатото никогаш да не се повторат
![](https://makfax.com.mk/wp-content/uploads/2024/06/WhatsApp-Image-2024-06-25-at-20.48.44-1.jpeg)
Венко Филипче, кандидат за претседател на СДСМ, на вчерашните средби со граѓаните во Кисела вода и Штип истакна дека СДСМ мора да учи од грешките, а идниот претседател е должен тие никогаш да не се повторат.
„Историјата е нашиот најголем учител, но само ако избереме да учиме од неа. Иднината на СДСМ ќе остане заложник на минатото ако не направиме суштински промени. Ако бидам избран за претседател, моја главна грижа ќе биде грешките од минатото никогаш да не се повторат“ – истакна Филипче.
Тој рече дека како претседател ќе води со пример и ќе се заложи за обединување на партијата преку взаемно почитување и давање глас на членовите.
„Новото раководство на СДСМ ќе делува суштински различно од сите претходни. Ќе водиме со пример, со многу чувство и емпатија за да осигураме дека секој член се чувствува ценет и слушнат. Сила на обединување ќе бидат другарството, еднаквоста и взаемното почитување. Само така од СДСМ ќе направиме вистинско семејство“ – рече Филипче.
Македонија
Надлежните бараат решение, по зголемениот број на пријави за змии во државата
![](https://makfax.com.mk/wp-content/uploads/2024/06/zmija-sk.jpg)
Вчера во Центарот за управување со кризи, директорот Стојанче Ангелов, одржа Координативниот состанок на тема “Загрозување по животот и здравјето на луѓето од зголеменото присуство на змии во урбаните средини”, на којшто присуствуваа претставници од Министерство за внатрешни работи и од Зоолошка градина Скопје, а и високи претставници од Центарот за управување со кризи.
Инаку, како што информира ЦУК, на седницата иако биле повикани, не присуствувале претставниците од Министерство за животна средина и просторно планирање, од Министерство за здравство и од Министерство за земјоделство, шумарство и водостопанство.
„Од директорот Ангелов, беше истакнато за зголемениот број пријави за змии во државата, како фактичка состојба, што индицира соодветно превентивно да се реагира од државните структури што се во допир со таа тема.
Претставниците од Зоолошката градина Скопје информираа дека доброволно во рамки на можностите понекогаш помагаат за безбедно отстранување на змии и тоа го прават за доброто на граѓаните, при што посочија дека корисно би било на идната координативна средба да се викнат претставници и од невладиниот сектор, конкретно од Македонското еколошко друштво (МЕД), („херпатолози“), за да направат стручна експертиза“, соопшти ЦУК.
Напоменаа и дека во Град Скопје нема за сега случаи на опасно повредени или загинати лица од отровни змии, што е во домен на Министерството за здравство и Институтот за јавно здравје.
На конструктивната средба стана збор и за работите коишто се, како и во другите современи земји поврзани со лиценци или дозвола за заловување на примероци од див свет, како се заловува дивото животно, а и начин и места каде што потоа живо и безбедно се пушта на слобода во природата или друго одредено место, согласно специфични случаи. Тоа беа прашања што се во сферата на проблематика на Министерството за земјоделство, шумарство и водостопанство и Министерството за животна средина и просторно планирање, коишто, според информациите, во буџетот треба да издвојуваат финансиски средства за обука, за теренска акција и за едукација за справување и запознавање на диви животни.