Македонија
(Видео) Кузеска: Членство во ЕУ значи подобар животен стандард и силна економија, тоа е патриотизам
Според портпаролката на СДСМ, Богданка Кузеска, во рацете на македонските пратеници е одговорноста за европска иднината на државата, која значи економски напредок, поголем животен стандард, поголеми плати и подобри услови за бизнис.
Затоа и граѓаните, како што вели, го поддржуваат членството во ЕУ, над 80 % од нашите граѓани сакаат да бидеме дел од Унијата затоа што, пред сѐ, тоа значи економски развој, повеќе пари за народот и подобар живот.
„Изолацијата и неизвесноста, држењето на земјата надвор од ЕУ ќе има директна штета врз економијата и стандардот на граѓаните. ЕУ е наш најголем финансиски поддржувач. Досега ЕУ има инвестирано над 3,3 милијарди евра од првиот ден на нашата независност. Забрзувањето на европските процеси денеска за нашата економија и за нашиот народ ќе значи 11 пати поголема финансиска помош од фондовите на жител утре. Ние како држава досега имаме искористено околу една милијарда од ИПА-фондовите, а Хрватска како земја членка за 10 години има искористено дури 25 милијарди евра. Тоа е разликата“, соопшти Кузеска.
Дополнително, според неа, економиите на земјите што станале членки на ЕУ во првите 5 години имаат исклучително позитивни стапки на економски раст.
„Растот на платите на работниците, пак, во првите пет години по зачленувањето во ЕУ е огромен кај сите земји што станале членки. Ова е директна придобивка за куповната моќ за граѓаните, за семејните буџети и подобар животен стандард, што неминовно се случува. Сето ова ДПМНЕ сака да го блокира, со што работи на директна штета на стандардот на народот. Тоа ние нема да го дозволиме“, вели портпаролката на СДСМ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одземен имунитетот на судијата Наќе Георгиев – обвинителството отвори истрага против две лица
Обвинителството објави детали за случајот со апсењето на врховниот судија, Наќе Георгиев.
Од тука информираа дека акцијата за апсење следела по пријава од син на обвинет во предмет што се води во Основното јавно обвинителство за гонење на организиран криминал и корупција.
Обвинителството објави дека донесена е наредба за спроведување на истражна постапка судијата и уште едно лице за кои постои основано сомнение дека сториле кривично дело Примање награда за противзаконито влијание од член 359 од Кривичниот законик.
„Според сознанијата добиени од пријавителот, првоосомничениот користејќи ја својата службена положба и претпоставено влијание лажно ветувал погодности за обвинет (татко на пријавителот) во друга постапка што се води пред Основното јавно обвинителство за гонење на организиран криминал и корупција, и лажно прикажале дека ќе извршат влијание заедно со второосомничениот. Предметниот обвинител, вчера вечер покрај предлозите за претрес на повеќе локации, ценејќи дека се исполнети условите до Основниот кривичен суд Скопје достави и предлог за определување на мерката притвор за првоосомничениот. Со оглед на тоа што станува збор за судија во највисокиот суд во државата – Врховниот суд кој ужива имунитет, а кој е фатен in flagranti во извршување на кривичното дело, предлогот преку Основниот кривичен суд е доставен на одлучување до Судскиот совет на РСМ кој во текот на ноќта му го одзеде имунитетот, по што денеска Основниот кривичен суд Скопје ќе одлучува за предложената мерка“, велат од Обвинителството.
Прибраните докази и извршените претреси до овој момент даваат законски основ на предметниот јавен обвинител да предложи притвор само за првоосомничениот кој е затекнат при извршување на кривичното дело“, велат од Обвинителството.
Во однос второосомничениот, како што информираат од Обвинителството, до овој момент доказите не даваат основи за да се предложи најстрога мерка за обезбедување. Истрагата продолжува до целосна проверка на сите околности и наводи.
Синоќа по наредба на судија на претходна постапка извршен е претрес во домот на членот на Советот на јавни обвинители Иџет Мемети во Тетово и претрес во службените простории на Советот на јавни обвинители.
Македонија
МВР утврди неправилности: забавниот парк со панорамско тркало во Карпош ќе биде отстранет
Постапувајќи по допрен глас дека во Скопје, на подрачјето на Општина Карпош, поточно пред спортскиот центар Борис Трајковски без соодветни документи и потребни дозволи се поставени реквизити за забавен парк меѓу кои и панорамско тркало, полицијата излезе на лице место и презема конкретни соодветни мерки и активности од делокругот на својата надлежност и овластувања.
„Од страна на инспекциските служби поведена е постапка за констатираните неправилности, по што ке бидат преземени конкретни мерки во насока на отстранување на истите, престанување со вршење на активноста, како и дислоцирање на реквизитите“, информираа од МВР.
За случајот, викендов алармираше Град Скопје, од кадешто беше истакнато дека фирмата „Дизниленд реквизити“ од Чаир регистрирана пред само еден месец, без соодветни документи и дозволи, без потребна документација која гарантира безбедност, монтира панорамско тркало и останати реквизити во Карпош пред Борис Трајковски.
„Град Скопје, во рамки на своите надлежности изврши надзор, превзема мерки и го казни правното лице, но тој сепак насилно продожува да работи. Ги повикуваме надлежните институции и апелирам да постапат во најкус можен рок, бидејќи се доведува во прашање безбедноста на децата и на сите останати посетители поради практицирањето на ваквото самоволие“, повикаа од Градот.
Македонија
Претрес и кај Иџет Мемети во случајот со барањето поткуп
Синоќа по наредба на судија на претходна постапка извршен е претрес во домот на членот на Советот на јавни обвинители Иџет Мемети во Тетово и претрес во службените простории на Советот на јавни обвинители.
Претресот е поради сомнеж дека Мемети заедно со врховниот судија, Наке Горгиев, имал влијание злоупотребувајќи ја позицијата член на Советот на јавни обвинители во случајот барање на мито за олеснителни околности.
Мемети е и поранешен министер за правда, уставен судија, државен советник во Владата и член на Државната изборна комисија.
Судијата Наке Георгиев вчера беше приведен, откако бил фатен со мито.